تجمع الحوامل من الشهر الرابع الى الشهر السادس

احتواء · 10-13-2013, 12:39 PM

مامات ... نومة الظهر في الشهور الاخيره هي اللي مو كويسه للبيبي ..

بس اللحين عادي ..

انا انام على ظهري ومافي مشاكل .. والدكتوره نصحتني انام على ظهري عشان يرتفع الجنين والحمدلله ارتفع بعد ماسمعت كلامها
انتوا فقط استودعوا جنينكم لربكم ومايصير الا كل خير

الله يسهل علينا يارب ..

sukar · 10-13-2013, 01:10 PM

افضل وضعية نوم للحامل ع الجنب اليسار
حاولو تتعودو عليها

لأن النوم ع الظهر كثرته مو زينه للحامل حتى بالشهور الوسطى

المهم عندكم علم عن الافرازات الصفراء بدون ريحة او حكة او حرقان ؟!!
لأن بسأل دكتورتي بس بعد العيد لو ماعندكم علم ابد

ديسمبرية · 10-13-2013, 05:34 PM

بنات بسألكم
أختي حامل بالأسبوع 14 يعني ماخذه من الشهر الرابع أسبوعين
قبل شهر خذت سونار قالوا الجنين كويس والنبض طبيعي وسمعت النبض
راحت اليوم الصباح خذت سونار وقالوا الجنين متوفي ومافيه نبض
وعادت السونار قبل العصر قالوا لها مافيه نبض
وما نزل معها لا دم ولا إفرازات
ومن يومين حست بحركة الجنين وتقول أنها من تحرك الجنين صارت تحس فيه مره كل يومين عشانه صغير
من سمعت عن حالتها وأيش تسوي

ديسمبرية · 10-13-2013, 06:23 PM

فينكم يا بنات !!

يارب والباقي وحدك تعلمه · 10-13-2013, 08:35 PM

حركة الجنين ف الرابع غير واضحة يمكن يتهيألها
وانا من رايي تراجع عند دكتورة ثانية بسونار ادق بدون ماتقولها عن الجنين شئ
وان شاء الله تطمنها

بنات بسألكم عن وضعي
الدكتورة كتبت لي حبوب كالسيوم وحديد وفاتح شهية لان عندي فقر دم واصل 9 و وزني ضعيف 44
لكن الحبوب ماقدر ابلعها استفرغ على طول كبيرة وطعمها خايس : (
انا حتى البندول ما ابلعه ولمن اوجع اجلس اتوجع لين ربي يشفيني او اخذ ابر بس الحبوي ماقدر عليها
مافي اكلات اقدر اعوض فيها نقص الوزن والحديد لان الوضع الحين مختلف وخايفة على جنيني :(

حروف الحب · 10-13-2013, 08:53 PM

ديسمريه طمني اختش تروح مستشفى ثاني حماتي وهي حامل قالو ليها كدا وراحت مستشفى ثاني طمنوها وكل شي ماعليش من كلامهم ولله الحمد ولدت وجابت بنوته والحين عمرها ١٢ سنه

حروف الحب · 10-13-2013, 08:54 PM

يارب والباقي معاك حاولي انش تكثري من اكل الفواكهه وكثري من اكل الكبده فيها نسبة حديد كثير واشربي حليب يوميا عشان الكالسيوم والله يسهل علينا وعليش ولادة السلامه يارب

sukar · 10-13-2013, 09:51 PM

ديسمبرية حبيبتي
خليها تروح مستشفى ثاني

وحده اعرفها قالو لها كذا وقالو لازم تنزله

وراخت مستشفى ثاني شافته وشافت حركته
ناس ماعندهم ضمير

sukar · 10-13-2013, 09:52 PM

بالنسبة للحركة انا كمان تحرك الجنين من اول الشهر الرابع
إذا اختك.مو بكرية راح تحس فيها بدري

البكرية اللي ماتحس فيه بسرعة

sukar · 10-13-2013, 09:56 PM

اقتباس:

المشاركة الأصلية كتبت بواسطة يارب والباقي وحدك تعلمه

حركة الجنين ف الرابع غير واضحة يمكن يتهيألها
وانا من رايي تراجع عند دكتورة ثانية بسونار ادق بدون ماتقولها عن الجنين شئ
وان شاء الله تطمنها

بنات بسألكم عن وضعي
الدكتورة كتبت لي حبوب كالسيوم وحديد وفاتح شهية لان عندي فقر دم واصل 9 و وزني ضعيف 44
لكن الحبوب ماقدر ابلعها استفرغ على طول كبيرة وطعمها خايس : (
انا حتى البندول ما ابلعه ولمن اوجع اجلس اتوجع لين ربي يشفيني او اخذ ابر بس الحبوي ماقدر عليها
مافي اكلات اقدر اعوض فيها نقص الوزن والحديد لان الوضع الحين مختلف وخايفة على جنيني :(

ايش هي حبوب الحديد.اللي تستخدميهم ؟
انا استخدم فيروبيوترن وطعمهم خايس وكبيرات كنت استفرغ بعد ما آكلهم

بس الحين عادي تعودت عليهم

مع الأيام راح تتعودي

وبالنسبة للأكل كلي كبدة كلي سبانخ وكلي فواكه
والوزن الحال من بعضه انا بعد نازل

بس تطمنت ع وزن الجنين اهم شي هو مافيه حاجة
انا اعوض بعد الولادة بإذن الله

ربي يتمم علينا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غذاء الحامل من الشهر الرابع الى الشهر السادس مهم جدا	moon girl	منتدى أعراض الحمل والوحام	11	05-21-2014 10:49 PM
اسباب بروز بطن الحامل في الشهر السادس ، بروز البطن في الشهر السادس ، حمل الشهر السادس	نفسي احبك	منتدى حوامل الطبي	3	08-01-2013 01:05 AM
أهم المواضيع المميزه في قسم حوامل من الشهر الرابع إلي الشهر السادس	سماسم	إستفسارات حوامل من الشهر الرابع إلى الشهر السادس	0	09-25-2011 10:34 PM