اهلا باهل الجود والكرم **اهلا بسيدات ليبيا**

[dr.loly]

المشاركة الأصلية كتبت بواسطة أثري في مدادي

أمــــــــــــــــــــــوري الصحية
ملخبطة شوية
رغبة في القيء ،،،،،،،، غثيان
وإسهال ،،،،،،، أعزكم الله

شورها نزلـــــــــــــــــــة
وكانت عند الصغار ربي يحفظهم
دودي
وبعدين
أوخيها
واليوم أنــــــــــــــــــي
والحمد لله على كل حال

لاباس عليكم اثوووره انتي والسنافر
طهور ان شاء الله..
ردو بالكم ع روحكم
راهي طلعة الشتااااء ديما مرضها شين

[هدية الخالق]

السلاااام عليكم صباح الخير كيف حالكم
وينكم ان شاء الله خير
اهلين اثري كيف حالك ان شاء الله لاباس عليك
والله يسلمك فعلا درس تعلمته توا حتي نخش للحمام حشاك ندخلها معاي هههههه مسخفتني قااالقة مع انها تطلع معانا كل سبت واحد لكن شكلها تبي كل يوم يقولي راجلي اطلعي بيها كل يوم مش لازم سوق والا مكان بعيد ان شاء الله اديري دورة حوالين المبني وترجعي لكن اني متنبللللة كل صبح انوض انقول منطلعها شوية ويتلاشي الحماس ونشوب غير لبسي وتلبيسها وحطتها في العربة بحسااابها قصة التوتاء واللبس اكثرمن التدهويرة في حد ذاتها
لكن ان شاء الله ناوية انطلعها غضوة او بعد غضوة لانه زوجي لاهي مع الراجل اللي جاي مش حنحصلوا نطلعوا جميع شكلي بنطلعها ومنهيج اني واياها وخلاص

[هدية الخالق]

الساعة توا11وربع راجلي قاعد ماروحش مشي للمطار الساعة خمسة وقبل شوية مع الساعة عشرة قلتله وينك شن صار قالي هذا وين جي !!حالةهالتشحوير خمس ساعات عالفاضي وقالي احتمال نبي ساعتين تانيات معناها للساعة12باهي هانت ساعة الا ربع مازااال مالة وحتي سوما لعبتها وعييت فتحتلها التلفزيون وامتديت

[هدية الخالق]

امس درت غريبة مش عارفة شن خطرها عليا مع إني مانحبهاش لكن مرة شفت سوسو حاطة طريقتها لخولة خطرتها عليا وبما إنه راجلي غالي عليه الحلوووو اي حاجة حلوة تمر عليا نجربها من لما جيت اهني اسبوعيا منديرله نوع كيكة لين وليت محترفة ههههه
قال زمان لما عزابي يجيب في قالب كيكة من برا ويكمل فيها في ليلة ماشاء الله
عيونه الحلووووو

[خوله 2014]

المشاركة الأصلية كتبت بواسطة هدية الخالق

امس درت غريبة مش عارفة شن خطرها عليا مع إني مانحبهاش لكن مرة شفت سوسو حاطة طريقتها لخولة خطرتها عليا وبما إنه راجلي غالي عليه الحلوووو اي حاجة حلوة تمر عليا نجربها من لما جيت اهني اسبوعيا منديرله نوع كيكة لين وليت محترفة ههههه
قال زمان لما عزابي يجيب في قالب كيكة من برا ويكمل فيها في ليلة ماشاء الله
عيونه الحلووووو

كيف حالك يا هدية والحمد لله علي سلامة بنتك وانتي من الرعشة الي حصلتيها ردي بالك والله الصغار ما تندري شن يخطر عليهم فجأة تنصدمي بفعايلهم عالعموم ردي بالك علي راجلك حتي هوا ومعاش تكتريله من الحلو راهو ايجيه السكر ههههههه

[هدية الخالق]

شكلي منمرض نحس في روحي ساخنة وقالقة وراسي بينفجر
سلام توا سوما ترضع وشكلها بترقد منرقدها وندير تشطيبة عالحوش ومنلم الالعاب قبل مايجي راجلي
سلاااامات

[اوشي]

السلام عليكم ورحمة الله وبركاته

[اوشي]

كيف حالكم اليوم وشن دايرين

وحشتوووووووني أووووووي

[اوشي]

هدهد ..

ربي يصبر خيتك والله الا حالة صعبة لكن شن تبي تقول غير ان ربي

يهدي عمتها وخلاص


وانت الحمد لله علي سلامة سوما باهي اللي فطنتيلها وجت علي رعشة

ذكرتيني زمان لما كان عندي دودو وحمادي كانو علي روس بعضهم سلامتهم زي التوم

وكنت نسكن في الشقة لما انخش الحمام نقعمزهم احذا الباب

ربي يعطينا برهم وخلاص

[اوشي]

اثورة كيف حالك ...

ولاباس عليكم انت والعيال طهور ان شاء الله

لما قعدت نقرا قلت هذي اثري عملتها حتى هي