دردشة بنات مصر , دردشة حوامل مصر , تجمع بنات مصر

رنا خالد · 11-23-2011, 08:31 PM

ياخوفي نوصل لنقطة الاعوده
ياشماتة امريكا واسرائيل فينا
ربنا يستر بقي قبل مانبقي العراق رقم اتنين

MALAK2010 · 11-23-2011, 08:33 PM

اقتباس:

المشاركة الأصلية كتبت بواسطة رنا خالد

ملك كنتي بتسألي علي الدايت بتاعي وشكلك مش هنا انا هاكتبهولك يارب تعتري فيه ياقمر
بصي بفطر بنص رغيف عيش بلدي اوكشن
بتحطي فيه جبنه بطماطم او بيض او جبنه بحتة لنشون صغننه
يعني عبي النص رغيف من الحبشتكانات دي ههههههههههه
وبعدين بشرب نسكافيه سعات بسكر عادي وسعات بسكر دايت
يعني ليكي معلقتين في اليوم اتصرفي فيهم ولو سعات مااخدتهمش وبدلتيهم بالسكر الدايت يكون احسن بس ماتكتريش من سكر الدايت عشان كتره مضر
والغدا ياستي باكل 7 معالق رز وعليه الخضار ومعاه لحمه او فراخ او سمك منزوع الدهن وسلطه طبعا
ولو عامله اي اكل تاني باكل بنفس الكميه اللي ذكرتها
يعني ليكي 7معالق حبوب سواء رز او مكرونه يعني
او ليكي نص رغيف بلدي في الغدا
نيجي بقي للعشا وهو ده المهم
يوم ياستي باكل جبنه قريش بطماطم وخيار كده بس من غير عيش بالشوكه كده
وبعدها كوباية زبادي
او بطاطس مسلوقه واحده بس متوسطة الحجم وبعدها ثمرة فاكهه مثلا
او سلطة تونه يعني تونه عليها طماطم وفلفل وخيار واعصر لمون وكده
وبعدها برضه ياكوباية زبادي ياثمرة فاكهه
وممكن العشا يكون فاكهه بسسسسسسسس يعني اختاري ثمرتين بتحبيهم واتعشي منهم
ومابين الوجبات عيشي بقي خيار وخس وطماطم وجزر براحتك عشان تشبعي نفسك
واشربي مايه كتير مايقلش عن 2 لتر يوميا
ونظفي البيت كده وبهدلي نفسك بقي مسح وترويق عشان تبقي رياضه يوميا
وبس
وان شاء الله نخس
انا كنت مديه لولو الله يرحمها حبيبة قلبي الدايت ده ومشينا عليه سوي وخسينا انا وهي اووووووي مضمون يعني ومابيخليش نفسك في حاجه
وعندك وجبه او وجبتين فري في الاسبوع انتي وراحتك
واي خدعه يامعلم
يارب بس تشوفي كلامي ماطلعش بكلم روحي ههههههههه
اه ونسيت اقولك ممكن تشربي لبن بقرفه حلو بيعلي الحرق والقرفه بتحسسك بالشبع كمان

تسلمى يا رنا على ردك
بس الرجيم ده بيخسس اصل باكل اقل من كده وثابته الحمد لله على وزن بس عاوزة اخسسسسسسسسسسس بس من غير تعب لانى الفترة اللى فاتت عملت رجيمات صعبه اووووى (تمر باللبن -رجيم السوايل) وباجى فى اخر النهار اكون خلاص تعبت فبلبخ فى الاكل
بس خسيت فى شرين الحمد لله 7 كيلو

هاقولك انا باكل ايه وانتى تشوفى ايه اللخبطه

الصبح باكل ساندوتش بيض ومعاه كوبايه لبن بقرفه والنهارده شربت كوبايه لبن بقرفه بجنزبيل بمعلقه ونص سكر قولى اتنين ههههههه

وفى الغدا ساندوتش جبنه رومى علشان جوزى بيجى بالليل

وفى العشا على الساعه 7 بالليل باكل معلقتين رز وسلطه والفراخ او اللحمه ومن غير جلد طبعا

وبين الوجبات بشرب عصير من غير سكر او بسكر خفيف

ماشى كده بس اذا عملت حلويات انتى عارفه بقا ايه اللى بيحصل هههه

انا نفسى اخسسسسسسسسسسسسسس

MALAK2010 · 11-23-2011, 08:44 PM

وساعات الصبح بشرب ميه بشرايح ليمون بكمون معمول من بالليل بس مش علطول
اعمل ايه تانى نفسى اغمض هينى وافتحها الاقى عشر كيلو منسوفه ههههههه

somia · 11-23-2011, 09:08 PM

حد هناااااااااااااااااااااااااااا؟؟؟
انا بسلم وانتم مش بتشوفوني لييييييييييييييييييييييييه؟؟؟

رنا خالد · 11-23-2011, 09:13 PM

لوكه بصي ياقمر انا الدايت ده خسسني اول شهر 7 كيلو والشهر التاني 3 كيلو
وبعد كده خسيت 2 كيلو في شهر ووقفت بقي
ووصلت بيه ل66 كيلو ودخل عليا رمضان وطبعا انتي عارفه بقي هههههههه
وقررت اعيده تاني دلوقتي
وبالفعل عدته
كنت 74 كيلو بقالي عليه 4 ايام وخسيت حوالي كيلو ومتين جرام
اكلك ده ملخبط ياملك اهم حاجه في الدايت ان يبقي ليكي مواعيد فطار وغدا وعشا يعني 9 فطار و5 غدا و11 عشا
وماشبه ذلك
وبعدين الجبنه الرومي بتخن ياملك يعني بلاش منها كل يوم
ومتاكليش وتنامي علي طول ياملك
وليكي حق تهبطي لان مافيش وجبه اساسيه سانده بقية الوجبات الا وهي وجبة الغدا
الاكل القليل ده بيبطأ معدل الحرق
انا بقيت خبيرة في موضوع الدايت ده من كتر فرجتي علي برامج الدايت
وابقي شوفي برنامج كلام من القلب لدكتوره سمر العمريطي بيجي الساعه 2 يوم الاحد
حلو اووووووووووووي وهي دكتوره هايله
وبس
وطبعا الدعاء بقي لحسن بجد السمنه دي مشكله ملهاش حل
ومسسببه لي ضيق فظيع ومش عارفه انزل اشتري لبس شتوي انا بعتبرها مرض ومرض مش سهل كمان
ربنا معانا بقي ونخس سوي يالوكه

somia · 11-23-2011, 09:45 PM

اااااااااااااااااااااامين يا رب..
رنا انتي مش شايفاني ولا مخاصماني؟؟؟؟؟؟؟؟؟؟؟؟؟؟؟

أم إياد · 11-23-2011, 09:57 PM

وحشتووووووووووني اوي اوي يابناااااااااات
اخباركم ايه كلكممممممممممم؟؟

السلام عليكم الاول
ازيكم يا بنانيت ياللي هنا؟

ام رحمة الله · 11-23-2011, 10:13 PM

السلام عليكم
انا حامل واكملت شهرين حيث بدأ معي الان نزول قطرات من الدم وبتفاوت مره تزدات ومره تنقص ذهبت الى الدكتوره ورأت نبض الطفل طبيعية واعطتني مثبتات ابر كل اسبوع مع حبوب يوميا والان انا في اليوم الثاني من ذهابي الى الدكتوره ولم ينقطع هذا الدم .... ارجوكم افيدني وجزيتم خيرا

somia · 11-23-2011, 10:14 PM

اية وحشتينييييييييييييييييييييي

somia · 11-23-2011, 10:16 PM

ام رحمة عادي طالما بتطمني عالبيبي عادي خالص انا كنت كده اول اربع شهور ..
اية اروى عاملة ايه ؟؟؟ ماشاء الله كبرنا وبقينا زي القمر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM