دردشة حوامل مصر - دردشة بنات مصر - تجمع حوامل مصر ‏

[منتظرة فرج الله]

السلام عليكم جميعا
ايه يا جماعة هو انا مش اختكم وكمان اعرف المرحومة ...............؟
هو انا مش ضمن حساباتكم ليه ...................؟ وليه بتحرمونى من الثواب
على العموم انا ان شاء الله هكمل من 28 للاخر
ولو فى وسطكم حد أولى منى لعلياء براحتكم
بس انا بردوا هكمل
رحم الله علياء رحمة واسعة وأسكنها فسيح جناته
ورحم اله امواتنا واموات المسلمين جميعا

[رنا خالد]

وانا يابنات هقرأ لها من ال 15 لل18 ان شاء الله
وبدأت من النهارده ان شاء الله

[om arwa]

يا امير انتى بس ماكنتيش موجودة و احنا بنتفق خدى جزء من واحدة ا اتنين وخلاص وقولى خدتى اجزاء ايه
ربنا يقدرنا جميعااااااااا

[malak ahmed]

يا بنات انا من ساعه ما قريت الخبر ده مش عارفه امسك نفسي واعصابي بايظه خالص وخايفه وانا برضع ملك اكون بضرها

كان نفسي من زمان اولد بس بجد فرحتي ببنتي راحت خاااااااالص ومش حاسه باي فرحه من ساعه ما قريت الخبر ده

كان نفسي اكون معاكم في قراءه القران بس للاسف مهقدرش غير اني ادعي ليها لانكم عارفين ظروفي بس ان شاءالله هفضل ادعي لها كتير

مليش نفس من ساعتها لحاجه مأثر فيا فراقها اوى وكلامها اللي بجد كان كلو عاقل وموزون

يااااااااااارب احسن خاتمتنا بجد الموت ده قريب اوى .. انا بجد وانا ف العمليات كنت حاسه اني هموت ومصدقتش اني صحيت تاني كل ما اتخيل ان ممكن الواحد يموت فجأه كده وهو لسه معملش حاجه لاخرته اترعب اوى

[رنا خالد]

انا من امبارح عندي حالة ذهول والله
يعني ايه بني ادم يبقي وسطنا بيكلمنا
وبيرتب لحياته كمان كام شهر وكام سنه ويروح
كنت اسألها ناويه تخاوي محمد امتي يالولو
تقولي كمان 3 او 4 سنين زيك يارنا
يااااااااااااااااه حبيبة قلبي
ماكنتش تعرف اللي هايحصل
كانت روحا في محمد ونفسها تخاويه ببنوته
وكانت بتحب جوزها جدا
اكيد هايوحشها زوجها
واكيد هما كمان هيوحشوه
قلبي بيعتصر من الالم
الدنيا منفاته اوي
بنت زي الورده المفتحه راحت
ياه يالولو مش قادره اصدق ان هايعدي يوم واتنين وتلاته
وشهر وشهور واكتر وانتي مش هنا
يعلم ربنا غلاوتك في قلوبنا
واد ايه وفاتك اثرت في نفوسنا
ربنا يجعله في ميزان حسناتك ياام محمد
ويجعل محمد حبيب قلبي ملاك في الجنه يشفع ليكي ولباباه يوم الدين

[دودى مجدى]

يا بنات بالله عليكو اللى موجود فى الشات ييجى معايا نعمل خاتمة تانية للقران على روح علياء حبيبتى واختى فى الله انا تعبانى بجد وتعبت من العييط معنتش شايفة تعالو نقرا قران احسن لها وتاخد ثوابو اللهم تغمدها برحمتك الواسعة والهمنا الصبر والسلوان يا رب

[توتة السيد]

كانت ياقلبي بتدور علي شغل علشان تعين زوجها علي مصاريف المعيشة

ولما لقت شغل وعرفت موعيده الطويلة قالت مش هينفع لو كان كده

والمصريف هتتقل انزل انا ومحمد مصر ااااااااااااااااااااااااااااااااااااااااااااه يالولو سبتي

الدنيا كلها سبتينا وسبتي جوزك واهلك ليه استغفر الله العظيم

[om arwa]

حرام يا توتة ماتقوليش ليه
قولى قضاء ربنا
انما الصبر عند الصدمة الاولى ربنا يثبتنا ونقدر نصبر
ان القلب ليحزن وان العين لتدمع ولا نقول الا ما يرضى ربنا
اللهم لا اعتراض
ربنا يصبر امها يارب

[احلى نونو]

كل من عليها فااان ويبقى وجه ربك ذو الجلال والإكرام

اللهم اغفر لها وارحمها وأكرم نزلها وبالماء والثلج والبرد امح ذنوبها
اللهم اجعل قبرها روضة من رياض الجنة وباعد بينها وبين خطاياها كما باعدت بين المشرق والمغرب
ونقها من ذنوبها كما ينقى الثوب الأبيض من الدنس
وثبتها على كلمة الحق لا إله إلا الله محمد رسول الله

[جيرا]

انا معاكم ان شاء الله يابنات كلنا خواتها وصحابها وكان ليها حق علينا حق الاخوه والصداقه الله يرحمك ياعلياء ياحبيبه قلبى ويصبرنا كلنا انا عشان فى مصر ومتجوزه فى عيله ماكنتش فاضيه انى اكلمكم لكن كنت كل يوم اطمئن عليكم وعلى اخباركم عشان كده عرفت الخبر اللى حسيت انه كسرنى وفعلا غير فيا كتير فى المده القصيره دى ربنا يثبتنا على التغييير اللى السبب فيه لولو رمز الاخلاق والالتزام والروح الحلوه وكتييير ساعدتينى بارائك الرزينه واللى فادتنى ووالله انا كنت داخله ساعه الخبر المشئوم دا اكلمها واطمن عليها وعليكم لانى من يوم نزولى مصر مش برتاح من الشغل طول النهارشوفوا انا ممكن اعمل ايه وانا معاكم باذن الله