ديوانية حوامل البحرين

[بنت الأياويد]

السلام عليكم ، شلونكم ، انا اليوم رحت سويت تحليل سكر والحمدلله سهالات خذوا مني غرشه وحده بس اول مارحت لها شربتني عصير جلوكوز وقالت لي عقب ساعه بالضبط ارجع لها وخذت مني دم بس محد عنده فكرة شكثر اتم وتطلع النتيجة لان موعدي في العيادة الاحد

[rose soul]

رحت ابي ارقد ما ياني نوم

في أحد موجود؟؟

..
حبيبة حسوني..اذا خايفة يطلع غلط ردي جيكي مرة ثانية علشان تتأكدين اكثر
..

يا ناس جنة صايدني ارق مب قادرة ارقد افففف

[rose soul]

بنت الاياويد..هلا وعليكم السلام..والله زين بس غرشة وحدة..والله ماعندي فكرة متى تطلع النتيجة..والحمدلله تسهلت لج..شجعي حنين اللي تخاف هههه

[حروف عاشقة]

طق طق طق

نحن هنا

[حروف عاشقة]

حنينووو طلعتي جبانة مثلي بس اني خلاااااااااص ودعت الخوف من الابر تعودت عليها من حملت

وتحليل السكر عادي يسحبون منج اول ما تروحين بعدين يشربونج العصير وبعد كل ساعة غرشة
بنت الاياويد محظوظة خخخخخ بس غرشة انا اربع اغراش دم ونمت عندهم بعد صادتني دورة والنتيجة طلعت في موعدي الثاني وطمنتني ما فيني سكر الحمد الله

النتيجة العادية من 1إلى 7 ما فيج سكر ومن 8 إلى 10 هذول معاهم سكر

رووز للحين موجوده لو نمتي ؟

[rose soul]

لا لحين موجودة

[حروف عاشقة]

يا هلا شكلنا الليلة سهارية ...

انا كل ليلة ما انام بس ما اقدر اقعد على النت وااايد الليلة قلت بقعد بشوف من سهرانة اهدر معاها :)

[rose soul]

هههه انا غريبة الليلة ما رقدت من وكت
انا من تيي هالحزة الا من زمان خامدة
بس الليلة مادري شفيني رحت ع السرير احاول ارقد ما قدرت
شكلنا الليلة بنصير خفافيش ههههه

[حروف عاشقة]

اي والله خفافيش خصوصا في الاشهر الاخيرة يا خيووو احس روحي بفطس لا اقدر انام لا يمين ولا يسار ما انام إلا الصبح وألم الظهر ما يحتاج اتكلم عنه حدث ولا حرج ،، وانتي شخبارش مع الحمال ويش مسوية ؟؟

[rose soul]

اي والله.. الله يساعدج..كل مازادت الاشهر زاد الثقل

تصدقين انا بعد اعاني في وضعية النوم..مع اني توني ودبتي صغيرة بس تضايقني هههههه
لازم اتقلب ليما احصل الوضعية المريحة وبعدها ارقد عقب معاناة هههه