دردشة بنات ليبيا , دردشة حوامل ليبيا , تجمع بنات ليبيا

[أم أجنادين 80]

ام فراس الحمد لله علي السلامة والف الف مبروك تتربي في عزك الأء
حــــنين ان شاء الله ربي ينوضك بالسلامة
والله ماعندي فكرة شوفي البنات ممكن يفيدوك

[أم أجنادين 80]

المشاركة الأصلية كتبت بواسطة sosolibya

السلام عليكم



كان خوى عندى جايبلى بيتزا

وقعدنا ساعة نت
ناقشو فى موضوع انه يبى يتحول

هو حاليا يقرا اول سمستر فى الهندسية فى ديلة

ويشكى انه صعب صعب

وانا رفضت بشدة قصة التحويل

لان سلافى 2 دارو عملة التحويل وقعدو غير يتنقلو من مكان لمكان

قتله غير استنى النتيجة

قاللى حتى لو كويسة نبى نتحول

قتله انت غير تفوت السمستر الاول يبدأ كله ساهل

قاللى لا نتحول توا احسن مايفوت فيا بعد 3 سمسترات ويريح العمر

قتله باهى وين تبى تمشى قالى جنزور

قتله لا وليش شنو يعنى اسهل قال انه اصحابه قالو اسهل

زوجى قالله رح تكره نفسك من البعد ورح تفوت سمستر وتتحول ويضيع الوقت

قال خلاص معهد 24

يعنى هو باختصار مفكر ومقرر ومنسق كل شىء

قتله بصراحة حيرنى معاه وقتله انى نبحث عن حاجة تضمن مسقبللك خير ماتقعد ادور من مكان لمكان

واخر شىء طلعنا بيه

















يتبع

بصراحة الانتقال صعب جدا لانه شني يضمنله انه يعجبه المكان يلي بيتحوله وبصراحة جنزور بعيد شوية من الأفضل المعهد المهن الشاملة 24 حتي هوا كويس يشكروا فيه ونفس معهد جنزور تقريبا كلية بدت توا ,,,
ننصحك لو قرر ينتقل لمكان قريب افضل

[أم أجنادين 80]

المشاركة الأصلية كتبت بواسطة sosolibya

بنات نبى نحكيلكم على حاجة وتقدرو تساعدونى

زوجى ماشاء الله عليه مافيش منه اثنين

يعنى اخلاق وووو

ويحبنى موووووووووووت
ويعشقنى بجنون وماعنداش على البصبصة ولا حتى انه يفكر يشوف لغيرى

بس توا تواجهمى مشكلة هو بيفتح محل او بالأحرى مكتب وهو مهنته هندسة حاسوب

والمكتب بيكون صيانة وتصميم مواقع ومنظومات ووووو

وتوا يانارى عارفنى نغار عليه هلبة بالرغم من انى ديما انفهم فيه انى واثقة فيه بس مش واثقة فى البنات

المهم ليه فترة يلمحلى انه يبى يدير فريق عمل معه واخبرنى مؤخرا انه فى 2 طالبات مشروع تخرجهم نفس حاجة هو يبى يخدمها لجهة معينة

ويبى يخدمهم ليستفيد هو وهن

وانا بصراحة لم يعجبنى ذلك والله انا نقرا فى الجامعة ونشوف فى اشكالات حشاكم وخلاص
ثقة عمياء بس مش واثقة فى غيره والشيطان شاطر

يعنى حتى لو ما صار شىء منو يعرف القلب شن ممكن يتغير فيه والعيون ينفتحو على حاجات جديدة

واقترحت عليه انى نمشى للمكتب وبصراحة لم تعجب الفكرة زوجى

واكد لى ان الذى جلب له هذه الخدمة يعرف البنات وبأنهن مخطوبات

بس بصراحة قلبى مش مستريح


اخبرونى برايكم لو سمحتم
ويانارى هو اتضايق منى واكدتله ان العيب مش فيه وان واثقه فيه

ربي يخليكم لبعض سوسو
فهمت ان زوجك يبي يفتح مكتب هندسي بس طالبات المشروع تخصصهم زي تخصصه ويبيهم يخدموا معاه ,,,هكي قصدك ؟؟؟؟
بصراحة عندك الحق لو في مكانك مش راح انوافق مخطوبات ولا حتي متزوجات ...
هيا الثقة فيه اكيد موجودة بس في غيره وفي الوقت هدا لا تضمني شي ,,

[أم أجنادين 80]

ســــــــوســـو وينك
وشـــــــموسة اكيد مشغولة من شاف احبابه نسي اصحابه
اثري , ليبيا قلبي , ام وسن ,ام معاذ , ام ورد طمنونا عليكم

[sosolibya]

تعرفو مزكززززززززززززمة ونحس فى روحى سخونة نبرد فى وجهى بالمية وخلاص وتذكرت اثرى لما قالت على الليم القارس درت 2 كوب عصير ليم قارس شربتهم

[sosolibya]

اهلييييييييين جنودة الف الف مبروك البيبي يا ام فراس ويارب تجعلها من البنات الصالحات

[أم أجنادين 80]

اليوم فتحت الياهو شوية القيت صاحبتي فاتحة ,,
حكتلي موقف صار معاها
وطلبت رايي وبصراحة انا مااعرفتش شن انقوللها
قلتلها راح نسال البنات التجمع وناخد رايهم
هيا من فترة صارتلها مناسبة من حوالي شهرين بالضبط وقررت متبيش ادير لمة ,,لظروف مادية وحوشها صغير
مش راح يكفي الكل..
فخدت شكلاطة وحلويات ويلي ايجيها اديرله الواجب يعني حلو وفواكه ولوز من غير حار ,,
االعيلة كلها جوها من طرف راجلها طبعا قعدوا كناين عمت راجلها اثنين ,,
وهيا الفترة هذه تعالج عند دكتور زي حالاتي مزال ربي مسخرلهاش بالحمل
يعني كل الفوس يااما مصروف او علاج وكل الحلويات خلصوا ,,
وراجلها عنده شوية التزامات يخلص فيهم ,,
اتصلت بيها حماتها وقالتلها فلانة بتجيك وطبعا هيا صاحبتي عندها موعد في العيادة العشية ومتبيش اتقول لحماتها
قاللتها انا عندي طلعة والاهم من هكي قالتلي عادي نقدر نفوت موعد العيادة بس
راجلها ماعنداش فولس يادوب للعلاج والمصروف ,,
يعني لو بياخدلها بياخد شكلاطة وعصير وفواكه وحلو لانه كله تم
قالت اعتذرت منهم رغم ان راجلها قالها مش مشكلة الفلوس ماادوريش بس قالت انا مبيتش انزيد انكلفه
اعتذرت منهم وقالت ان عندها طلعة مااتقدرش تاجلها
وهما شوفوا بعد شهرين مش حتي قالو اتصلو بمرت خوكم شوفوها قاعدة او لا
قالولهم بنمشولها بس
مش عارفة يعني بعد شهرين من المناسبة ويبوا يجوامن غير موعد ,,
هدا راي انا
ان المناسبة لما يفوت عليها اسبوعين او شهر يلي بيمشي او يبي يزور ماينتظرش من صاحبة المناسبة
انه بيلقاها قاعده تستني فيه ,,
ضروري يتصلوا بالتفلون ويتوقعوا اي رد منها عندها مشوار مش فاضية اي شي
مش معني انهم اتصلوا بيلقوها تلبي الطلب
,,
ومشكلة صاحبتي خايفة انها تصرفت غليط
شنوووووووووووووا رايكم

[sosolibya]

ربى يهديك جنودة زدتى خوفتينى بس على فكرة البنات مش بيشتغلو معه ديمه يعنى فترة مشروعهم وبسسسسسسسسسسسسس

[أم أجنادين 80]

الف لاباس سوسو
هدا من تغير الجو
انا اليوم ماطلعتش تفاجات العشية مشيت لحوش عمي الجو سخون هلبة ,,

[أم أجنادين 80]

قصدك هوا مشرف عليهم في المشروع