ديوانية حوامل البحرين

[الفتاة الذهبية]

نمر على الابواب من غير حاجه لعلي اراهم او ارى من يراهم

ما في احد وينج ام حماني ضيعتي الديوانية

[حروف عاشقة]

سلاااااااااااااااااااااااااااااااامي للجميع

باااال لج وحشة يا أم حماني يا رب تطمنينا عليج عن قريب ونسمع الاخبار الحلوة عنج وعن حماني

عن نفسي اختفيت ويه تجهيزاااات العيد من تنظيفات ومشتريات الله يعودة على الجميع إن شاء الله بصحة وعافية ..

عيدكم مبارك وأيامكم سعيدة إن شاء الله

بكرة العيد اكيد ما بنتلاقة ،، فهذه عيديتكم مو تقولون ما وزعت حروف عيادي ههههههههههه

[حروف عاشقة]

ووووووووووووي توني ادري اني دخلت السابع :) باركو لي ههههههههههه

[بنوتة حلوة]

مررحباااا شلووونكم ؟ ان شاء الله تقبلووني جديدة معاكم في الدردشة .. بكرة عيد وحدي مزاجي مو اوكي يمكن من الحمل .. ما احس روحي ابي اشوف احد واحتك في الناس .. ودي اطلع مع زوجي نروح مكان بروحنا وبسس اغير جوو .. مابي زحمة وسلااامااات وتبويس وغدا جماعي وحركات .. حتى مابي احد يعلق على ثيابي او اي شي بلبسه .. صاير المزاج غبي نوعا ماااا ... ومو جايني نووم .. زوجي في الشغل :(

بطالع احين أميمة في دار الايتام على الراي ,,

نسيت اقول اني حامل في الشهر الرابع .. للحين ماقالوا ليي شنوو ولد ولا بنت :( وانتظر هاللحظة عشان ابدأ اخطط وارسم احلااامي .. أموووت عليه وهو للحين في بطني .. وعلى طووول أكلمه واغنيله في الليل لان ادري يسمعني حياتي .. بس اتمنى اعرف بنت ولا ولد :( متى بالضبط ؟

[rose soul]

السلام عليكم
شخباركم حبيباتي؟؟
وحشتوني وحشتوني وحشتوووووووووووني عدل
ما تتصورن وعلى طول في البال والله
طمنوني عنكم؟؟كلكم؟؟
وخصوصا ام حماني ..لأن موعد ولادتها هالايام؟؟

وانا دشيت الحين علشان اعيد عليكم
واقول لكم عيدكم مبارك
والله يعوده علينا وعليكم ان شاء الله

وان شاء الله لين دشيت بأذن الله مرة ثانية اخبركم ليش غبت والاكشنات اللي صارت لي

[بنت الأياويد]

هلا والله روز مابغينا نشوفج على طول نسأل عنج وحنين والله انكم على طول على بالي بس اخر رمضان حاسه بتعب مادري ليش كله ابي انام وحروف شخبارج ومشكورة على العيديه وصلت ؟وبالبركة على دخولج الشهر السابع الي ينقلج لي تمامه يارب ويحفظ لج البيبيات عقبالي ادش السابع باقي لي يمكن اسبوع

[rose soul]

بنت الأياويد
سلامتج من التعب
فديتكم انتو اللي تسألون والله... فيكم الخير
..
وسبب غيابي قلت لكم اني برجع شقتي على ما اتأقلم مع وضع الشقة
مع ان صحتي صارت اوكي يوم رجعت ...وانشغلت مع بو الشباب ...وكان مدلعني وكان كل شي يسوي...حتى كسر خاطري مسكين ههه لأن كنت اشوف في ويهه التعب ههه

بس ما استانست عدل ...تدرون ليش؟؟
لأن في نهاية رمضان كنت ابي اشتري ثياب لي للعيد
وانا كلش مو متعودة اطلع وامشي من حملت...لأن لين امشي وايد اتعب واحس دقات قلبي بسرعة تدق واتنفس بصعوبة

المووووووهم ..قررت انا وبو الشباب اطلع الصبح لأن ما بقى شي عن العيد
وكانت اول طلعة لي هههه حق اتشرى...رحنا الستي...وانا افتر معاه ادور عله وعسى يعجبني شي...وبعدها حصلت لي شي آخذه...وكنا نبي ندفع لكن ننتظر الطابور ليما يكمل خخخ...وانا في ذي الفتره حسيت بتعب من المشي اللي مشيته...وراسي يدور...ويوم كمل الطابور..ويه دورنه...ماقمت اجوف شي...مرة وحدة
وطاحيت عليهم...وطيحتي كانت...ان الحنج (الذقن يعني) ههه رقع ع طاوله الكيشرررر وبعدين رقعت على راسي من وره في الارض
:(
وبعدها ودوني المستشفى طلع دمي ناقص و ضغطي نازل
وخلصت القصة
ورديت بيت اهلي مرة ثاني هههه

[بنت الأياويد]

السلام عليكم ، وي سلامااااات روز انا نفس الاعراض تصيدني ماقدر اروح اتسوق واذا مكان عود ومافي كراسي ماقدر اروح لازم امشي شوي واقعد شوي لان نفس الشي دقات قلبي واحس بثقل في بطني تحت وعيوني نفس الي ماشوف شي جنه احد يسحب قوتي وبطيح في الارض ، ليكون انا نفس الشي دمي ناقص عشان جذي يصيدني .؟! بس انا لاني ماكل عدل ويوم الي ماكل عدل يصيدني هالتعب قمت أكثر من التمر شوي والحين شوي صرت احسن بس ترجع لي هالحالة بين فترة وفترة
وباقي الحوامل مايندرى شخبارهم؟

[شمس الصباح]

السلاااااااااااام عليكم كروشات بس سلامي لكل وحده على حسب كروشتها هههههههههه

مشكورة اختي حروف عاشقة على العيديه بغيت اخذ العيادي من الرجال بس مو راضي يترك فلوس من يديه هههههههههههههه

بنت الأياويد شخبار الفطر معاش
احس رمضان برغم الجوع تعودت عليه لاني من امس وانه احس نفسي تقلب وما لي نفس لأكل

اختى سول روز ما قلت لج من طول الغيبات جاب الغنايم هههههههه ما تشوفين شر شكلج سويتي خوش اكشن في المحل انتبهي لنفسك واكلي عدل

اخيرا دخلت السادس

[بنت الأياويد]

انا الحمدلله بخير بس حابه رمضان ماكان ودي ان يروح تحسين الاجواء كانت غير والحين غير بس يالله شنسوي هذي الدنيا معدتنا تعودت على الصيام والحين احس مو متقبله آكل شي كله لايعه جبدي
زين مبروك عقبال ماتدشين التاسع