تجمع الغاليات بنات العراااااق**التجمع الجديد**

[طوق الياسمينة]

هلو حبيباتي شنو القصة الكل طالعين وعايفين المنتدى؟؟؟؟؟؟؟؟

[redrose82]

السلام عليكم. ...شلووووونكم بنات انشاء الله كلكم بخير وصحة وعافية يارب. ..
اكيد راح تعتبون علي وحقكم بس صار عندي ظرف ورحت لاهلي وبعدني بيت اهلي وسحبت نت علمودكم. ..
هسة تسالون شنووووووووووو صاااااااااار !!!!!!















انا حااااامل




الحمد لله والشكر. .ربي اكرمني وفرحني وبركة دعوااااتكم الحلوة الي. ....
يالة باجر كلكم دخلو وخلي نعيد التجمع ليش عايفينة ونايمين

[طوق الياسمينة]

حبيبتي ممصدكة نفسي من الفرحة الف الف مبروك الله يتمم عليج بالخير ياربي وتجيبين بالسلامة وتمام الخلقة من صدك فرحتلج مثل مفرحت لنفسي

[&ام همام&]

كلوووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ش
الــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــتتف

ف
مبرووووووووووووووووووووووووووووووووووووووووووووووو وووووووووووووك
يا احلى ام اقصد كروووووووووووشة
حبيبتي تستاهلين ديري بالج ع نفسج لا تتحركين اهتمي بنفسج زين واتغذي
الله يتمملك ع خير انشاالله
والله فرحت من كل كلبي
والله البررحة ردت ادز رسالة ع الخاص وداعتة ابني بس ماادري شنو لهاني
فرحانتلج حييييييييييييييييييييييييييييييييييل

[حلمي بطفلي]

حياتي علايه الف الف مبروك فرحتلج والله هاي خوش فتحه عليج وعلى ياسه هاي احلى اخبار الله يتمملج على خير انتي وياسه يا احلى كروشات بيا شهر انتي احجيلنه التفاصيل الممله شلون صار الحمل وشلون عرفتي وشنو جان ردت فعلج وفعل زوجج والاهل يلا متشوقه اعرف

[redrose82]

حبيباتي الله يبارك بيكم وبنونواتكم. ...هاي دعواتكم الحلوة الي وكفتكم وياي خصوصا ياسمين وحبيبة قلبي سراوي. ..
الحمد لله والشكر. ..حنوشة حبيبتي انتقلت من قسم الوسواس للفضول ههههههه. ...فدوة لعينج ..
انا جان هذا اخر شهر منة وقررت اسوي حقن وجنت خايفة وماقابلة. .بس العمر يركض. فطلبت من رب العالمين. .ودعيت وبجيت لان انا خوافة ومااحب هذا الطريق. .قصدي عالحقن والانابيب. .
وكثرت دعاء واستغفار وقران وختمات انة وزوجي سوة. ...وهو التزم بعلاجة واكل كلشي يكولون علية مقوي وزين موز وبصل وبيض وحتة زيت الجرجير سمعت يفيد جبتة واخذة بعسل. .وانا شربت عصير اناناس للتبويض وجنا مرتاحين نفسيا وعدنا يقين الله راح يستيجيبنا. .لدرجة حللت قبل الدورة وطلع خط خفيف وظل يطوخ يوم ورة يوم وحللت دم بيوم الدورة وبين بس الدكتورة بالمستوصف كالت ميصير الة تفوت الدورة يالة نعتبرة حمل مو قبلها خاف خربطة هرمونات. .وخلوني عالششحن اسبوع كلماتمغصني بطني اكول راح تجيني. .بعدين انتظرت على ناااااار لم وفات اسبوعين تقريبا يوم ٤٢ يوم واخذت سونار وبين كيس الحمل الحمد لله. .وهذي الجمعة بين النبض الحمد لله ..وهسة انا بالاسبوع الثامن. .
وبس امي جانت تدري لمن بين الحمل يالة كلت لاهلي وخواتي. .وغيرت المثبت ونزل علي شوي لون بني فظليت يم اهلي ومن بين النبض ال لاهلة ..والحمد لله الفرحة ماتنوصف الله لايحرم احد من هذا الشعور. ..ولو انا خايفة اكثر من فرحانة ..بدي تمشي الاشهر الاولى بسرعة حتة ارتاح. ..
ومشكورين كلكم على وكفتكم وياي. ...صدك انتو خوات عزيزات

[حلمي بطفلي]

حياتي انتي يعني هسه دخلتي بالشهر الثاني رح تبدي الوساويس مو بس اني هههههه حبيبتي قصتج بيها امل لكل واحد فاقد الامل والحمدلله الله عوض صبركم بثمرة حلوه يارب يثبت حملج وتفرحين بيه بس اهم شي اخذي دوفستون 3 مرات باليوم حبه ولو صار عندج تقلصات لا سامح الله لازم تاخذين حبوب للتقلصات مثلا بيوتادين حبتين باليوم لان اسم الله اهمال التقلصات تادي الاسقاط بعيد الشر عليج ولا تعبين نفسج وابتعدي عن العلاقه وااباقي على رب العالمين وشتردين اني حاظره وبالوساويس استاذ ونص هههههه رح اصيحج ام علي ما دام علايه ههههه

[redrose82]

مشكورة عالنصائح الغالية دكتورة حنوشة ...جاي اخذ دوفاستون مرتين بس كتبلي الطبيب. .وفولك اسيد حبة باليوم ...والحمد لله والشكر عالنعمة ماعندي تقلصات. .حاليا بيت اهلي صار لي اسبوعين لو اكثر ..والواسواس اشكال والوان بس اتعوذ من الشيطان والطبيبة كلتلي الوسواس والخوف يفرز هرمون عندي يسوي تقلصات يعني سبب التقلصات الخوف! !! كالت اهم شئ تستقرين نفسيا والمكتوبلج تشوفي. ..بس النساوة كلش اذتني اكره كلمة اكل مو بعد اشتم ريحتة لو اشوفة ..بس امس واليوم خفت شوي احسن. ..والله كريم والحمد لله والشكر

[طوق الياسمينة]

هلو حنوشة وام هومي شلونكم
علاية حبي اني هم اخذت دافستون حبايتين باليوم بس الدكتورة كالت استمري عليه شهر...وانطتني فولك اسد واسبرين كالت لحد شهر الثامن...وبي 6 لتخفيف الوحام بس اشو محيل ديفيد مشكلة عندي بالروائح والوحام اشدة عندي بالليل ياربي تعدي الشهور بخير وبسرعة اخر دورة جانت 23-11 والدكتورة تكولي انتي 3 اشهر ونص كلتلها يمعودة اني 2 ونص خربطتني بالحساب بس الي متاكدة اني 2 ونص بالاسبوع 12 يقرة السونار...بنات شتعتمدون على اخر دورة لو على حساب السونار...وحنوشة من يصير عندج عثيان شتاكلين لو شتسوين حتة يخف؟؟؟؟؟؟؟؟

[&ام همام&]

السلام عليكم
شلونكم حبيبات قلبي
علاية اوصيج اصيج ديري بالج ع الحمل واتغذي زين واهم شي الفواكه وابتعدي عن الكبد والمعلاك وماكوووووووووو وكاحة زين الله يفرحج انشاالله
ياسمين وحنوش وسيلا انشالله تكومون بسلامة انتو ونونواتكم
وسلام الى كل البنات شفق ومها واروى ومنى ورقية وروز وام ليث وبعد منو ؟؟؟؟
لمى انشاالله تفرحنا
بنات اني مسافرة الجمعة الصبح خارج العراق وما اعرف شوكت ارجع يعني حسب الظروف
ابرو الي الذمة اخاف ضوجتكم او زعلتكم بكلامي بدون قصد
احبكم
اختكم سرى ام همام