دردشة بنات العراق, دردشة حوامل العراق , تجمع بنات العراق

[نبعة الحب]

المشاركة الأصلية كتبت بواسطة فوفو العراقية

ههههههههههههههه
الله يحفظلج اولادج ويعينج عليهم
اني عندي ولد الجبير واجهضت 3 اولاد
وعندي بنوتات 2 ربي يحفظهم الي قرة عيني همة
شلون مؤدبات ويسمعن الكلام الله لا يحرمج من نعمة البنت لان فعلا غير شكل
وطبعا اطفالي هذولي واجهاظاتي من طليقي وعايشين وياي...
وهسة حملي هذا من زوجي الثاني النة 4 سنوات و9 اشهر متزوجين تقريبا وهذا اول طفل النة وكالو انه ولد
والحمد لله على عطيته لو اجة بالسلامة يصيرون 2 ب 2 ههههههههههههه

بس حبي اكو ابرة لتخثر الدم اني انطوني 4 قبل فترة تنظرب بالبطن
لان بالتحليل بين عندي تخثر بالدم
بس كالولي وزن الطفل زايد وقتها
ماعرف شنو سالفتهم
لان جنت 31 اسبوع والطفل 2 كيلو..

ما شاء الله هو تعادل هههههههه 2 بنات و2 ولد حتى يصير فريق وبعدين اني دوم اكول الولد يريد اخ والبنت تحتاج اخت الها بالمستقبل


بس هواية متاخرة بالحمل من زواجج الثاني 4 سنين اني تدرين الكل يلومني يكولي الفرق بينهم قليل وانتي بحالتج هاي مو زين بس مو بيدي صار بالغلط ههههههه


واني همين قيصرية شسوي كلة قسمة

والله تعبت يا فوفو اني بالمانيا كلشي مينطوني ممنوع يا ابر يا بطيخ همة اسبرين وممنوع ما ينطون شي هنا الاوروبيين تعبت واني نيمة بامشفى وفحوصات كل يوم وبهذلة ميفيد اني ولدت في الاسبوع 32 وكان وزنة كيلو بس تخيلي كالو لازم نطلعة ميفيد بعد توقف النموووو شهرين مراقبلة وفحص دقات القلب باليوم 4 مرات متت اخر شي كلت الهم الي تردونة سووو تعبت اني

البنات حبيبات لمهن الولد بس يكبر انشي عندج ولد وراح تبقين مكابلة الباب وين رحت ومتى تجي وليش تاخرت ههههههههههههههههههههه يمة الله يعيني

[فوفو العراقية]

نبعه الله يكون بعونج
والله حالج صعب بالحمل والولاده


بس اني بنتي الزغيره عمرها هسة اكثر من 8 سنوات
يعني جبيرة وبالمدرسة
انتي بالمانيا والله يعينج عالغربة بس اني هم ب اروبا بس بفنلندا وزوجي جان عايش ب المانيا قبل مانتزوج ب 8 سنوات
واجة علمودي والحمد لله استقرينة سوى
بس ماحبينة نسوي رأسأ طفل لان كلنة نشم هوى بالاول هههههههههههه
وبعدما بنتي دخلت مدرسة كلنة نسوي بيبي لان كبرت ولازم نشوف ابنة وثمرة حبنة...
والحمد لله رب العالمين اكرمني وصار البيبي وان شاء الله يتم حملي على خير يارب.
واجيب وكوم بالسلامة ويارب كل الحوامل بالصحة والعافية...

بس ترى هنا الطب ممتاز
والمانيا احسن بهواي من هنا لان اني رحت للمانيا فترة وتمرضت وعرفت الطب زين
وكلة من مصلحة الام والطفل
لان العلاجات مضرة للاثنين.
الله يسهلج ويفرحج يارب.

[نبعة الحب]

اي زين سويتو هههههههههههه ما شاء الله الله يتمم حملج على خير ان شاء الله

طبعا هيا المانيا حلوة وتخبل بس اني ميعجبني علاجهم همة مينطون هواية تخيلي اني عملية وابجي من الالم مينطوني مسكن يكولون تتعودين مو زين الج واني امووووت من الالم يعني هو قانون ودراستهم هيجي

يلا تعالو زيادرة لمانيااااااااااااااااااااااااااااااااااااااااااااا ااااااا نورونا


اني هسة ما اعرف شسوي وية المناع تعبت صارلي 5 سنين متزوجة


من سنة 2008 ولحد الان وية المناع ما يصير وياي


اريد اسوي مناع ارتاح منة وابدياااا يعني للابد هههههههههههههه ردت اسوي ربط بس ؤمحد ينصحني بي

لولب ميصير عملية وتعب هوسة حبوب المناع كالت الدكتورة مو كل نوعية ترهم الج بسبب مشكلتي وية التخثر الموانع البقية الواحد يستهان بيها وعلى الله يوم هيجي ويوم هيجي وصار حمل يعني شوكت ارتاح

لو اكو مانع للرجال حتى احنا نرتاح شوية ههههههههههههههه

اني صارلي 12 سنة بالمانيا اجيت صغيرة وتزوجت وزوجي من المانيا همين بس مع الاسف انتقلت عن مدينة اهلي وخواتي صارلي 3 سنين بسبب شغل زوجي والمسافة تطول من 6 ساعات بالقطار السريع وبسيارة يوم كامل وية الجهال هههههههههههه واني تعبت من الطريق صارلي من شهر 5 ما شفت اهلي السفر متعب مرة بطيارة مرة بسيارة مرة بالقطاااااااااار وهاي حالي اريد استقر على الاقل انتقل لمدينة قريبة يمهم بس مترهم الله كريم بلكت بعد الولادة

[White angel]

هلووو بنات شلونكم
اني شويه ملتهيه وي زوجي
خطيه دا يتعب ب الدراسة وكللللللللللللللللللللللللش صعبه الاساله مال السياقه ومشلوع قلبه سوده عليه
اكول بنات اليوم بنوتي الحلوه مالها خبر متحركت
وكلش صايره بطيئه
البارحه تحركت مرتين بس يمكن حسيت بيها واليوم ماكو
شنو تنصحوني اسووي والله تعبت من التفكير

[ام نورهانه]

هلوووو حبايب

نبعة الله يعينج على تعبج بالحمل وج عيني انتي كلها التعب وهم الج خلك تحبلين اني هاي الثانية وكتله بس اجيب اخلي صاروخ علمود من تتقرب وتكول اريد طفل افجر نفسي هههههههههههههههههههههههه
هو بلايه كلشي متعب والنوب حالتج انتي الله يعينج ويصبرج ويفرح قلبج

فوفو حب شلونج وشلونه الكتكوت لج هو وين اكو نوم ادمرنه
اني فد شوية راح اطلع مبدلة اني ونورهان بس ظل سي اليد بعده ديبدل اريد اتمشه شويه
وهم اكو مسرحية حلوة حجزنه عليها وكلنه النروحلها تبدي 7 ونص
بلكت ارجع والنونيه مالتي بحظني مو ببطني ههههههههههههههههههههه

زنوبة شلونج حياتوش الله يعينكم على الدراسة لاتذكروني اني 1/10 دوامي وفوكاها بكلوريا عااااااااااااااااااااااا

والنونيه ولج عادي هي تخنس لان الجنين هم ينام ويتعب من الوكاحة والدفرات
بس اذا تردين تنشطيها اكلي حلاة واشربي شي دافي وهيج سوي تدليك البطنج ونامي على ظهرج هسة تكوم تكمز هههههههههههههه

[فوفو العراقية]

صباح الخير
هسة كعدت من النوم
ولكم عيني الليل كلة ماضاكت النوم
وقبل شوية كلت اخذ قيلولة وهم التقلصات خبلتني
وكل شوية اريد اروح للطوارئ لان حالي مو طبيعي
الطفل كلما يتحرك حركة وحده يجي التقلص يمردني مرد ويوكف حركته وحسة هوة هم دا يتأذه خطية
المشكلة باجر عندي موعد ب مركز الحوامل مراجعه
وخل اشوف اشتنصحني
وعندي موعد ويا اخصائية السكر ودكتورة وسونار وكل شيئ يوم 4 يعني بعد هواي
بس شلون راح اتحمل ماعرف
يمكن لليل اذا هيج ضل حالي مالي حل غير اروح
والمشكلة الاكبر عندي انتفاخ
مثل غازات دا تموتني وحرت شلون اتخلص منها
تكرمون عندي مثل البواسير والمنطقة مسدوده بشكل رهيب
ومعدتني دا توجعني
على الاغلب عندي مشكلة بالقولون...
والله احتاريت بحالي ليش هيج صار بية؟؟؟؟؟؟؟؟؟؟؟؟؟؟؟؟
خل اشوف لليل هم اطلع امشي ولو ضل الالم والانتفاخ اروح للمستشفى وامري لله
لان لا حمام حار دا يفيد
ولا حركة ومشي يفيد
وكامشة قلبي لا يطلع التقلص دا يأثر عالطفل وتوسع ماكو
وبهيج لازم عملية قيصرية رأسأ لان كالولي خطر عالطفل...

ادعولي يا بنات ودعاء الغريب للغريب مستجاب
الله يخليكم...

[فوفو العراقية]

طلعت تمشيت ويا رجلي
الجو جان يجنن لان مطرت وبعدها صحت وطلعت الشمس
واااااااااااو جو يجنن

رحت جبت اناناس
لان قريت هواي انو الاناناس زين كلش للولادة
يسهل ويرخي عنق الرحم
اجرب واكل منه اليوم
بس اخاف السكر يرتفع الله يستر...


ام نورهان
جربي انتي هم الاناناس الطازج
جيبي قطعي وكلي منه قدر الامكان حتى لو وحده كاملة
لان كلش يفيد لحالتنة ويسهل
اني ماراح اكدر اكل هواي علمود السكر مالتي
بس اجربه لو مارفعه راح اكل منه اكثر..

[فوفو العراقية]

اني اكلت ربع اناناس من ربع ساعه
ولو مارتفع السكر ف قبل ما انام هم اكل بعد والله كريم عسى ربي يجعل بيه الخير
والتسهيل أو يخفف عسى من الالم... يارب.
لان هوة لو مافادني ميضرني
وبكل الاحوال ينفع للمعده والغازات والانتفاخ والامعاء .

[فوفو العراقية]

انتو وين اشوف ولا وحده موجوده
واني كاعده الغي ويا روحي
وام نورهان راحت وبعد مجتي....

[ام نورهانه]

هلووو اني اجيت وجسمي مكسر عااااااااااا كله يوجعني من الازدحام والعالم كتل والنوب كعدة السيارة تموت ورحنه للمسرحية
ووراها تمشينه ورحنه للفقمة اكنه ايس كريم اني رأسا طلبت ازبري لان قلبي مشتعل نار بس اكلت شوية كلش ارتاحيت ثلج ونزل على قلبي والنوب شلون شغله لزمني النعاس هنااك وكمت اريد افتح عيني وراها مااكدر بحيث افتح وحدة تنسد الثانية موصلت الا اني نايمة على روحي وهسة نومت نورهان وكلت خلي انام بس حبيت اشوفكم ياله
مع الاسف كلت بلكت نروح 3 ونجي اربعة ماكو تمشيت كومة والتقلصات تروح وتجي بس بنوتي معاندة ومتقبل تطلع

فوفو الله يعينج انتي قولونج اني كليتي صارلها يومين وكلش خايفة منها لا تهيج وكلشي مااكدر اخذ دوه غير بس اشرب ماي وعصاير
والانناس اني مااحبها لان اضوج من الالياف الي بيه كلش يزعجني بس كالولي فوري دارسين وشربي تفتح الرحم وحبة السودة وعسل وحليب دافي