دردشة حوامل الأحساء- تجمع بنات الأحساء - الحسآويآآت

رنين الصمت · 06-02-2011, 01:11 PM

اقول رقيق انا اذا ماقدرت امشي بالبر بمشي بالبحر
اروح بيت اهلي وطب في ذيك البركه وامشي مشي لين اتعب مثل ماسويت بولدي الثاني والله سويتها وماجى الليل الا الطلق جاني والساعه 3 رحت المستشفى ولدت

الماي يقلون زين يفتح الرحم اذا دافي اشوي وتنقعتي فيه

روحي الحاره يا رقوق وتنقعي فيها هههههههههههه

نغم · 06-02-2011, 01:13 PM

هاي بطوطات أخباركم
أقول رقرق لا تفاولين علي حرام عليك هاذا انا نفسيتي تعبانه وخايفه من الحمل
رنين والبنات المجربات بعد كم تجيني الدوره بعد الولاده لاني أحاتيها
على فكره رنين هالألم كان يجيني وانا بالشهرين الأخييرين الظاهر البنت كذا بس سمعت انو ولاده البنت أسهل<<<<<<<كلام حريم

غلاي امي · 06-02-2011, 01:14 PM

الريم اذا الليله مو1 رجب شلون بتسوين الأعمال الليله

على كيفج اهو

ولا تفرحين موب انتي والده اسبوع الجاي بتلحقين على الرغائب

نغم · 06-02-2011, 01:15 PM

ويلا بنات تحمسوا وحمسوني لليله انا بعد فسله وبنتي أخخخخخخ يا ويلي ماتخليني اسوي شي

غلاي امي · 06-02-2011, 01:16 PM

نغم الدوره تختلف من وحده للثانيه

انا مثلا بعيالي يو30 تجيني الدوره وفيه حريم تجيهم بالأربعين وفيه ماتجيهم الا بعد سنه

وفيه لين يخلصون رضاعه

رنين الصمت · 06-02-2011, 01:20 PM

ان شاء الله الله يسمع منش
انشاء الله تكون ولادة البنت اسهل لاني تعذبت بالولدين واحد طلقه فاش بارد يلا طلع
والثاني سهله ولادته بس الله لايوريكم جاني شد في الظهر من اي حركه مسكني من الشهر السادس لين اربعيني زارني الموت من هالشد الولاده صارت عندي سهله بالنسبه لهالشد

ان شاء الله هذه المره ماتعذب
وربي يسهل علي وعليكم

غلاي امي · 06-02-2011, 01:22 PM

شوفي رنين السهاله من الله لا ولادة بنت ولا ولد

الله يسهل علينا جميعا

غلاي امي · 06-02-2011, 01:22 PM

بطات وينكم؟؟؟؟؟؟؟؟؟؟

نغم · 06-02-2011, 01:23 PM

غلاي انا جاتني دورة الاربعين وأنا أرضع بنتي بس مو منتظم يعني أكثر شي صناعي والحين متوتره حدي في ناس قالوا لي لازم تقعدين سته شهور

رنين الصمت · 06-02-2011, 01:24 PM

نغومه حبيبتي انا ماجاتني الدوره بعد ولادتي بولدي اول واحد الا بعد 6 اشهور
ولدته في ربيع ثاني
وماجى رمضان الا نزلت علي

شكلها تبي تخرب علي رمضان

وبعدها حملت بالقشر ولدي حميد

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
حوامل الأحساء .. سؤال	ياسمين0	إستفسارات المستشفيات و عيادات نساء وولادة	23	10-22-2011 02:43 AM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM