دردشة بنات مصر , دردشة حوامل مصر , تجمع بنات مصر

[MALAK2010]

مش عارفه اعمل ايه فى سلمى من امبارح عياط ومفيش نوم ياااارب

[MALAK2010]

عملالها فرح ومشغله اغانى شخبط شخابيط هههه ولا فى فايده شويه تبقى كويسه بس ترجع تانى

[ommaysoon]

طيب عندها قد ايه ؟

احمد عمل كده معايا اول امبارح بس كان عنده مغص عشان مكلش حاجه طول النهار ومارضييش ياكل خالص غير اخر الليل بعد ماطلع عيني من كتر الكلام والتفهيم فيه انه جعان ولازم ياكل

[om arwa]

انا حالية مش باكل ابد ا
غير باتن سالية وجبنة
ولقيت وزنى مازادش من الخامس الا نص كيلو

[om arwa]

ارقيها يا ملك
وشوفى يمكن حاجة تعباها

[ام انس المصريه]

السلام عليكم

انس بقى صعب اووووووى وبيعيط بليل عياط مستمر كأنى مجوعاه ولا ضرباه ولا قرصاه ويقعد يصرخ جامد

وبقالو 3 ايام ينام الساعه 4 الفجر ويبقى صاحى من المغرب ويفضل الوقت ده كله صاحى ينام ربع ساعه ويصحى تانى وينام خمس دقايق ويصحى

امبارح شخط فيه جامد وقعد اصرخ فى وشه بقى يبوز ياقلب امه اتخنقت بالعياط وكنت هعيط وعماد سمعنى يقوم يقولى هاتيه قمت مصوته وقلت له اجيبه من اوضه لاوضه عاوزه ياخد برد تعالى انت


ولا عبرنى فى الجزمه وكان نايم من الساعه 7 ونص بعد العشا مباشره

[ommaysoon]

اهلا يام انس
انتى حامل ولا لسه ؟ وانس عنده قد ايه ؟
ايه اللى اتغير خلاه يعيط كده ويقلق فى نومه؟

[Rany]

ام سلمى شوفيها اكيد مغص طالاما عياط متواصل انا مش عارفة سنها قد ايه لكن لو صغيرة نيميها على بطنها يمكن تهدى شوية ولو كبيرة شوفي حاجة تديهالها تهدي معدتها شوية انا كنت قريت انواع عياط الطفل طالما متواصل كدة يبقا في حاجة بتوجعها يا حبيبتي ربنا يهديهالك

[Rany]

ام اورى قوليلي السر انا عايزة متخنش تاني كتير كدة انا في الخامس وزايدة بتاع 7 كيلو لحد دلوقتي وزهقانة قوي اعتقد باتون ساليه وجبنه ده ينشف الواحد وازاي مش عايشة الا عليه حرام انتي حامل على الاقل في حاجات تانية مفيدة ومش بتخن فاكهة خضار قوليلي وتعالي نعمل انا وانتي حاجة عشان منزدش لو حابة

[Rany]

ام انس : معليش الرجالة كلهم لما بيبقوا عايزين يناموا لو ايه هيناموا مبيفرقش معاهم ربنا يصبرك ويهديلك انس يارب معليش طولي بالك عليه ده حبيب قلبك الغالي افتكري انتي بتحبيه قد ايه وكل متفتكري طولي بالك وربنا يخليهولك يارب