دردشة حوامل الأحساء- تجمع بنات الأحساء - الحسآويآآت

تراتيل حزن · 10-22-2011, 04:13 PM

نغم انا بعد ماجهزت للمولود ولا للعيال

كل ملابسهم صغروا

هلا بك الصمت عشقي اخبارك

دلع الأحساء · 10-22-2011, 04:13 PM

اقتباس:

المشاركة الأصلية كتبت بواسطة تراتيل حزن

هذي عجينة العشر دقايق

انا عندي عجينة حلوة اخذتها من حوامل قبل اسجل معاكم ^^

تبينها ومقاديرها بس كاسين طحخين وانا احط كاس

اذا مافيها حليب عطيني اياها

لان انا ماعندي حليب الحين وزوجي مهب في

الصمت عشقي · 10-22-2011, 04:14 PM

تشتاق لك العافيه عنوني نغوم
والله مانقول غير الحمدلله ع كل حال
والنفسيه عال العال اللهم لك الحمد والشكر
اخبار لولو وابو لولو ،،؟
<< لزوم نسال عن العايله كلها هع

نغم · 10-22-2011, 04:16 PM

تراتيل انا قلت بقضي يوم حات التخفيضات بس السياره جلست وجلستنا اخخخخ
دلع انا اسوي طريقه العالي مستواها عجينتها رهيبه

تراتيل حزن · 10-22-2011, 04:16 PM

هذي عجينتي اذا ماتبينها واجد قسمي المقادير وعادي تستغنين عن الحليب

2كاس طحين الكويتي

2كاس ماي دافي انا اقلل شوي ماي احط كوب واذا احتجت احط شوي

3ملاعق كبيرة سكر

1 ونص ملعقه كبيرة خميرة فوريه

1ملعقه كبيرة او وسط بيكنج بودرة

3 ملاعق كبيرة حليب بودرة

نص كاس زيت

رشة ملح

الطريقة انتبهي

في زبدية كبيرة نحط كاس واحد طحين والسكر والحليب والبيكنج بودرة والملح والخميرة والزيت والماي ونخلطهم

بتصير سايله

بعدين تضيفين كاس طحين الثاني واذا احتجتي شويا حطي الين تتماسك تسير زي اللبانه العلك يعني ^_^
واعجينيها بيدك او بالعجانه زي عشرة دقايق

وجيبي اي شي وغطيها نايلون او غطى مناسب

وحطيه في مكان دافي لمدة ربع ساعه او نص ساعه

نغم · 10-22-2011, 04:17 PM

تسال عنك مكه صموت لولو جينه وابوها نص نص مداوم اخر ليل ولايعه كبده منه أخخخخخخخ

الصمت عشقي · 10-22-2011, 04:17 PM

تراتيل ليه ماقضيتي للبيبي ،،؟
متى ناويه تقضي ،،؟

الصمت عشقي · 10-22-2011, 04:19 PM

الله يعينك نغوم
اكره شي دوام الشفتات احس توك تتعاودين ع دوامه الا قلب الشفت
الحمدلله ان زوجي تبع الحكومه هع

تراتيل حزن · 10-22-2011, 04:19 PM

نغم الله يعينكم جد مشكله

الصمت انا عندي كم شي من ملابس عيالي

بس لازم اجدد واشتري زيادة

وبعد انا ماني متاكدة من جنس المولود مو راضيين يعلموني

فقلت بروح العسكري عشان يعلموني ومع الرواتب واذا زوجي فضى كله دوام طفش

مانقدر نشوف حتى فتحة باب الشارع ههههه

محكورين بالبيت

نغم · 10-22-2011, 04:22 PM

أخخخخخ ترتيل الله يساعدك البيت طفش أنا لما يداوم آخر ليل أعرف اني خلاص بنحبس وما أشوف الشارع
الا أنت في الدمام منين تقضين
وبسألكم من وين تفصلون لكم عبايات أنا قبل الزواج أمي تفصلهم لي ولزواجي فصلتهم قي الرياض عند اختي الحين أبي أفصل ومو عارفه من وين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
حوامل الأحساء .. سؤال	ياسمين0	إستفسارات المستشفيات و عيادات نساء وولادة	23	10-22-2011 02:43 AM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM