دردشة بنات ليبيا , دردشة حوامل ليبيا , تجمع بنات ليبيا

[dr.loly]

داخ من تغير الضغط طبعا ف الطيارة قعد منظروه مصدوم ....خلاص بعد وصلنا مطار طرابلس نزلنا وهنا الكارته ابوفراس عدا شور سير الشناطي وخلاه ليا طبعا المطار زاحم وفراس بيمشي وقعدت ماسكه الاء ويده من جهه وهو يدف فيا كرلي وشاحي قريب نزله فضيحه....بعدها هرب مني حطيت الاء عند زوجة صاحب زوجي مترافقين معانا وعديت نجري شور البوابه جبتها قلبها عياط بعدها مشي اخري قعدت انتبع فيه كان حقيتوه فرحان ونظرات البرائه مختلطه بالشر ف وجه ههههههه... وطبعا الناس اتفرج عالفيلم متاعنا اخرتها خش مصلي الرجال خشيت جبته قعدت نبكي بعدها معش قدرت ...قعدت مصبيه به وهو يدف فيا بينزل لعند ماخلاص وجي عرق قعد اااااااه وبس والاء اتعيط جععانه

[اوشي]

ههههههههااااااااااااااي ....

مغامرات فراس في المطار ربي يحفظه ... شكله مشاكس كيف عصومي عندي الله يهديهم

اماله اخذي بالك اكويس في مطار هيثرو اكيد اكبر وزحمة اكثر رد بالك منه راه يبلط من هنا والا من هنا

[اوشي]

سوسو وينك ..............

[اوشي]

اليوم توام روحي ماسك في المحطة

طبيعة عمله يمسك يوم كامل ويتريح 3 ايام

اليوم مافيش تطييب لاني واولادي نموتو في الانصاص والعصائر

[اوشي]

توة بنمشي نغير لرويتا وتبي ترقد

دايرة جو امعفن ... السلام توة

[أم أجنادين 80]

هههههههه ام فراس الباين فروسة مشاغب
كل الأطفال في هذه السن يتحركوا هلبة وعندهم طاقة زايدة
وحب الفضول لكل شي جديد
فوسعي بالك معاه

اوشي حتي النصاص كويسات شن تفكري اديري
انا كيف حطيت خبزة الخضرة في الكوشة مصارش من السويسرول

[sosolibya]

السلام عليكم

كيف روحت من عيالى عيااااااااااانة كنت متغدية عندهم

[اوشي]

وعليكم السلام

سوسو لاباس عليك حبيبة

[sosolibya]

نرجعو للعزومة

هذا ليلى يبي يسترجع الفكرة

المشاركة الأصلية كتبت بواسطة sosolibya

نجو للعزومة بسم الله الرحمن الرحيم

طبعا الراجل كلم راجلى وقالى مانبوش فى الليل يعنالمغرب نكونو مروحين
وقاله بنجو الظهر وبنروحو المغرب
بصراحة حسيته جيان بلا قدو
وبديت نخمم عاد ونقول لراجلى كان نلقى نبدأ من توا
هذا الكلام اليو يللى قبله فى الليل

هبلته معاى تخيلو لدرجة جاى ينوض فيا من 5 يقولى مش قلتى بنبدأ بكرى المهم نضت 7 وطول بديت فىرز البلاو
طبعا اليوم يللى قبله مشيت خديت طنجرة كبييييييييرة بكسكاس متنع الشريف ب58

خصيصا عشان الرز
وبديت نقلى ونطبخ ونسكب فى فى الكسكاس
ونحط فى الزبيب
زنقرظ فى الكبدة طبعا الكبدة اول مرة فى حياتى نديرها فى الرز قبل بالدجاج بس

وبعدين طلعت درت دورة فى الصور ووليت نجرى للمطبخ

تعرفو مالحقتش نقعمز بكل بكل
بديت فى طبيخة العدس درتها بنوعين عدس
ودرتها حكم بيضاء بطمطم اخضر بس
خفتهم ماياكلوهاش لو نديرها حمراء

المهم وبعدين بديت فى الدجاج طبعا كنت طابخاته من اللل فى الكليل والزعتر ووو
ونقعته فى الحليب
عشان قالو يطرى اللحم

وبديت نديره فيه بين دقيق ودحى وخبز بعد مارحيت الخبزة

اااااااه حالة تخيلو يد واحدة قداش بتخدم وامى ديرلى فى البيتزا غادى
ودارتلى كعك ومقروض وبيتيفور يارب خليهالى

يتبع...........
وبعدين جتنى امى عاونتنى شوية وجابت البيتزا وزلطت معايا اللوز
وضربت انا الطبيخة فى الخلاط

وقلينا الدجاج

وعاد الماعين مكدسات حالة

غسلتهم ماما

وبعدين بديت فى مسح الغبرة

يتبع,,,,,,,,وو

وبعدين ريم مشت مع امى لأنها رجعت لحوشها عندها عامل بتطيبه غداه

وحمود دزيته لعمامه باش نفضى بالحوش

مع انى ظاماته بس لازم من اللمسات الخيرة

ظميت ولمعت ومسحت وكنست ووووو

وطبعا كل شوية نتصل براجلى نقوله شن صار
ماهو بيستناهم باش يجو وراه
وبعدها جت عزوزتى جايبتلى حمود مرمدى روحه طول دخلته للحمام
تخيلو كل مانبى نخش للحمام مايصيرش
وطلعت المبطن من الفريز

واخيرا حصلت فرصة وخشيت للحمام

تحممت وصليت وغيرت ولبست فستان صيفى حلو وتعطرت وتغندرت

وقعدت نراجى

وطبعا الراجل قال لراجلى ان الشيابين كيفهم المرة هذه واحد منهم تعبان مش رح يقدر يجى
وخليهم مرة ثانية(معناها بنديرلهم عرس اخر هههههههههه)

المهم
قلت لراجلى يكلم صاحبه واحد ثانى حتى هو سورى بس مقيم فىليبيا قريب 20 سنة وزوجته ليها 5 سين طبعا مافيش مرة شفتها
بس قلتله احنا عاملين حوسة يالله قوللهم وخلاص
وقالم طبعا الراجل هذا عنده مصنع وصالة حلويات

وبعدها بشوية
اتصل بيا رالى قاللى زوجة الراجل وصلاتك(تبع الحلويات يللى انا مانعرفهاش)
جت وخش وسلمنا وماشاء الله عليها حكم قريب تبدأ ليبية
وجايبة معاها من المحل بكلاوة يممممممممم تجنننننننننننننننننننننن
مع انى نحب بكلاوة الكاكاوية بس هى جايبتها متع لوز تهبللللللللللل
وخشينا وقعمزنا فى الدار الجديدة يللى تبهدلنا فى تفريشها اليومين يللى قبلهم انا وحماتى الصغيرة (توا نصورها طلعت تهبل)

وتعرفنا على بعض
مواليدها 87
وزوجها 76
وعندها زوز اولاد ماشاء الله 4 و5 سنين وتوا حامل

وبعد شوية جو الجماعة

خشو وسلمنا وأهلنا ورحبنا وسهلنا
ودخلو جلسو خخخخخخخخخخخ بالتفصيييييييييل

(طبعا ماجابو شىءءءءءء ماتسألونيش علاش مش عارفة بالرغم من انى لما مشيت تغديت عندهم رفعت بوريك وكبرنا بيهم زعميتنا رافعين خبزة مداس
وزياراتى الاخرى نرفع فى ويات وخضرة وتموين بما انهم الفترة الاولى كانو جدد ومستحقين قبل مايبدو يخدمو)
وجت ماما
وقدمت اول شىء شوكلاطة فى مرد حلو شارياته جديدد يهبللللللللل ههههه
وبعدين عصير خوخ طبيعى
وبكلاوة يللى جاباها
وبعدين نضنا تحولنا
فى الصالة
وقدمنا قهوة و3 انواع حلويات متع ماما

وطبعا الرجالة يللى جابوهم الاثنين قعدو قلنا خلاص نعطوهم غاهم وبديت عاد نجرى بالله عليكم يد وحدة قداش بتخدم امى شرطتعليها تقعد جنبهم لانهم حتى هكما مستحيل يخلونى نقعمز بروحى
وجت حماتى الصغيرة معاى وبديت عاد نسخن من جهة وحط من حهة (ااااااااااه قاللى راجلى وامى مازلتى تفكرى فى العزومات نهارك انتى ماعندك ليها جهد)

واعطيناهم والحمد لله طبعا درتلهم نفس جوهم هما سوانى وغرفية وكل واحد يصب فى صونيته
وبعدين فورا بديت فى سفرة النساوين

هههههههههه بنات حسو معى اللحظة وتخيلو رواحكم تحسوها زى الكابوس

ههههه يابنات والله غير احنا الليبين نعقدو فى رواحنا توا هما والله مايعدلو بسطاااااااااء
لأبعد الحدود وأهم شىء عندهم الهدرزة والمتعة مش زين شن بنحطو زكيف ولا وعلاش وو
تعرفو حتى انا لما مشيتلهم
ماقدمولى شى للغداء وانا مشيت الظهر والغداء كان العصر
الحق جق
حت لما تروحى يبدو يقولولك عيديها وكرريها
واحنا مانديرو العزمة لبعد وين ونبدو نتمنو امتى تمر على خير


ههههههههه شورنى بنحول على صحبة السوريين خخخخخخخخخخخخخخخخخخ\

والله اللييبين مافى زهم ماشاء الله غير ان احنا نعقدو فى رواحنا هلبة


تعبت هلى ناخد فاصل شوية........

[اوشي]

جنودة ........

حتى انا ماصارش من الانصاص .. درت صفيرة سريعة بابا غنوج وبطاطا مقلية

وتن وجبنة ومخلل

.الانصاص خليتهن للعشاء وان شاء الله بندير شاورما