دردشة حوامل مصر - دردشة بنات مصر - تجمع حوامل مصر

somia · 10-22-2010, 11:15 PM

وأول لقاء..؟؟؟؟

somia · 10-22-2010, 11:23 PM

ايه يا بنتي انتي اختفيتي كده ليه؟؟؟؟

رنا خالد · 10-22-2010, 11:24 PM

ابدا اول ماشوفنا بعض كان كلامنا قليل جدا كنت طول الوقت ساكته ومتلخبطه جداااااااااااااا
وبعد شويه بدأ يكلمني عن نفسه وعن اهله وشغله
وعن مواصفات البنت اللي حابب يرتبط بيها
وسألني عن مواصفات الشاب اللي انا حابة ارتبط بيه
كان كلامنا رسمي اوي لأن محدش كان عارف نوايا التاني
اللقاء كله كان حوالي ساعتين جوه الجامعه وفي نهاية الساعتين
قاللي انه معجب بيا بشخصيتي وبعد ماكان مضرب عن الجواز خالص وان اخواته اللي اصغر منه اتجوزوا وهو كان رافض تماما الفكره دلوقتي الامر اختلف وطلب ايدي بشكل كله ادب وشياكه
في البدايه انا كنت خايفة اكمني ماكنتش مستريحه لموضوع النت ده وكنت دايما برفض الاسلوب ده في التعارف
بس عملت صلاة استخارة بعدها حسيت اني مطمنه ولقيت الموضوع بيتسهل لوحده وكل اللي حواليا كانوا بيشكروا فيه
بجد ساعدنا بعض كتير وكل واحد فينا كان بيقرب التاني من ربنا كنا بنصحي بعض بالتليفون في الفجر عشان نصلي وكنا بنصوم سوي الاتنين والخميس حسيت ان هو ده البني ادم اللي هايساعدني ارضي ربنا وهايكون اب صالح لولادي
بس انا رغيت كتيييييييير جدا معلش

somia · 10-22-2010, 11:30 PM

هوه ده كده رغي كثير ... اصبري اما يجي دوري هتشوفي الرغي..
يا سلام على الأدب والشياكة ماشي يا بنتي ..هههههههههههه
توتة دورك يا ماما انتي هنا ولا لأ؟؟؟؟؟ ههههههههههههههههه