دردشة بنات مصر , دردشة حوامل مصر , تجمع بنات مصر

احلى نونو · 11-22-2011, 05:17 PM

يبقى تلاقيها من نوع الدكاتره اللى بقولك عليهم دول
بس انا والله عن نفسى كله حلو وجميل ونعمه من ربنا سواء بنت ولا ولد المهم يكون كويس وبخير

هحاول اقرره المره الجايه الدكتور السوسه ده

MALAK2010 · 11-22-2011, 05:18 PM

انس عنده تقريب 3 شهور ماشاء الله

احلى نونو · 11-22-2011, 05:20 PM

منا والله يابنتى عادى برضه انتى عارفه جوزى ساله المره اللى قبل اللى فاتت وانا المره اللى فاتت لسه هساله قلبه حس ولا ايه لقيته من نفسه بيقولى ولسه نووووووووووعه مش باين فسكت

هو الثرى دى ده بيتعمل عشان فحص كامل للجنين وعشان التشوهات والحاجات دى ولا عشان ايه

MALAK2010 · 11-22-2011, 05:22 PM

اه يا دعاء علشان التشوهات لا قدر الله بيتعمل بعد الشهر الخامس

احلى نونو · 11-22-2011, 05:22 PM

ملوكه هو فى تطعيمات الحامل بتاخدها ؟
انا لدلوقتى الدكتور مجابليش سيره اى حاجه وحتى الكالسيوم مكتبهوليش هو الحديد والفوليك اسيد وبس

MALAK2010 · 11-22-2011, 05:23 PM

نهاااااااااااااال فينك

MALAK2010 · 11-22-2011, 05:27 PM

اللى حصلى ان اخدت الفولك اسيد ال 3 شهور الاولى ومن اول الرابع اخدت كالسيوم وحديد ووقفت الكالسيوم فى الشهر السابع
بس كل دوكتور وله وجهه نظره فى موضوع الكالسيوم يعنى فى بياخدها من اول الرابع لغايه الولاده وبعدها وفى من اول الرابع لغايه السابع
اما مايعطهوش خالص دى غريبه بس اساليه لان فى دكاتره بينسوا يقولوا

فى واحده كانت معانا هنا (ايه ) الدكتور نسى يعطيها كالسيوم ومافتكرش غير فى التامن بس هى عضمها وجعها فى الاخر ربنا يعافيكى

نيهال · 11-22-2011, 05:27 PM

انا هون عم شوفكم الله يخليه لها يا رب انا كم كم يزم حكيتها و حكت لي أنو ما اجا إلا بعد سنين الله يحميه و يخليه يا رب

نيهال · 11-22-2011, 05:29 PM

أنا قايمه صلي المغرب برجع إن شاء الله

رنا خالد · 11-22-2011, 05:29 PM

انا قريت رد ملك وشيماء وتوته علي كلامي ومش زعلانه لان انا مش مختلفه معاكم طبعا
في ناس راحت ضحايا الثوره وكلنا بنكن لها كل احترام وتقدير دي ناس فوق راسنا كلنا
انا مع ثورة يناير قلبا وقالبا ومع المليونيه اللي كانت بتسعي لمحاكمة مبارك الكلب طبعا وبس ان مش معي التكسير والخراب والسرقه
انا جنب بيتي شركة انبي للبترول كانوا عاملين اعتصام من فتره عارفين ليه؟
عشان يزودوا الاجور واجر الناس دي مش بيقل عن 7 الاف جنيه في الشهر هههههههههه
تخيلي بقي وشركة بترول خليج السويس نفس الكلام
دي الناس في الفندق عند جوزي كانوا ناووين برضه علي الاعتصام ده ومرتبتهم الافات مؤلفه
انا ضد الاعتصامات اللي علي الكلام الفاضي وضد الناس اللي عماله تكسر في وزارة الداخليه والسفارات وتسرق من المتاحف والمحلات
بصوا كده علي الناس دي في التلفزيون والله معظمهم شوية عيال قطاعين طرق اللي واخد في وشه بشله واللي ماسك سنجه في ايده
وسطهم ناس معاها حق اه بس معظمهم للأسف ناس فاضيه جايه تهيص وسط الهيصه
وبعدين ماهي الوقفه دي ياجماعه في الميدان ده هاتشل حركة البلد وعجلة الانتاج وهاتزود البطاله والخراب والناس اللي بتقوله انهم تحت خط الفقر هايبقوا تحت خط الصفر بعد كده من الوقفه دي يعني احنا مش بنصلح ده احنا بنزود الخراب بوقفتنا
بلاش نبقي عاطفيين اللي راحوا خلاص راحوا دول شهدا وجزائهم عند ربنا الجنه
خلينا بقي فينا احنا
احنا اللي هنروح في داهيه
لا والكوميديه تسألي معظم الناس دي عايزين ايه يقولولك نشيل المشير
طب بقي ياحلوين مين يمسك البلد
يقولك الثوار هههههههههههههه
نو كومنت
بالذمه دي ناس عندها وعي بحاجه ثوار ايه وهباب ايه
يعني خلاص مش قادرين نستني الكام شهر دول

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM