ديوانية حوامل البحرين

[rose soul]

بنت الاياويد
الله يسلمج حبيبتي...اي ترا هذي الاعراض تدل على الضعف...وكل اللي جافوني قالو اكيد دمج ناقص وطلع صج...انتي بعد روحي جيكي تطمني على روحج
انا زادوني حبوب غير بعد...علشان يرفع ضغطي ويرفع الدم
تصدقين لاعت جبدي من الحبوب 5 حبات اشرب في اليوم
...
شمس الصباح
اي خوش غنايم هههه
الشر ما اييج حبيبتي...اي والله خوش اكشن...ولا فلم هندي
صار علي ايام في رمضان...من عقبها الدكتورة قالت لي فطري مو زين لج الصيام
مع اني كنت اتمنى ما يصير علي ولا يوم...يلا الحمدلله
ومبروك على دخول السادس تقدم والله عاشو
...

بنت الاياويد
اي صدقتي...تعودنا على الصيام
والحين الوضع تخربط حتى اللوعة رجعت شوي...وساعات ارجع من فطرت
وان شاء الله مع الايام نتقبل الوضع...ونرجع مثل قبل واحسن ^_^

[حروف عاشقة]

يا هلاااااا بالجميع شخباركم وحشتونا

روز سول

يا هلا فيج وحشتينا وما تشوفين شر حبابة والله يسر لج حملج إن شاء الله

بنت الاياويد
يا هلا فيج والله ويش هل الغيبة كله من فجة أم حماني مأثرة عليج :) واهم شي استلمتين العيدية هههههه .. وعن ساااااالفة الثقل يا خيوتي والله فاااطسة احس روحي ما اقدر اتحرك الله يعيني هذا للحين ما وصلت التاسع واني جدي ..

شمس الصباح
وووووووي فشلنا الرجال هههههههه شكله احتاج للعيدية وما رضة يوزع البقية خخخخخخخ
شخبارش بعد انتي بعد اختفيتي هل الفترة عسى ما شر .. ومبروك دخولج السادس ..

اما اني اليوم ما بغيت اخلص وادخل اهدر شوي توه مخلصين إلي يوون يعايدوون واحس ظهري متكسر ما رتحت من يوم العيد لليوم كله زياراااات والمشكله زوجي يبيني ازور اهله كلهم واعايدهم واني هبابي اقدر اتحرك وادا قلت ليه ما بروح اخاف يزعل ومتورطة :( ما ادري شلون اقوووله اني ما اقدر ازور اهلك بطريقه ما ازعلة فيها

[الفتاة الذهبية]

يا هلا والله وحشتوني
بصراحه وااااااااي مب قادرة متكسرة طلعت ورحت احوط في عين عذاري واي زحمة وحررررررر ما تسوى بس رايحين عشان خواتي يلعبون بس صج ما يسوى

[الفتاة الذهبية]

اي صج نسيت اقول لكم ان البيبي من بداية الخامس حسيت بالحركه

بس الظاهر من الفرحة نسيت اخبركم خخخ

[حروف عاشقة]

يا هلا فيج يا لفتاة

مبرووووووووووك من حقج تفرحين بالحركة شعور حلو ما ينوصف وعقبال ما نهنيج بالولادة ..

الحين بهدر عليج شوي ويش مطلعنج ادورين لازم تتحملين بروحج هل الفترة ما تسوى عليج الحركة وخصوصا في هل الجو وزحمة العيد ديري بالج على نفسج والطلعات لاحقة عليها خيوتي ..

[حروف عاشقة]

واااااااااااااااااحشتني أم حماني إن شاء الله ولدت بالسلامة

حنين مختفية بعد إن شاء الله تدخل واطمنا عليها ..

[حنين للماضي]

السلام عليكم حبايبي
متباركين بالعيد وعسى ربي يعوده علينا وعلى جميع المسلمين بصحة وعافية

بصراحة وحشتوني لأبعد الحدود
بس تدرون زحمة العيد والزيارات والطلعات وأني بعد زوجي بسافر باجر لمدة شهر من جذي كلش ما مداني اقعد واسولف معاكم
مشكورة حبيبتي حروف على سؤالش عني
بصراحة فرحتيني من قلب وحسيت بشعور لاينوصف
ربي يسهل عليش ويقومش بالسلاة ياااااااااااااااارب

هلا والله بأخت روز
وأني أقرأ بصراحة يوم قلتي طحت قلبي وقف قلت لايكون صادها شيء لاسمح الله
بس الحمدلله على كل حال ربش ستر وحفظش وحفظ البيبي
وبصراحة الكل كان يسأل عنش والشاهد الصفحات القبلية

شخباركم باقي حبايبي فتاة وبنت الاياويد ؟؟

فتاة اني من اسبوع ال17 عرفت جنس البيبي
يعني ان شاءالله انتي اكيد اذا رحتي على موعدش راح تعرفين
تعالي ماسويتي في المركز تصوير؟؟
لأن أني سويت في الخاص والمركز

وتعالي صدق حبيبتي بنت الاياويد انتي متى موعدش الجاي؟؟
ان شاءالله يكون قريب
لأن يمكن لاسمح الله بعيد الشر عنش دمش يكون قاصر
اذا موعدش بعيد روحي المستشفى وسوي تحليل وجوفي وطمني احسن
ترى فقر الدم كلش مو زين طوال فترة الحمل

بو الشباب نايم واني للحين على اجواء شهر رمضان ما اقدر انام اله عقب الصلاة

[شمس الصباح]

هلوووووووووووووووووووو

طبعا مع اجازة العيد ما راح تشوفوني وايد لانه كل طلعات مع زوجي خخخخ امس رحنا العصر البحر والجو وايد حلو وموج البحر قوي شكلنا الليلة ما بنطلع راح نسوي غبقة في البيت وبكرة نروح مطعم قبل زحمة المدارس

امس رحت المجمع وطبعا لازم ادخل مذركير وااااااااااي يهبلون عندهم بدلات للبنات والأولاد منزلين بضاعة جديدة

واختكم شمس الصباح ما قصرت اشيل شي واحط شي اسينيت بس زوجي يقول بعد اسبوعين بيوديني السعودية قلت اوفر فلوسي للسعودية يمكن اشتري بدلات للحمل وبعدين اشتري باقي الأغراض من البحرين

عندي موعد يوم السبت في الخاص وراح ارد اسئل الدكتورة يمكن تغير رايها وتقول ولد خخخخ بعدين راح ابدي اشترى المهد والمراضع وغيرها



تدرون اول يوم للمدارس عندي موعد في المركز الصحي خوش موعد زحمة السيارت للعودة للمدارس وغير تجهيز الاولاد للمدارس الله يساعدني

[حنين للماضي]

السلام عليكم

شكلكم مشغولين بالعيد عدل

بنت الاياويد تذكرتش اليوم بالمطعم خذينه لنا شوربة العدس عجيبة كانت

بنات ماادري ليش اذا امشي شوي احس نغزات تحت بطني ماادري شلون بشتري اغراض البيبي

[الفتاة الذهبية]

حروف عاشقه
طلعت عن خاطري شوي شسوي خخخخ

حنين الماضي
اني بسوي تصوير حق البيبي في الخاص وحتى في المركز بس انتظري الجواب
يوم الاربعاء ان شاء الله انزين ما قلتي لي شنو قالو لج بنت او ولد؟