تجمع الكروشات اللي موعد ولادتهم شهر * رمضآآن * 1432

[أرنوبة]

اها فهمت عليكي
انا عارفة ايام التبويض بس بتحسب لي على الدورة
لانه التبويض كان في اليوم ال11 للدورة بس مدري عنها

[دلوعة ياسر]

بيبي سمايل الله يتمم لك ويتمم لنا يااااااااااااارب
ماراح نرتاح لحد مانولد بالسلامه ونتطمن ع البيبهات الله يحفظهم لنا يااااارب

[أُمنية حامل]

بيبي سمايل
والله فقدتك وافكر فيك قبل لا انام البارح قلت ياربي وش فيها ماعاد تدخل
شوفي على سالفة الدكاتره بيضيع الواحد مايدري من يصدق
بقولك سالفه صارت لي
قبل فتره بعد تحليلالحمل وطلعت حامل نزل معي نزيف
سوو لي اشعه قالو قيه كتلة دم متجمعه عند عنق الرحم وهي سبب النزيف ويمكن تفتح الرحم ويصير تسقيط
عاد انا مسويه عملية اطفال انابيب بيصيب الانسان احباط وحاله نفسيه المهم قالوا حطي بالحسبان الاجهاض وانتي كثري دعاء وووو الخ وتعالي بعد اسبوع نشوف فتح الرحم ولا لأ
وانا صرت قبل لا انام احط يدي اليمين على رحمي واقراء سورة الفاتحه 7 مرات قبل لا انام
المهم يوم جاء موعدي وتسوي لي اشعه وانا يدي على قلبي قالت كل شي تمام
قلت والدم المتجمع !!!!
قالت ليه عندك دم متجمع قبل !!!؟؟
قلت ايه وتروح تشيك على الملف
قالت ايوه صادقه فيه كثله كبيره
وترجع تعيد وتتفحص قالت سبحان الله اختفت مالها اثر.
والسبب من الله ثم من قراءة سورة الفاتحه وبنية ان الدم يروح ويثبت الحمل
بعدين يا بيبي سمايل اذا انتي سامعه النبض ماعليك من كلامهم ان شاء الله يكمل

لكن اذا مافيه نبض نصيحه وقفي المثبت وخلاص هذا الي ربي كاتبه
انا المره الاولى الي سقطت فيها عطوني مثبت بداية الحمل والاسبوع السادس مافيه نبض وعطوني مهله اسبوعين بعدين قالوا لي خلاص اتركي المثبتات لانه موحي ولا سمعت كلامهم تعرفين ابن ادم يتمسك ولو بشعره من الامل
المهم واروح لوحده ثانيه قالت لا استمري على المثبت اسبوع
استمريت عليه وما فادني بالعكس صار نزل معي نزيف وماوسقطت طبيعي لاتي مكثره مثبتات قالوا لازم عمليه طبعا تنظيف ولا تألم ولا شي
والله مو قصدي اخوفك
بس لازم الواحد يحط براسه احتمالات عشان اذا صار شي يصير انه فاهم الشغله ما يتفاجأ
طولت عليكم بس ودي انقل تجربه ممكن تفيد اي احد يقراء

[أُمنية حامل]

ارنوبه ياقلبي
رورا متابعه مع الدكتوره التبويض وحجم البويضات
وتسوي اشعه لين تشوف ان البويضات تفجرت
يعني يوم الجماع محدد وعارفه موعد انفجار البويضه
تبويض الي تاخذ منشط غير الطبيعي
وهي تقول مانزلت في وقتها تاخرت الى ان اخذت ابره بعدين حصل الحمل من هالابره الي نزلت البويضه
اتمنى انك فهمتي
وانتي حتى لو التبويض في يوم 11 لازم تنفجر البويضه عاد هم يتوقعون تنفجر بعد 3 ايام

[rooraa]

اهلين امنيه ودلوعه
كيفكم اليوم شو اخباركم
والله انا فيني شد اخر بطني والم في الحوض وعضام فخدي والله مشيتي تضحك مدري كيف حروح الفرح اليوم الله يعينن

[*هلا*]

بيبي وكلي امرك لربك وارقي على نفسك وعلى البيبي
واكثري الاستغفار وربك بسهلها ان شاء الله
انتي لازم تعرفين سبب تاخر النمو ؟ او ممكن يكون عندك نقص في فيتامينات معينة ؟
انا بكرية وماعندي خبرة ؟ انا مرات اتوهم اشياء ان الجنين ميت واشياء كتير ؟ لا تستعجلين راجعي اكتر من دكتورة والله ييسرها

[أُمنية حامل]

بقولكم البارح
رحت لسنتر بوينت واخيراااا اشتريت للبيبي لبسين والله زوجي حسيت مايبغاني اخذها يقول بدري ماندري وش يصير. وانا لزمت قلت لازم مره اشتهيت اشريها زغنونه ياقلبي عليها بس اللون محايد لاني ما اعرف جنس الجنين
الي رفع ضغطي
ما خليت محل مادورت فيه المذكره حقت البيبي
سنتربوينت- مذركير-مكتبة جرير- مكتبة العبيكان- - صيدلية سليمان الحبيب-حتى ساكو
ولا لقيته وش اسوي بموت قهر
ما ادري وين القاه بالرياض
كنت متحمسه له الحين مدري شكلي بشتري البوم عادي الي كون ورق والزق الصور فيه واكتب الي ابيه
هئ هئ

[أُمنية حامل]

رورا ياقلبي
ياحليلك بتروحين للفرح وتطلين علينا وتسولفين وتشوفين وش اخبارنا
ياليتنا كلنا مثلك هههههههه

[أرنوبة]

يا قلبي امنية حامل ايه فهمت عليكي وعليها
أنا حسيت بالم البويضة يوم 9 من الدورة ورحت لها يوم 11
وقلت لها احس بالم في جنبي ويوم كشفت علي قالت لي هذا من البويضة
وممكن تنفجر باي لحظة طبعا انفجارها كان طبيعي وقالت لي وقت ما يخف الالم اعرفي ان البويضة انفجرت وفعلا خف الالم يوم 11 من الدورة
بس هي مصرة تحسب لي على الدورة معنها عارفة يوم انفجار البويضة

[أرنوبة]

الله يعينك يا روورا بس مع الناس رح تنسي ان شاء الله الالم شوي