هنا تجمع حوامل الشهر (السابع والثامن والتاسع)

[علولة عمر]

انا توووي داخله الثامن بنات تكفون وش تنصحووووني بهالفتره ..

[اقصوصه]

علولة عمر : عن نفسي انصحج ما تعصبين ابدا لان انا حاليا خلصت نص الثامن واليوم عصبت لان وقع خلاف بيني وبين زوجي وكانت النتيجه اني تنومت في الطواري 3 ساعات وبعد ما سوولي فحص لنبض الجنين قالولي ان عندي اعراض ولاده مبكره وتقلصات كل خمس دقايق:( وحولوني لمستشفى متخصص بحالات الولاده المبكره ببس انا ما رحت على امل اراقب وضعي بالساعات القادمه وان شا الله يتحسن ولو ما تحسن اكيد برجع اروح، مع ان قلبي يعورني ع الببيبي حرام ينولد قبل موعده بشهر ونص بس يلا الله يكتب اللي فيه الخير
انصحك بعد انك تداومين الحبوب اللي يعطوك ااياها المستشفى وما تتركينها ابدا لانها تنفع كثير خاصه بالشهور الاخيره، بالاضافه للامتناع عن الوقوف لساعات طويله، وحاولي وانتي جالسه دايما تخلي رجليكي مفروده عشان الدوره الدمويه تتحرك عدل وحتى تتجنبي ورم القدمين المرافق للشهور الاخيره، وتولدين بالسلامه يا رب عزيزتي :)

[كدوشه]

مرحبا يا رشيقات << عشم ابليس في الجنه خخخخخخ

الله يسهل علينا كلنا يارب وتقوموا بالسلامه ونجي هنا ندور اشياء تنحف بعد مانولد

اقصوصه سلامتك ياقمر وانتبهي على نفسك

ام ياسمين لا عاد مابصبغ شعرها صدقتي بس يمكن البسها باروكه خخخخخخ

[اقصوصه]

كدوشه: الله يسلمك من كل شر حبيبتي

وعسى الله يقوم كل حامل بالسلامه يا رب :)

[بوح المشاعر]

أقصوصه

سلامتك من التعب ريحي أعصااابك عشان النونو 00000وبس تجيبيه بسلامه أرفسي في بطن أبووووه هههههههههههه أمزح

الله يكون بعونك مافيه حياه من غير مشاكل بس من شان النونو أصبري وأرتااااحي

علوله عمر الله يكون بعونك ويهون عليك هانت [أن شاء الله) ريحي نفسك وفكري في برنامج النفاس كيف راح يكون استعدادك وجهزي شنطة المستشفى
واستغفري ربك كثير

كدوشه أي رشاقه ان شاء الله يكتب لنا الله تجمع مابعد الو لاده وكل وحده تكتب كم وزنها الحقيقي بعد الكرشه ونستفيد من خبرات بعض

[اقصوصه]

بوح المشاعر: الله يسلمك الغاليه ، الله يمضي هالشهر والنص ع خير، بعد كم ساعه بروح المستشفى اتابع حالتي وان شا الله ما يولدوني :(

[بوح المشاعر]

المشاركة الأصلية كتبت بواسطة اقصوصه

بوح المشاعر: الله يسلمك الغاليه ، الله يمضي هالشهر والنص ع خير، بعد كم ساعه بروح المستشفى اتابع حالتي وان شا الله ما يولدوني :(

أن شاء الله يتمم حملك لاخر التاسع ويجي سليم معافى
وتكون حالتك مستقره

كثري من الاستغفار وصلي لك ركعتين وطلبي الله لأخاب من رجااااااااااااءه

[اقصوصه]

بوح المشاعر : تسلمين الغاليه ، من امس فالليل كل ما احاول انام اقوم بروحي بعد عشر دقايق وكأني شبعانه نوم، الصبح تجهزت عشان اروح المستشفى بس صابتني رجفه غير طبيعيه وحسيت بالبرد الشديد ، يمكن من التعب وقلى النوم، حاولت ارقد نص ساعه قبل ما اروح المستشفى عشان اقدر اتحمل الدرب والانتظار، بس يوم نمت ما قدرت اقوم الا الهرـ الحين انتظر المغرب اعشي العيال وانيمهم لان باجر وراهم مدارسـ عقب رد اروح، وعسى الله ييب اللي فيه الخير يا رب، وتسلمين الغاليه ع اهتمامج ما تقصرين :)

[الحزن الأكيد]

مساء الحمل والكروش

اخباركم ؟؟

انا بطه جديده اتمنى اني الاقي مكان بينكم ادري الكروش مسويه زحمه هع هع

[اقصوصه]

الحزن الاكيد : مرحبا بج الغاليه/ نور المنتجى بإنضمامج ، اهلا وسهلا فيج، وان شا الله تقضين وقت ممتع معانا، وتفيدين وتستفيدين:)