دردشة بنات العراق, دردشة حوامل العراق , تجمع بنات العراق

[نبعة الحب]

اني من اول حركة للبيبي تكون تحت اسفل البطن وهذا مو اول حمل الية يعني متعودة

هواية الدنيا تغيرت حبيبتي امهاتنا قبل كلشي نسن هههههههههههه حتىمن اسال امي فد شغلة تكولي والله مدري ما مريت بهيجي حالة ولا سمعت

كل جنين وحركتة سبحان الله بس افرحي لان يتحرك ما شاء الله

[فوفو العراقية]

مساء الخيرر
هااا شو ولا وحده
اني ضااايجة ...

[ام نورهانه]

هلو حبايب
نبعة وامرأة الفرح ربي يتمملكم حملكم على خير وتكومون بالسلامة

امرأة الفرح اني ببنتي كنت هيج وهواسيه كلش لان كان عندي قبلها اسقاط ومنعوني من الحمل اكثر من سنه لازم فكنت كل اسبوع اروح ارسوي سونار من الخوف علمود اطمئن واذا ضلت يوم متحركت كنت اني وزوجي نروح نركض الابو السونار نطمئن عليها ومجتي للدنيا الا واحنه نفسنه مكطوع من الخوف

بينما بهاي الكتكوته لا صارت عندي خبرة وكل وين وين ياله اروح للدكتورة والحمد لله ربج سهلها عليه فلا تخافين


فوفايتي سلامتج حبي من الضوجه اني هلكد مضجت لزمت البيت جلفته وصار نظيف يلمع والكناتير والمطبخ وكلشي نظمت ورتبت والضوجه بعدها مراحت فرحت نمت وستوني كعدت

[نبعة الحب]

اهلا بيجن حبايب والله اني همين ضايجة اريد يوم الجمعة يجي بسرعة حتى اشوف الجنين زاد وزنة لو لالا لاني اني عندي مشكلة بنمو الجنين بسبب تجلط الدم عندي ابني الاول ولدتة في الاسبوع 32 وكان وزنة كيلو بس
وابني الثاني حمودي اخذت الاسبرين وبطلعت الروح وولدت بداية التاسع ووزنة كيلوين و600 غرام الحمدالله بس هذا حملي مو زين مثل حملي الاول مدا يمشي العلاج وياي ووزنة صغير والمشمية فد مرة واكفة من الجهتين مدا يوصل الدم للبيبي
اني همين تعبت من الفحوصات سويت قبل 3 اسابيع فحص السائل مال الجنين اخذو مني من بطني ابرة شطولهااا

والله كانت صعبة جداا وبقيت 3 ايام ما اكدر امشي لان تسبب اجهاض

شافو نقطة بيضاء بقلب الجنين واني في الاسبوع 21 من الحمل خوفوني الحمدالله طلعت النتيجة 100 بالمية سليمة وماي بي اي مرض ولا تشوهات الحمدالله

بس بقت سالفة نمو الجنين والدم ترا اني حملي متعب ومزعج وما احس بطعم الحمل بس الحمدالله ارجع واقول اهم شي كمال الخلقة هاي اهم فقرة عندي يكون سليم معافى

والله من شفت ابني كان صغير وزنة كيلو بالحاضنة بجيت هواية بس الحمدالله كان كامل وقبلها اني ضربت ابرة الرئتين

هسة هو عمرة 4 سنين الف الحمدالله صحيح تعبت بالبداية لان صغير بس مشت الايام


والصراحة مالي خلق امر بنفس التجربة تعبت اريد ابني يكبر على الاقل كيلوين ونص

[ام نورهانه]

يا حبيبتي الله يعينج ويارب يزيد وزن ابنج ويعبر ال3 كيلو هم ان شاء الله
زين انتي هسة بالاسبوع الشكد او بأي شهر

[فوفو العراقية]

هلو حبي ام نورهانة
واني هم من ضوجتي طبخت ونضفت المطبخ كلة وسويت كيك وزلابية ورحت غرفتي نضفتها ومسحت وعدلت
وهم بعدني ضايحة
والله حتى وكفة بعد ماكدر اوكف من التعب
والمشكلة مطر هنا وباردة ماكدر اوروح اتمشة
والبث مال الستلايت ينكطع من تمطر لان الشبكة كلش ضعيفة
اويلي ربي...
وبنتي رناوي مشتاقتلها البيت وحشة عليها
لان عدهم سفرة بالمدرسة صف الخامس 3 ايام ويرجعون...
حبيبة امها هية اغلى وحده عندي
لان اخوها مزعج ويشتري ضوجتي مشتراية ويعصبني كلش الله يهدي
وانوار خطية بعدها ماعدهة عمايل بية
بس رناوي حبيبتي ام البيت والله الهة وحشة
على طول تشبك بية وتحبني موت
اتصلت علية من ساعتين تكولي ماما كلش مشتاقتلج ياريت لو جيتي وياي
بس بسبب الحمل ماكدر اروح محلاي هناك اطلك
والمنطقة بعيده ههههههههههه
ترجعلي بالسلامة ان شاء الله...

ونوم العوافي يا بدر غافي
ههههههههههههه فديتج هوة وين النوم
اني 4 مرات اروح للحمام بالليل اقل شي
ومن ارجع حتى انام ما اغفة بسرعه ههههههههههه
كرهت حتى النوم ههههههههههه.

[فوفو العراقية]

نبعة الحب
حبيبتي ربي يتمملج على خير...
يارب هالمرة الوزن يكون اكثر وصحة الجنين افضل
بس انتي هم حاولي غذائج يكون زين وصحي
واخذي حبوب حديد وفيتامينات وحبوب كالسيوم ترى هالاشياء كلش تفيدج وتساعد على نمو الجنين...
ان شاء الله حمل سليم وتممي للاخر على خير وتجيبينه احلى بيبي مدنفش حبيبتي.

[فوفو العراقية]

ام نورهان
شكلنة نخلص التاسع حتى هههههههههههه
شرايج؟

بنتج تكول ل ابني اتفضل اطلع انته الاول...لان الرجال قوامون..
ابني يكوللها علية الطلاق بالثلاث ما اطلع الا انتي الاول خخخخخخخخخخخخخخخخ

[ام نورهانه]

حبيبتي رناوي يارب ترجع بالسلامة وتنور البيت لج هم البنات دائما حنينات مو مثل الولد وتره ابنج يمكن ديراهق حبيبي انتي هم طولي خلك وياه ولو انتي هسه مابيج حيل وانتي يرادلج مدارة بس شتسوين

اني نورهان من البسها ملابس جديدة او من ابدللها علمود نطلع تظل واني ابدللها تبوس وتكولي ماما اموت عليج ياحياتي طبعا اظل ساعة البس بيها اني اتقصد اطول لان تظل تبوس بيه وتحظن هههههههههه فديتها وفديت البنوتات ربي يحفظلج بناتج واطفالج كلهم ويحفظلي بناتي يارب يمه فديتهم

[ام نورهانه]

هههههههههههههههههههههه اي شفتي بله عود احنه متحضرات وكوه مصبرات نفسنه بالسابع والثامن كتلو روحهم بس يردون يطلعون اشو من وصلو للتاسع خنسوا وضموا راسهم وبعد ميردون يطلعون شلون بيهم عض ههههههههههههههههه
والنوب نفسياتنه صارت فد مره من التوتر والقلق والاوجاع وهم مرتاحين جوه بس تدرين اني اذا شفت الاوجاع عليه بعدها منا للسبت اروح للدكتورة اخليها تفحصني واشوف شكد عندي توسع واخليها تسويلي تحريض داخلي لان صدك تعبت