تجمع حوامل الأشهر الوسطى(الرابع,الخامس,السادس)

[ساجدة لربي]

الله يحفظكم يارب انا بالسادس وشريت اغراض بسيطه وعندي نقل من مدينتي بعد 3 اسابيع يعني ع السابع وراح اولد بعيد عن امي بالغربه مافكر الا بسلامه اهلي والمولود الله يفرحني فيه ..

بنات انتبهوا لانفسكم كلوا زين والبسوا شيء مريح .... العادات تغيرت احس الناس صارت تفكر وش جبتي وش لبستي انا مريحة راسي بسسس ليت امي وخواتي معي ... الله يحفظكم وزي ما قلت لكم من فترة لفترة ادخل

[مايا وفهد]

والله حتى انامعايا كحة تعبتني باخذ لها شراب اسمه جوسبان امن للحامل

يارب تروح وتريحنا الكحة متعبة للحامل وبعضها اذا كانت شديدة تاثر على البيبي

ان شاء الله بكرة اروح المستشفى ماني قادرة اتحملها

[اطخم بنت]

توني جايه من السوق وش هالخياسسس انا مدري تبوك

على شنو اسسمها مدينه المفروض قريه .. ماخليت مكان

مالفيت فيه ادور شي يناسب الحوامل ششيك وانيق .. دخلت كم محل حوامل

وقسسم خياس ينفع لحوامل بعمر الاربعينات ..

ششكلي باخذ لي بلايز وسسيعه مب شرط حققه حوامل المشكله دورت مالقيت

بكره كمان بروح ادور وان ششاء الله القى ..

بنات بس مشيت ربع سساعه تبعت تعبت الله لاوريكم ..

ياعيوني انتي انا مابعد نزلت لسوق لو بلقى شيء بصوره ونزله لكم اذا عجبك شيء ان قدرت ارسلته لك
انا انوي اخذ كذا بلوزه والباقي بشتري فساتين ناعمه اريح لي هي تصلح بدون حمل وحق حمل
لو ماحصلت بفصل لي بشوف موديلات حلوه بوديها لخياط فاهم ارخص لي من خياطه على ان خياطين اسعارهم غلت
مره رحت اخيط بلوزه مافيها موديل قالي 150 والقماش اخذته 60 اروح اشتري جهاز احسن لي مشكله اني مضطره افصل مالقيت شي يناسب تنوره
......

انا اليوم زوجي الله يخليه جابلي فساتين وملابس حوامل حلوة كتير

ميمي ماشاءالله الله يخليه لك
ماتخيل رجلي يجيب لي لاارميه في وجهه ههههه يختي اذواق رجال بعامه ماتعجبني
على ان ذوق زوجي نعوم لكن احب انا اللي اختار
.........

عروسه ملاك اطخم بنت ميمي اخباركم ياعسولات ...؟؟

دودي والله الحمدالله بخير انتي اخبارك
...........

اطخم بنت انا مثلك ماتوحم ع شي معين كل يوم لي شي احبه وأكره شي
بس الايس كريم طايحه فيه طيحه
بالنسبه للي كرهته ف كرهت الدجاج والبيض من اول ماحملت للان

محبوبته زين في احد مثلي احس اني موب حاامل لان اللي اعرفه لازم حامل تتوحم على شيء معين
.................

انا برضو وحامي ماكان ع شيء محدد بسس طايحه في الجح ^^ الحبحب ^^ ياااويلي ساايره اعششقه ...

انا مره اشتهيته يقولون اللي تتوحم على الجح فيها بنوته
.................

بنات انا لاحضت شي في بنات هاليومين
تخلص ولاده وتشبك نت تفتح وتساب على طول
معناتها الولاده سهله ^_*

موب شرط لكن تسليه يختي الله اكبر في بعض مايدخلون الواتس ابد لما تخلص 40 اقطع ام العقل
يختي الحمدالله الوحده بعد 3 ايام من الولاده تكون بخير
.............
كبريااء
ياعيوني عادي لاتشيلي هم ولاشيء مهما صار اهله وان شاء اجر لك وصعبه من جد يروحون يستاجرون
انا صدق خوفتيني يجون اهله في شقتي لان بعد خارج الرياض لكن عندهم شقه لازم ارتبها بسكر غرفتي وغرفه اللي فيها حوستي ببقي صاله والمجلس والمطبخ الله يعيني يارب شكلي بجيب اجر اخر شر عارفه كرشه مقدر اتحمل
............

بنات وش راح تلبسون بالنفاس انا محتارة مرة

والله انا فكرت افصل تيور فخم لكن اختي قالت لي خليه اذا طلعتي من نفاس وريتهم موديل شكله كاته جلابيه نفس الوقت تنوره
بس امي تقول فخم مرا اقولها انا ابي فخم مدامه اول نفاس لي احب اكون اطلع بطله حلوه وطبعا راح البسه باذن الله بعد 30 يوم
.............

بالنسبه لملابس الحمل انا آفضل اخذ من نفس الملابس العاديه بس آكبر من مقآسي تكون قصات وآسعه وبنآطيل مريحه وزي ماقلتو قسم الحوآمل نادرا تحصلين شيء حلوو بعدين كلها فتره لا عاد تلبسينها .... ليش الاسراف

وش دعوه عاد اسراف 5 شهور وانتي بتكرفينها من رابع الى تاسع انا استغرب بعض الحوامل ماتشوفين عليها كذا قطع ام البخل
وهي تقول حرام اسراف ماراح استفيد منها ماتدري انها خلصت نفاس جلست 5 شهور الا حملت يعني لاتخافين راح تسفيدين منها حملك بثاني حتى لو بيتهم سنتين او اكثر مدامها ذوق وجديده
..............

بنات
فكرتو تحطون شي ع المفرش عن الحسد ؟
انا أختي عندها مثل التعليقه ذهب بس فيها من ورا دبوس حق مفارش مكتوب عليها ماشاء الله
بحطها لبنتي

هو هو عروسه وش هالكلام وش هالمعتقدات الخرابيط ترى مايجوز
اقري على نفسك وعلى بنتك المعوذات وربي اللي بيحفظك موب تعليقات
.....................
بناات اليوم من قمت واحس بدوخه موب طبيعيه
وتجيني بين كل 4 ساعات تو مسكتني وانا اعلق على البنات

[ميمي 17]

اطخم بنت حبيبتي عرفتي جنس النونو ولا لسة عشان موعدنا متقارب

[Dana]

المشاركة الأصلية كتبت بواسطة وتر الحنينـ

دعواتكم
رحت للدكتوره وتقول عنق الرحم مفتوح

الزمي الراحه ..

واعطتني موعد بعد اسبوعين



والتفاصيل اقولها لمن ارتاح ...

تعبانه من امس نومي مقطع من التعب الله يصبرنا



دعواااااااتكم انا بحاجتهاااا


لسى الجنين اول السادس

الحمدلله على السلامة والله يتمملك على خير إن شاءالله وتكملي حملك للتاسع بصحة وسلامة

[اطخم بنت]

لا والله ماعرفت لسى باقي لي حوالي 7 ايام عشان اتم شهر على زيارتي سابقه
والله ودي اني رايحه اليوم احس اني تعبانه لكن انتظر زوجي
يرجع من سفرته وان شاءالله يجي الاسبوع الجاي مايتأخر كثير

[اطخم بنت]

عجبتني هالشنطه وحده تبيعها هنا بس احس سعر شوي مبالغ فيه تقريبت 300

[ميمي 17]

المشاركة الأصلية كتبت بواسطة اطخم بنت

لا والله ماعرفت لسى باقي لي حوالي 7 ايام عشان اتم شهر على زيارتي سابقه
والله ودي اني رايحه اليوم احس اني تعبانه لكن انتظر زوجي
يرجع من سفرته وان شاءالله يجي الاسبوع الجاي مايتأخر كثير

الله يسهل امورك ويرزقك بما تتمني

[اطخم بنت]

المشاركة الأصلية كتبت بواسطة ميمي 17

الله يسهل امورك ويرزقك بما تتمني

اميييين يارب العالمين
وجعله سليم يارب
بناات اول حسيت بثالث كذا حركة زي رفرفه خفيفه تقريبا على نهاية ثالث
ومن دخلت من رابع ماحسيت باي شيء على انو مابقى شيء ودخل الخامس على خير
كذا مرا تجيني وسواس اخاف فيه شيء

[ميمي 17]

المشاركة الأصلية كتبت بواسطة اطخم بنت

اميييين يارب العالمين
وجعله سليم يارب
بناات اول حسيت بثالث كذا حركة زي رفرفه خفيفه تقريبا على نهاية ثالث
ومن دخلت من رابع ماحسيت باي شيء على انو مابقى شيء ودخل الخامس على خير
كذا مرا تجيني وسواس اخاف فيه شيء

انت مثلي انا كمان في اخر الثالث حسيت وفي الرابع ماحسيت بس اليوم اشتغلت في البيت كتير وبعدين نمت على ضهري وأكلت شوكولا وصارت اليوم حركته واضحة وكأنو معارض على المجهود الي بذلته اليوم انا كمان موسوسة وعم اراقب كتير الحركة