دردشة بنات مصر , دردشة حوامل مصر , تجمع بنات مصر

[AyoyA]

توووووووووووووتة عامل ايه والبنات عاملين ايه
رنا عامل ايه النهاردة الحمد لله شكلك مش مكتئبه الحمد لله ولوجى العسل عامله ايه
رانيا فينك محدش بيشوفك اخبارك ايه

[om arwa]

البت اروى بتعمل حركة عسل اوى قبل مانخرج لازم تبوس العروسة بتاعتها والدباديب وتقولهم ع السامة يعنى مع السلامة ببااااااى هههههههههههههه

[توتة السيد]

ياربي علي العيشة كل حاجة مش عايشة هنا مش عايشة هنا انت حسستيني اني ليا 50 سنة برة

مصر انا جاية من 6 شهور وايام الثورة الاولي ومابعدها كنت في مصر وشفت وعيشت كل

اللي بتحكي عنه انا مش متعاطفة مع اللي ماتوا ابدا دول شهداء انا متعاطفة مع البلد ومصلحتها

لحد دلوقتي بدافعي عن الشرطة والجيش ومين بيضرب مين علي قفاه

لما واحد شاب زي الورد يضرب طوبه تترد برصاصة في قلبه ولا في عينه

كده يبقي الشرطة بتضرب علي قفاها ياحرام مسكينة لما يضربوا قنابل فيها غاز محرم دوليا

يبقي ياعيني غلابة وهما اللي مضروب علي قفاهم

بتقولي نخرب مين خرب ها مين وزارة الداخلية لحد دلوقتي ماحدش راحلها بينها وبين شارع محمد محمود مسافة ممتازة يبقي نضرب ليه في الناس

الشرطة اللي بتحكي عنها بقالها 10 شهور بتشوف السرقة قدام عينها ومش بتحوش

ده يبقي اسمه ايه

[نيهال]

رنا الحمد لله حماتي ما عم أحكي معها إلا بالرسمي و رح انقول من بيتهم عن قريب إن شاء الله شهر ولا شهرين و رح اطلع دعولي ربي يتمم فرحتي

[AyoyA]

سمسمة عامله ايه الصبح سلمتى وطرطتى
ورور عامله ايه

[Rania Negm]

لنا عودة يا مو لوجى

هروح اعمل التليفون وهلبس زوجوجى بيكلمنى عازمنا ع الغدا بره

بيقولى طعمية عشان بتحبيها معرفش بيسرح بيا ولا بيتكلم جد

سلاموووووز الحين

[MALAK2010]

انتى الوقتى عاوزة ايه من الشعب يا رنا
عاوزاة يسكت ومايطالبش باى حاجه تمام كده يبقى شعب سااااااااااااكت علشان المركب تمشى

طيب تعالى نحللها واحده واحده
نسكت الغلبان اللى مش لاقى ياكل ولا لاقى ياكل ولاده ولاعارف يعلمهم ولا يعالجهم (اه علشان البلد تمشى )
بس ياااااريت نحط نفسنا مكان واحد مش لاقى ومش عارف يعالج ابنه ولا بنته انا لو سلمى لا قدر الله جالها برد شوف بموت عليها ازاى ابالك لاقدر الله فى امراض اكبر من كده روحى المستشفيات واتفرجى على البهدله

طيب نسكت مين كمان نسكت ام شهيد مش عارفه تاخد حقها من اللى اخدوا نور عنيها طيب هتقولى ماهما فى المحاكمه مش شايفه اد ايه بيتلكعوا ومش شايفه اللى قتلوا خالد سعيد بعد ما عذبوا لغاااايه الموت خدوا بس 3 سنين يرضى مين ده



طيب نسكت مصابى الثورة اللى لسه راحين يعالجوهم على نفقه الدوله امبارح
الثورة اللى الكل متمتع بيها الوقتى

ولا نسكت الشبااب اللى واخد مؤهل وفى واخدين ماجيستير ومش عارفين ياخدوا فرصه فى بلادهم واى بلد بتتناهم

المشكله ن احنا مش بنبص اللى سبب الازمه دى اللى ماسكين البلد
دول لو بشويه وعود هيهدوا الناس حتى هم كمان مش هاين عليهم يكلموهم

[AyoyA]

هدى نفسك يا معلمه تووووووووووتة
هو لو مش نوررررررر معصباكى يبقى الشعب
ههههههههههههههههههههههه




ربنا ينصر مصررررررررررررر ويحميها
من كل مخرب يخرب فيها
حسبى الله ونعم الوكيل

[رنا خالد]

توته انتي شكلك من الناس اللي بتتعصب لما بتدخل في نقاش
وعشان كده انا هاقفل الموضوع
الاحسن من الحوار ده اننا ندعي ان ربنا يسلم البلد دي من كل شر
ويحمي اهلها
والصبر حلو

[توتة السيد]

بت يارانيا الفديو اللي حطاه علي الفيس تحفة ههههههههههههههههههههههههههههه

ضحكت لما شبعت ولا التعليقات انا كنت افتكره بنت اللي مع احمد مسكته ليه كده

حسيتها مش مظبوطة هههههههههههههههههه طلع كريم بقي