ديوانية حوامل البحرين

[rose soul]

السلام عليكم
شخباركم اليوم؟؟وشخبار العيد معاكم؟؟

الحروف& الفتاة &الحنين
الله يسلمكم والله انتو اللي وحشتوني
والله كلكم فيكم خير تسألون ...فديتكووووم والله

الفتاة الذهبية
:
تصدقين انا الحين في نهاية الرابع بس من جمن يوم قاعدة احس شي في بطني .. مو على هيئة نغزة..مادري شلون اوصفه هههه..احس بحركة بس مادري شلون صايرة
ومادري شلون اوصفها هههه
ساعات افكر اقول معقولة هذي حركة البيبي
...
يوم الأربعاء عندي موعد...بسألهم بعد اذا اقدر اشوف جنس البيبي ولا لا ههه ما عندي صبر كلش
بس احساسي يقول ان فيني صبي
مادري ليش..بنشوف الاحساس يخيب ولا يصيب
وكل شي من عند رب العالمين خير ^_^ بستانس في كلتا الحالتين ..اذا كان بنية او صبي..اهم شي الصحة

[الفتاة الذهبية]

انا تمام حبيبتي

والله تبين الصراحة انا بعد احس فيني صبي بس الي ايي من الله حياه الله
ويوم الاربعاء بخبركم مثل ما وعدتكم عندي موعد في المركز بروح ولمن اخلص بروح

خاص اجيك

[rose soul]

ان شاء الله دوم
تصدقين أحلى شي تعرفين نوع البيبي وناسة صراحة
خيتوو في وين بتجيكين في الخاص..عند من؟؟

[ام جوليا]

يسعدلي مساكم/صباحكم حبيباتي

بصراحه عجبني المنتدى وانا عضوه جديده

وحبيبت اسألكم اذا عندكم علم عن حاله بنتي بصراحه خايفه عليها

عمرها 6 شهور وراسها صغير من يوم ولادتها وقالولي لما كنت اراجع عند الطبيبه ان الراس موقف نموه عند 26 اسبوع وللحين ماشفت تحسن بحالتها ياليت اللي يعرف شي عن الحاله هذي يفيدني

وشكرا مقدما..

[rose soul]

ام جوليا
يا هلا ومرحبا فيج حبيبتي
والله صراحة اختي ماعندي اي فكرة...وان شاء الله تصير بصحة وسلامة
وانتي بعد استفسري عند كذا دكتور وشوفي حالتها شيقولون لج لأنهم اخبر

[rose soul]

يلا حبيباتي اخليكم
تعبت..حان وقت النوم..اجوفكم على خير ان شاء الله

[rose soul]

مساء الخير
شخباركم؟؟
شدعوه صاخين اليوم؟؟

[حنين للماضي]

السلام عليكم

شخباركم حبايبي

حبيبتي فتاة اني المركز كانوا عاطيني موعد في الاسبوع ال17
هو كان المفروض اسبوع ال19 بس لأن اني دورتي مو منتظمة يوم سوو تصوير قالوا حجم البيبي في الاسبوع ال17
والحمدلله اللي سوت اللي تصوير كانت حليوة وقالت لي جنس الجنين وبينت لي كل اعضاءه
بس اختي يوم سوت في المركز ما قالوا لها
لأن ساعات يناحسون ويقولون مو على مسئوليتنا لو يشلخون يقولون مو مبين
ان شاءالله اللي تسوي ليش التصوير تكون طيوبة وتقول ليش
عشان اذا رحتي خاص تتأكدين اكثر

عجل استانستي روز يوم حسيتي بالحركة
اني بعد حسيت بحركة خفيفة من يوم كنت في الرابع والكل قال بنت لأن الولد مايتحرك اله متأخر بس اني كنت حاسة فيني ولد والحمدلله طلع احساسي صح
ونفس ماقلتي الشعور ووصف الحركة ماينوصفون

ام جوليا بصراحة ماعندي خبرة بس يفضل تراجعين دكتورة في الخاص اجوف موضوعش عشان تطمنين
ربي يسهل عليش ان شاءالله ويحفظ بنوتش

ها وين بنت الاياويد وحروف وشمس؟؟
شكلهم للحين يجمعون عيدية

بصراحة كل ماادخل اقول ان شا ءالله اجوف رد لأم حماني ان ولدت وقامت بالسلامة
ربي يسهل عليها ان شاءالله

[الفتاة الذهبية]

المشاركة الأصلية كتبت بواسطة rose soul

ان شاء الله دوم
تصدقين أحلى شي تعرفين نوع البيبي وناسة صراحة
خيتوو في وين بتجيكين في الخاص..عند من؟؟

زوجي قال بوديني الشفاء طبعا هناك كله هنود خخخخ

[الفتاة الذهبية]

المشاركة الأصلية كتبت بواسطة rose soul

مساء الخير
شخباركم؟؟
شدعوه صاخين اليوم؟؟

تمام
الديوانية كله صاخه من يوم ام حماني راحت عنا وخلتنا وللحين ما طمنتنا عليها