دردشة حوامل أهل الرياض - دردشة بنات الرياض - تجمع حوامل الرياض

أمونه* · 05-20-2011, 07:17 PM

نور الأمل وينك كل مااكتب شي انتظر تردين عشان اكمل معاك ..تتأخرين فأطلع ...
طيب ..الرقم ياعسل..(4311189)اسمه مستوصف التضامن ..هو في غرب الرياض اسم الدكتوره (صفاء) مصريه..إن شاء الله لين تولدين يكون رجعت

إن شاء الله بتصيرين بالثامن ..ماهو بعيد الأيام سريعه...الله يتمملك الحمل على خير ...ويسهل ولادتك

ام اميمه ..شلونك ...طمنينا عنك وعن البيبي عسى توجه او لسا
الله ييسرلك ...

همسه الجوري · 05-20-2011, 07:47 PM

ابي شغاله

دبروا لي

نورالأمل · 05-20-2011, 08:26 PM

اقتباس:

المشاركة الأصلية كتبت بواسطة ام الأسمر

نور الأمل وينك كل مااكتب شي انتظر تردين عشان اكمل معاك ..تتأخرين فأطلع ...
طيب ..الرقم ياعسل..(4311189)اسمه مستوصف التضامن ..هو في غرب الرياض اسم الدكتوره (صفاء) مصريه..إن شاء الله لين تولدين يكون رجعت

إن شاء الله بتصيرين بالثامن ..ماهو بعيد الأيام سريعه...الله يتمملك الحمل على خير ...ويسهل ولادتك

ام اميمه ..شلونك ...طمنينا عنك وعن البيبي عسى توجه او لسا
الله ييسرلك ...

حبيبتي والله حستك معايه الله يجزاك كل خير مع اني بجنوب الرياض بس موب مشكله انا قلت الحين باروح راسيل لأنه جنبنا وباشوفالدكتوره ابي اطمئن على البيبي بس باشوف التضامن بعد ونشوف الى بعدين وين الله يكتبها لي
الله ايتمم لك حملك واتقري عينك بالمولود

نورالأمل · 05-20-2011, 08:48 PM

اقتباس:

المشاركة الأصلية كتبت بواسطة همسه الجوري

ابي شغاله

دبروا لي

إن شاء الله اتشوفي وانا بعد ابغى اعرف المكاتب الي اتأجر بالساعات ياريت الي يعرف ما يقصر معانا

foofoo · 05-20-2011, 09:25 PM

السلام عليكم ورحمة الله وبركاته

اخباركم كروشات حبيت اسالكم انا في اي شهر من الحمل لاني ما اسالت الدكتوره وموعدي مطول وانا ابي اعرف في اي شهر ضروري لاني ابي اروح اجهز

كانت اخر دوره لي 10/12 كان يوم العيد ياليت تقولون لي انا في اي شهر وفي اي اسبوع ومشكورات مقدما لا تفشلوني ...

ام ميمونة · 05-20-2011, 09:34 PM

هلاااااحبيبتي كااادى الله يطمنئك عليهم جميع احسن شي سوووويتة ياروحي صغيرة هى ماتتحمل ياعمري واحناا اصلاا اخوات هنا لازم نخاف ع بعض كلنا ياقلبي الله يحفظكم جميع والله انى احس التجمع هذا يريحنا كلنا يخلية الا بالغربة عن اهلة واخواتها شوى متونسة معكم الله يسدد خطاكم يارب
قولوا آآآآآآميين

أمونه* · 05-20-2011, 10:30 PM

نور الأمل ...المهم ترتاحين ... واهلاً فيك بأي وقت...وتقومين بالسلامه

فوفو ...معليش ياقلبي انا موب شاطره بالحساب ابداً ..إن شاء الله البنات يفيدوك

همسه الجوري · 05-21-2011, 01:41 AM

سني تاعبني موتني من الالم

رحت لكم مستوصف رفضوا يسووون لي شئ

يقولون لازم شيل عصب وانتي بالتاسع صعبه

كآدي · 05-21-2011, 01:56 AM

ام الاسمر والله صادقه كلنا سواء مره وحده... طيب حبيبتي تقصدين فيتامين سي حبوب او فوار
ربي يرضى عليك دنيا واخره غلبتك معاي

ام ميمونه ااااااااااااااااااااااااااااااااااااااامين يارب

فديتك يا الغاليه الله يحفظك ويسعدك يا حبيبتي وكل غواليك

فو فو انقلش والله ذكرتيني بلحسابات حسبت لك وان شاء الله صح

تاريخ 10/ 12 تقولين يوم العيد يعني تاريخك با الهجري

لان البرنامج عندي ميلادي حولته طلع التاريخ 16/ 11 /2010م

وطلع موعد الولاده 23/ اغسطس / 2011م
وبالهجري 24/ رمضآآن/1432هـ

وانتي الحين في الاسبوع 26 من 4 ايام يعني باقي لك يومين وتكملينه

وتدخلين الاسبوع 27

يعني انتي بتدخلين الشهر السابع بعد يومين هيك

واسابيعه 27 الى 30

بحسابي الميلادي طبعا وحولت لك التواريخ المهمه با الهجري

شدي حيلك يا عسل وكلي كويس الولاده تبي حيل والله الرجيم خليه بعدين
لانك وقت ما تولدين بيصومونك حتى عن المويه ومحد بينفعك
انا عطوني ابره ورحت دوره المياه والجميع بكرامه لما فضى بطني مع اني كنت مو ماكله من اول اليوم يعني خلقه بطني فاضي
وفضى زياده عشان وقت الولاده ما يصير فيه تبرز والجميع با كرامه
عشان كذا كلي وخلي صحتك قويه ترا الطلق يبي ظهر وصحه وقووه

الله يهون عليك

دعواتك ربي يحقق اللي في بالي ربي يسعدك وتشوفين ضناك يارب

واسفه على بعض الكلمات بس وانا اولد مات حيلي وكنت اصيح ابي لو شربه مويه راااااااااااااافضين لحد ما خلصت من الولاده بعدين شربوني
الحمد الله على كل حال اهم شي العافيه

ودي لكم لي عوده اذا سمحت لي بنتي اجي

مساهير الشوق · 05-21-2011, 04:29 AM

مراااااااااااااااااااحب ياالغوالي كيفكم من غير عدد
مشتاق لكم هالايام دخولي قليل اعذروني
كيف الكروشات الله يهون عليكم
حبيت اتطئمن واشوف اخباركم وان شاءالله لي رجعه