دردشة حوامل أهل الرياض - دردشة بنات الرياض - تجمع حوامل الرياض

[الورده الجوريه]

المشاركة الأصلية كتبت بواسطة سهونه

اهلين الورده كيفك واخير لقيت احد معي بنفس المستشفى
طيب الابره مالها مضاعفات بعد الولاده انا سالت دكتور التخدير وقالي ان اثارها بس صداع
انتي تراجعين بالعيادات الخارجيه عند اي دكتوره ؟؟؟
وطيب الولاده منو يولدك انا قالو لي المناوب يولدك واخاف على حضي يكون دكتور
ولو جاتني الولاده بوقت الدوام منو بيولدني نفس الدكتوره الي اراجع عندها ؟؟

هلا فيك شوفي لو لها مضاعفات كان مااخذوها اغلب الحريم
اكيدانا ولدني المناوب واذا بوقت الدوام اتوقع دكتورتك بس اللي اعرفه اظن اذا كنتي طبيعي اي احد يولدك مو ضروري دكتورتكانا الحين اراجع عند انيلا حسين

[سهونه]

الله يهون علي وعليك وعلى كل الحوامل ياااااااااااارب
وان شاء الله تولدين طبيعي وتكون سهلللله يااااااااااااااااااارب
دعواتك لنا وربي تعبت ابي اولد ... الله يسهل يااااااارب ..

[بنوته كوول]

بسم الله الرحمن الرحيم
انا اقول الاحسن والافضل مستشفى التخصصي..

[قلب حبيبي ونبضه]

يمه يمــــــــــــــه بنات شوفو الشريط حقي صار بشهر تسعه
ضميني امي ضميني

[أم ليان 1000@]

طيب بنات الولادة بالتخصصي بكم الطبيعي و بكم العملية ؟؟؟؟
والحرس بعد بكم الولادة فيه وفيه احد جرب الحرس بالولادة لني بولد فيه على حسابي
ابغى مستشفى حلو بالعناية خاااصة وأني وحيدة بالرياض يعني بولد وأجلس 3 أيام وبعدها بروح لأهلي !!!!!!!!!!!!!

[قلب حبيبي ونبضه]

صباح الخير للجميع ،،، ام ليان اذا تقصدين مركز التخصصي الطبي الاهلي العمليه عندهم بــ15 الف ويجلسونك عندهم اربع ايام .....
الطبيعي 9000 الاف ( على مااظن)) وتجلسين يومين عندهم
وعنايتهم مرره حلووه ونظيفه
ودمتي،،،،

[الورده الجوريه]

سهونه الله يسهل عليك وعلي وكل حامل يارب
سألتلك عن ابرة الظهر يقول بعض الناس تسبب لهم صداع والاغلبية ماتسبب لهم شي

[ღ°• صـمـتے حـڪـايـہ •°‏ღ]

صراحه ابره الظهر كنت متحمسه لها بس القصص اللي سمعتها تراجعت عنها...

واغلب الاحيان يقولون بسبب الابره تقلب الولاده قيصري لان ماتقدرين تدفعين ويلجاء الدكتور قيصري...

[الورده الجوريه]

صمتي حكاية أطباء التخدير سووا دراسه عليها مالها اي مضاعفات ومالها دخل اذا تحولت الولاده لعمليه وانا متأكدة من الكلام اللي اقوله ولو لها مضاعفات كان ماستخدموها اغلب الحريم وكثير اعرفهم استخدموها وولدوا طبيعي الله يسهل على الجميع يارب

[ميمي الاموره]

المشاركة الأصلية كتبت بواسطة أم ليان 1000@

والحرس بعد بكم الولادة فيه وفيه احد جرب الحرس بالولادة لني بولد فيه على حسابي
ابغى مستشفى حلو بالعناية خاااصة وأني وحيدة بالرياض يعني بولد وأجلس 3 أيام وبعدها بروح لأهلي !!!!!!!!!!!!!

الحرس الوطني نظافه وعنايه ودلع والممرضات مررره حبيبات
ويهتمون بالنونو كانه ولدهم
ويهتمون بالام وخياطتهم نظيفه مررره
اصلا من تدخلين ريحة المنظفات والمطهرات ماليه المكان
اختي عيالها تجيبهم فيه وتمدحه مررره

كان ودي اني اولد فيه بس لان زوجي مايقدر
وماراح اولد الا بقوى الامن لانه تبع الجهه اللي هو يشتغل فيها
الله يستر ويهون علي وعليك