دردشة بنات مصر , دردشة حوامل مصر , تجمع بنات مصر

[MALAK2010]

بصى يا ستى هى ريقتها بسيطه خااااالص
شوفى كميه الدقيق اللى انتى عوزاها وتجيبى خمره لو بودر تبقى تحطيها علطول فى الدقيق ولو كانت عاديه تدوبيها فى ميه بسكر وتسبيها تخمر
وبعدين تعجنى الدقيق بميه دافيه بس مش ساقعه ولا سخنه علشان لو اسخن من المفروض هتلاقى البقلاوه مش هتردى تقب فى الزيت
نعجنيها لغايه ماتبقى العجينه سايبه خااااالص زى الميه كده
وبعدين تغطيها وتسبيها فى حته دافيه علشان تخمر
فى ناس بيحطوا على العجين حته بطاطس مهروسه عملاها قبل كده وهرساها كويس اوى علشان ماتبنش فى العجين ودى فايدتها علشان تكون مقرمشه
وبعد ماتخمر تجيبى معلقه صغيرة وشويه ميه وتبلى المعلقه بالميه وتاخدى من العجين وعلى الزيت(غزير وسخن بس مش حامى اوى علشان البقلاوه مش بتستحمل حرارة عاليه)
وكل مرة تبللى المعلقه وتاخدى من العجين بس حاسبى لتشيلى فى المعلقه ميه وتحطى على الزيت وهو سخن هتدعيلى وقتها طبعا هههههههه

وبعدين تقلبيها وتطلعيها
وعندك طريقتين للتحليه
اما بالشربات بس يكون خفيف مش تقيل علشان يدخل جواه ويسكرها (وسلملى على الرجيم)

او ممكن ترشيها بسكر مطحو وبيعطى شكل حلو

وفى ناس بعد مايطلعوه من الشربات يرش عليه جوز هند بيطعمه برضه

وياااارب تتطلع حلوة

[MALAK2010]

ههههههههه
اصل عشريه اووووى مش بحب التغير
ومرة غيرت زمان لقيت لولو حبيبتى قالتلى مستغرباكى
لان فى الاول احنا كنا خلفيتنا لبعض عبارة عن الصورة الرمزيه والتوقيع اما الوقتى بقينا عشره هههههههه

[رنا خالد]

تسلم ايدك ياملك هاجربها زي ماقولتيلي وهاتطلع حلوه ان شاء الله
انا دلوقتي بعمل تجربه كده لكذه حاجه عشان عايزه اعمل في عيد ميلاد لوجتي بلح الشام او بقلاوه هختار بينهم وهاعمل ميني بيتزا
اهو يبان قدام الناس اللي جايه اني ليا في الحلويات واتأنعر عليهم حبه ههههههههههه
وباباها بقي يشتري باقي الحاجه هو ده اللي انا اقدر اعمله بس ربنا يستر
والنيولوك جامد علي فكره وبكره سلمي تحبي لما هاتخلي عينك في وسط راسك
انا كنت زيك كده ولما لوجي حبت بقيت اصررررررررخ ليل ونهار وطول اليوم اقول بسسسسسسسسس كخخخخخخخخخخ وهيا ولا هنا
مافيش حاجه بقت سليمه في البيت لسه امبارح قاطعه سبحه وعضت شاحن باباها بوظته ولسه ضحايا كتير راحت وضحايا كتير جايه هههههههههههههه

[MALAK2010]

انتى رحتى فييييييييييييين

[MALAK2010]

ههههههههههههههه ربنا يخليهالك ياااارب

بس طالما انتى هتعملى حاجه منهم يبقى اعمل بلح الشام اضمن لانك جربتيه اكتر من مره وسيبك من البقلاوه الوقتى هههههه

مش انتى بتعرفى تعملى تورت وهريان تورت كل شويه فين ابداعاتك ههههههه يلا وريهم الشطارة والتزويق

ممكن تعملى جلاش بس اعمليه صوابع بيببقى احلى فى الاكل هو صحيح بياخد وقت اطول وفى ثوانى بيتنسف هههههه

وهفكرك ممكن تعملى ايه كمان

[om arwa]

انا جييييييت على ريحة بلح الشام
ميرسى يا رونى هجرب طريقتك ان شاء الله
اصلة من الحاجات اللى بسمع انها بتطلع زى الجاهز بالظبط
انما فى وصفات تانية مش هتتطلع زى الجاهزة
قبدى العيش لخبازة واجيبة جاهز
انما ده ان شاء الله هجرب
ثانك يووووووو

الزلابية فشلت منى 4قبل كدة بقت شاربة زيت كتير وشاربة شربات بقيت مش قادرة اكلها تقيلة مووووت




ملك
حلووووة النيولووووووك اوى

[om arwa]

الجلاش الصوابع بيتعمل ازاى ؟؟؟؟؟
خلينا نضرب بقى هههههههه

[MALAK2010]

سماااا ازيك يا جميل تسلمى ربنا يخليكى اصلى نفسى تحبى بقاااااااااااااااا ربنا يسهل
هاقولك بيتعمل ازاى بس اكل سلمى واجيلك يا جميل

[Rania Negm]

جووود موورنينج

رانيا ويلكم باك يا جميل .. انا زيك على فكرة نفسى أخلف سبع عيال ان شاء الله

بس يا عالم هينفع من السيزيريان ولا لاااااااء ربك كريم

انا موش مضايقة اننا كنا اخوات كتير بالعكسسسسسسسسسسسسسسسسسسس

يمكن كمان لأنى أصغر واحدة فاتشخلعت واتغندرت

المشكلة يا حرام فى الكبير هو اللى بيتبهدل مع العدد الكتير

يلا ربنا يرزقنى ويرزقك بالخير ان شاء الله

رنووووووووووووووش صباحو حلويات على فكرة انا هقوم حالا اجرب بلح الشام لانه سهل اوى فعلااااا

ملوكى قلبى صباح الخير يا جميل

وألف هنا على سلووووكة اللى هموت واشوفها دى

صباح الخير تووووووووووووووتى وسما

[Rania Negm]

يانهار احوس الواد احمد مختفى بقاله حبه وانا قلت اسيبه طالما ساكت

ببص عليه لاقيت المجرم فى المطبخ ونايم على بطنه مكان الباسكت اللى طبعتها باليل وعمال يفرك فى الأرض بضوافره


ابن لذين
عاااااااااااااااااااااااااااا انضفه ازاى ده دلوقتى