دردشة حوامل مصر - دردشة بنات مصر - تجمع حوامل مصر ‏

[نولارا]

الموضوع لسه كانه كابوس
كنت اتمنى امبارح تدخل وتزعل منى وتقول ايه اللى انتى كاتباه عنى ده
يارب اللهم لا اعتراض
انا لله وانا اليه راجعون

[MALAK2010]

مش قادرة اصدق انى راحه اكتب هنا كلام اعزى بيه اول صاحبه صاحبتها فى التجمع لولو
انا كنت بدخل كل يوم الصبح وعارفه انى هلاقيها وهترد عليا
والله ما قادرة اكتب حاجه ومنهاره من الصبح
بس مخنوقه ونفسى اطلع كل اللى جوايا
لا اله الا الله
لولو دى اول واحده دعيتلى فى الروضه بالحمل وانا معرفهاش ولا هى تعرفنى دخلت التجمع دة وانا لسه مش حامل وكنت بسال سؤال فهى ياقلبى ردت عليا وعرفت انها فى المدينه فقلتلها ادعيلى وانتى فى الروضه ومكلمتهاش تانى فترة لقيتها بعتالى انها دعتلى وسبحان الله بعدها بايام بشرتها بحمل ومن بعدها كان اى حد عاوز حاجه يقولها تدعيله فى الروضه وكانت بتدعيله
لا اله الا الله
افتكرلك ايه يا لولو غير كل خير يا حبيبتى
احنا اتكلمنا كتيييييييييييييييييييييييير مع بعض فى كل حاجه افتكرلك ياقلبى لما كنا بنختار تفصيله ستايرك سوا ولونها ولا لما ورتينى مطبخك اللى لسه ماستعملتيهوش ولا شوفتيه غير بس فى الصور
لا اله الا الله
ولا لما كنتى لما بتشوفى اى طبخه تبقى عاوزة تعمليها علشان تسعدى جوزك
ولا لما كنتى نفسك تزوقى تورته جوازكم
واتكلمنا كتير وضحكتنا كتير وقلقنا اكتر
هتوحشينى يا لولو والله
ربنا يصبر اهلك ياااارب ان كنا احنا كده فمبالك مامتك ربنا معاها
والله تخيلتها يا حبيبتى اللى ماشفتكيش من سنه ونص مودياكى عروسه يا قلبى وبعدين الوقتى بتسمع الخبر ده
ربنا يصبرها ياااارب
زمانها كانت بتتقول لولا عياها كانت زمانها جت وشافتك وانتى بتولدى
لا اله الا الله
ولا جوزك اللى اول ما يفوق يعرف الخبر ده مراته وابنه مره واحده بعد ما خلاص ظبط حياته بزوجه صالحه وابن جميل فجأه كده كله يروح من بين ايديه يااارب صبره

كنت بقولها اول ما اعمل عمرة هاجى اشوفك كنت قولت لجوزى وكان وافق الوقتى اول ما اروح المدينه مش هلاقيكى مستنيانى يا قلبى

كانت بتقولى بلاش اسم ملك لانى مش بحبه وكنا بناكف بعض فى الاسم
والله من الصبح بفتكر كل كلامنا مع بعض
بفتكر لما كانت بتابع الشيخ مصطفى حسنى وتكتبلنا مواعيده ولما قالت لنورا انها ماشاء الله فى الجزء 22 وبتقول ياترى هتلحق تختمه مرتين ولا لاء
وبفتكر لما كانت بتحفظ قران مع جارتها ماشاء الله عليها
ماعدتش قادره اكتب ولا افكر تعبانه اوووووى ومش قادرة استوعب الخبر
امانه يا بنات تدعولها بالرحمه والمغفرة وانتوا بتفطروا

بس اللى مصبرنى انها ماشاء الله كانت معتمرة
ربنا يرحمك ياعلياء ياااااااااااة جه اليوم اللى ادعيلك فيه بكده
اللهم اجرنا فى مصيبتنا

[نولارا]

فاكره ياملك اول ما اتعرفنا وكنتى بتقوليلها تدعيلك فى الروضه عشان الحمل
ااااااااااااااااااااااااه موش قادره استوعب
ربنا يرحمها وينور قبرها

[رنا خالد]

انا من امبارح مش عارفه انام
بحلم بيها طول الليل وحاسه ان قلبي مقبوض
والله العظيم مامصدقه اللي بيحصل
لدرجة اني حلمت انها رجعت تاني
خلاص كده مافيش علياء تاني
لاهي ولا ابنها
حاجه تحرق القلب
ربنا يرحمك ياعلياء ويسكنك فسيح جناته
ويغفر لك ويجازيكي خير علي كل نصيحه قدمتيها لأي حد
يعلم وحده انك كنتي ونعمة الاخت
ربنا يرحمك يارب

[نولارا]

المشاركة الأصلية كتبت بواسطة dr.princess

ازيكم يا حلوين

اول مشاركه لعلياء فى الجزء ده
ياااااااااااااااه
موش هتكلمنا تانى خلالالالالاص

[Rania Negm]

المشاركة الأصلية كتبت بواسطة dr.princess

اللهم آمين يا نور عينى

اللهم اجمعنا بها فى جنة النعيم يا أكرم الأكرمين

[نولارا]

يارب اجمعنا بيها فى الجنه يارب
اللهم اميييييييييييين

[شعاع الشمس الدافئ]

اليوم تبدا ليالي العشر وفيها ليلة القدر تقدر فيها عدة انواع من المقادير الازلية والسنوية واليومية يكتبها الله على الانسان (تستطيع تغيير قضاء بالدعاء) مثال قدر سيئ للسنة القادمة" فشل في زواج .." وصرت تدعي في ليلة القدر بالتوفيق والعافية باخلاص يامر الله عز وجل الملائكةان يمسحو الصحيفة التي كتب فيه الشقاء ويكتبو لك السعادة "يمحو الله مايشاء ويثبت وعنده ام الكتاب" اخواتي كان الرسول صلى الله علية وسلم اذا دخلت العشر الاواخر شد مأزرة وقام الليل كله . ولاندري قد يكون هذا اخر رمضان نحضرة كل الامور باقية الاسواق والتلفازالا ليلة القدر لو ضاعت فلربما لاتعود " من قام ليلة القدر ايمانا واحتسابا غفر له ماتقدم من ذنبه كثري من الذكر وقراءة القران وقيام الليل والدعاء اللهم انك عفو كريم تحب العفو فاعفو عنا.
ان الخيل اذا شارفت على نهاية المضمار بذلت قصارى جهدها لتفوز بالسباق فلا تكن الخيل افطن منا فانما الاعمال بالخواتيم ...
هاهى العشر الاواخر اقبلت فاستبقوا فربما ركب النجاة قد فاتك في العشر الاول وفاتك في العشر الوسطى ولكن لاتدعه يفوتك في العشر الاواخر بلغني الله واياكم ليلة القدر
اللهم اجعل ماتبقى من ايام شهر رمضان جابرة للقلوب..ساترة للعيوب..ماحية للذنوب..مفرجة للكروب..اللهم ان شوقنا لرحمتك قد زاد يارب لاتحرمنانحن واهلنا ووالديناوذريتنا وازواجنا واخواننا والمسلمين الاحياء منهم والاموات عفوك وغفرانك
والعتق من نيرانك....*)
اجاب الله لكم الدعاء وابعد عنكم البلاء ورفع شانكم في الارض والسماء....اللهم امــــــــــــين)

[somia]

ايه يا جماعة فيه ايه حد يفهمني ايه اللي حصللللللللللللللللل؟؟؟

[جيرا]

[QUOTE=dr.princess;1228721]لالالالازم تقرأوا الكلمتين دول


نظرية السلطنية



لازم تعرفى أن الراجل بيفكر بطريقة مختلفة عن الست نهائيا...وده دايما بيكون سبب الخلاف يعنى فى حاجات ممكن تعمليها وتكون بالنسبة ليكى مهمة وشايفة أنه حاجة كبيرة ولكن هى للأسف مبيكونش ليها عنده أى أعتبار وبالعكس فى حاجات ممكن أنتى شايفاها صغيرة لكن بالنسبة ليه بتكون كبيرة ومهمة....خدى بالك من الحاجات دى كويس....وأنا بيتهيألى من كلامك أن جوزك جد شوية أو زى أحنا الستات مبنقول أنه مش رومانسى....على العكس تماما وأنت بتلبسى وتتزوقى ومستنية منه كلمة أو نظرة أوأبتسامة.......عاوزة أقولك أن 98% من البيوت فيها هذا الرجل...اللى بيروح الشغل وتطلع روحه ويتبهدل ويجى يا عينى تعبان يلاقى مراته طبقة فى زمارة رقبتوا ...عيزلها كلمتين حلوين... ماهى قعدة طول النهار فى البيت مورهاش حاجة ويجى ياعينى تعبان وجعان عاوز ينام ويرتاح...وهى لابسة ومتزوقة ومستنياه "هو ماشى فى أتجاه وهى ماشية فى أتجاه" وبعدين يآكل ويدخل علشان ينام يلاقيها جية وراه برضه ...يعنى سابلها الصالة جية وراه فى الأودة. هههههه
مع أنه بقى يا حبيبتى لو صحبوا رن عليه هتبصى تلاقيه بقى زى القرد يفط وينط وفى دقيقة تلاقيه لابس وعلى سنجة عشرة...هو هو نفسه اللى كان من خمس دقايق ميت وعاوز ينام....."بس هتقولى ايه بقى" لأ وأيه يا سلام لما يكون فيه ضيوف...ياسلام على الرقة واللطف والزوق والأبتسامة العريضة اللى من هنا لهنا تقولى بلسم ...لدرجة ان الناس تقول عليكى ظالمة ومفترية ...وأول ما يتقفل الباب تلاقى الوش الخشب رجع....يلا بلاش أوجع قلبك أكتر ما هو موجوع
المهم عوزاكى تعرفى أن كل البيوت فيها الراجل ده....بس اللى بيختلف ؟؟؟؟؟؟؟؟؟؟؟؟؟؟؟؟
الست فيه ست شاطرة تعرف طبع جوزها وتعرف أزاى تتعامل معاه..وأزاى تضحك عليه..وأمتى تسكت لما يكون السكوت مطلوب...وأمتى تتكلم... وأمتى تطلب منه طلب...وأذاى تطلب منه طلب....والطريقة اللى تطلب بيها الطلب....وبعد دا كله تلبسه السلطنية وتخليه هو اللى ينزل يشترى الطلب.وبرده لازم تعرفى كل راجل ليه مقاس سلطنية ....يعنى مينفعش سلطنية جوز أختك...تيجى على مقاس جوزك...لأن كل واحد ليه طبع...ومهم أزاى يلبس السلطنية من غير ميحس....يعنى لوهو عنيد يبقى تطلبى عكس طلبك ومش بس كدة دأنت تستميتى فى محاولة تحقيق العكس...هتلقيه بيعمل اللى أنتى عايزاه من غير ما يحس

أنا أنصحك شيلى فكرة الطلاق دى نهائى من دماغك ...لأن أنتى وأولادك اللى هيدفعوا التمن ....الفكرة دى متجيش بالك أبدا.....بس بقى ضورى على مقاس جوزك فى السلاطين.....مع شوية حنية....مع أبتسامة "مهما كان اللى فى قلبك..أو مهما كان رد فعله"...أضحكى عليه بكلمتين حتى لو بالكدب هتكسبيه....الرسول حلل الكدب لأصلاح البيوت شفتى لدرجة أيه.....قوليلو بحبك ...مقدرش أستغنى عنك ...مقدرش أعيش من غيرك...أنا من غيرك ولا حاجة....حياتى منغيرك ملهاش طعم....الرجالة دايما تحب اللى ينفخها..ثبتيه بكلمتين بس زى ما بقولك تعرفى أزاى وأمتى تقوليهم...."علشان يعنى ميركبش ويدلدل سورى يعنى" بس الكلام ده قدام شوية أحنا دلوقتى فى مرحلة الأصلاح ...الكلام الحلو أحسن ليكى دلوقتى

وبصى بقى ....قبل كل ده....
الدعااااااااااااااااااااااااااااء لله عز وجل.
والله الدعاء دواء لكل داء

الله يرحمك يااجمل اخت وصديقه