تجمع الكروشات اللي ولادتهم في ربيع الاول 1434ه

[- تـالـيـن ..]

أهليييين بنات كيفكم شو اخباركم ..؟
عن نفسي صرت اتعب كثيرر مدري ليش او يمكن الثامن كذا
احس جسمي فتران وبس ابغى انسدح :(

حامل شيك لا والله للحين الكحه معايا بس حلقي خف الحمدالله بس باقي لي الكحه
يارب هون علينا يااارب

[أمـ عبدالله]

بالتوووفيق

[حاسه بدوخه]

السلام عليكم كيفكم بنات شخباركم مع الثقل

يارب تفرجها علي وعليكم

انا زرت الطبيبه قالت معك التهابات وعطتني مضاد وكمان كريم وتحاميل
استخدمتهم والحمد لله بس ترجع معي حكه تكرمون

ابي ادري من وين هالاتهاب يجي انا اغسل كل يوم بغسول وكمان اغير ملابسي الداخليه مرتين
لي عشر ايام وانا تعبانه منها ......

وحبيت اسالكم متى بنزل الحليب من الصدر انا لازم اضغطه بقووه ويطلع خفيف مررره ولونه شفاف

هل هذا عادي او لازم كثير وابيض ... فيه احد ينزل معه بدون ضغط ؟؟

وبالنسبه للنوم يالله مااقدر اتهنى فيه ماانام الا ساعتين او ثلاث احس مكتومه ومااقدر اتقلب ابد

والحرقان في المعده مشتعل مره اي شي اي شي اكله يحرقن ويقلقن مره

ومفاصل اللي بين فخذي وبطني يعورن ماادري وش القصه كل ماله يشد

يارب تفرجه علي وعليكم يارب ويتمم علينا بخير

وبالنسبه للسوق والاغراض انا على حطت يدكم للحين بس شريت البربتوزات اللي برى ووقفت

بناااات نزلو صور مقاضيكم خل نستفيد ونشوفها وانا ان شاء الله اذا كمات بنزلها

[مفاهيم الشوق]

يسعد مساكم بكل خير. .
اول مشاركه لي بالمنتدى بس لي فتره وانا اتابع :-)

انابتكون ولادتي 10 / 3 على حساب الدكتوره
وبكريه. . خايفه كثير من الولاده :-
الله يوفق الجميع ويتمم حملنا على خير. .

[أنا مسافر]

حاسة بدوخه
روحي لسنتر بويت بتلقين كل شي للطفل
هناك خذي من كل شيّ من الملابس 3 - 4 قطع
وتأكدي ان العمر من 0-3 شهور او نيو بورن

وتلقين كل مقاضي الاطفال فيه:
- رضاعات
- ترمس للماء الحار
- قطن للصدر مثل الفوط يغير يومياً
لمنع تسرب الحليب
- مصاصات وسلاسل للمصاصات
- بطانية للطفل
- مهادات
- شرابات ( جوارب )
- سرير
- مروش للاستحمام
- شامبوهات والبودرة الجسم
- فرشة ومشط
- مقص اظافر ومبرد
- مناديل مبلله وكريم الحفاظ
- مفرش تغيير ( كأنه سفره ، عشان تغيري عليه حفاظ الطفل )
- صداريات
- افرولات ( اللبس الخارجي الكامل )
- بربتوزات ( الي هي الملابس الداخلية )
- اطقم مواليد ( قبعة - افرول - صدارية - قفاز - مهاد )
كللها نفس النقشه هذي مالقيتها الا عند سنتر بوينت
واشكال روعه .
- طقم شنطة ومفرش للطلعات بعد النفاس.

انتي اذا رحتي سنتر بويت من دخله بتخلصين
اغراض البيبي كلها إن شالله فيه كلش كانه صيدلية

[أنا مسافر]

بنات لا تنسونا من دعواتكم

[monaooy]

مرحبا بنات كيفكم وحشتوني

[يارب الجنة]

كيفكم ياحلوات
أنا الأسبوع اللي فات كل شوي أقول لزوجي بولد من الألم بس الحمدلله بدأيخف
ياربي لك الحمد والشكر بس النوم ماأنام لافي الليل ولا النهار وجايني قلق ونرفزة
على زوجي وأولادي ماني طايقة أحد وأبكي من أي شي مع أني والله أسمع قرآن
وجبت اليوم ماء زمزم والحمدلله على كل حال
وألف سلامة على المريضات لابأس طهور إن شاء الله
والله يهون على الجميع ويرزقنا الساعة الميسرة .

[امجااد]

يارب تسهل لنا ياكريم

معليش بنات انا مع الحمل والتعب والاطفال انشغل مع اشتراكي بمسابقات المنتدى

نفسي ادردش معكم
عيالي لما يجوا من المدرسه يادوب اذاكر لهم

وبس بغى انسدح ماابغى اسوي شي
يارب تسهل

[امجااد]

انا مسافر فيه عضو ه معانا تقول انا ولادتي رببع الاول وحابه نضيفها معانا بالتوقيع

اسمها
آيه
وتسلمي حبيبتي