حبيباتى سيدات ليبيا تفضلو لأعرف ما حالكم

هدية الخالق · 08-16-2013, 04:40 AM

الحمد لله جت روووعه الكبسة هوا مازال ما دقتها لان مازال عالمغرب ساعتين
لكن باين من شكلها وريحتها مش عادية حسني جعت هههه
طبعا وتيتها بكري علشان لو جت ما تنفعش نسعف روحي وندير حاجة تانية
هههههه الحمد لله ربي ستر

هدية الخالق · 08-16-2013, 04:42 AM

اقتباس:

المشاركة الأصلية كتبت بواسطة أمل ليبيا

هدايه موجودة؟؟

باقي الحلوات اكيد عندهم نص الليل ان شاء الله احلام سعيده ونومة مرييييييحه

ايه موجودة الساعة عندنا 7الأ تلت مساء وانتي ؟

أمل ليبيا · 08-16-2013, 05:03 AM

اني 8 ونص مساءمافيش فرق هلبا بيننا

أمل ليبيا · 08-16-2013, 05:04 AM

صحتين ع قلوبكم مقدما هداية

هدية الخالق · 08-16-2013, 05:14 AM

الله يسلمك امولة
انتي وين في اي بلد ؟

هدية الخالق · 08-16-2013, 10:31 AM

صبااااح الخير
سادكم نووم الساعة 9ونص توا
حسسسد هههههه
لا بصارة عليكم نوم العوافي ان شاء الله
تصبحوا علي خير توا دوري أني منرقد
مش قادرة نفتح عيوني من التعب والسهر
وسما تنوض فيا قبل الشحاتة وبنتها هههههه
هذا من غير نوضات الليل أكتر من مرة
ربي يعيني وبسس
سلامااات

هدية الخالق · 08-16-2013, 10:37 AM

نبي انوض غدا نلقي سيل من الصفحات
نبي نعيا واني نقرا وراكم هههههه
نحس فيكم مكسدين هاليومين الصراحة
والا لأني خشيت أني
انبصر انبصر هههه وحدة مروقة عقابات الليل وطايحتلنا فيها بصارة
ارقدي وتريحي
لكن حقه بجديات قبل ديما لما انوض طول نجي ندير دورة عليكم نلقي
أقل شي عشر صفاحي ماشاء الله

هدية الخالق · 08-16-2013, 10:42 AM

حتي جيجي اللي قالت أنها أكتر وحدة تدوي
معادش تبان زي هلال العيد ولت ههههه
لكن اكيد معذورة حبيبتي مابعدها بين حوش أهلها وسلفتها
وبين حملها وبنتها صعب عليها ياناري ربي يكون في عونها
ويشفي ابوها شفاء عاجلا لا يغادر سقما

هدية الخالق · 08-16-2013, 10:43 AM

هي السلام عليكم ورحمة الله وبركاته
في أمان الله والى الملتقي

اوشي · 08-16-2013, 01:20 PM

اقتباس:

المشاركة الأصلية كتبت بواسطة
هدية الخالق;3334372

لا باهي الحمد لله المحشي نديرو فيه ديما لكن ما نشبعش منا حتي كل يوم هههه
وااك خطرطيني بالمقطع منهبل عليه بالقديد وما فيش كيف نديره هني ولا نعرف نديره أصلا
لكن مرة واني حامل خاطري فيه درته بدون قديد باللحم هههه مقطع باللحم عشنا وشفنا
وراجلي قالي معقول وكويس مفيش فرق هلبة بين باللحم وبالقديد

الحاجة ام الاختراع ... صار مقطع باللحم

اقتباس:

المشاركة الأصلية كتبت بواسطة هدية الخالق

والله حتي أني كنت ما نعرفها وشفت الطريقة في النت وجربتها مرة لكن مادقنهاش للاسف
لأني اليوم اللي درتها فيه جأني وجع الجاب ومشيت للمستشفي وقعدت في طنجرتها زي ماهي
نين فسدت واني درتها اليوم ويستر الله كيف تجي
هههه لكن هيا ساهلة بكل عبارة عن تقطعي دجاجة علي أربعة او تمانية علي حسب عدد
الأشخاص وتقطعي بصل مكعبات وتقليه شوي في الزيت في الطنجرة وبعدها تضيفي ملح وبزار
وبهارات طبعا البهارات في تشكيلة واتية خاصة بالكبسة لكن تقدري تحطي بهارات لحم او اي
نوع عندك أهم شي تكتري لان احلى شي فيها طعمة البهارات وبعدين تضيفي الدجاج وطماطم مكعبات
وكاشيك طماطم معجون وتضيفيله أمية وتخليه يغلي لين يطيب الدجاج وتطلعي الدجاج وتصبي أرز
بس لازم يكون أرز طويل تخليه يطيب عادي زي الرز بلاو وقطع الدجاج تحطي عليهم بهارات وتحمريهم
في الكوشة وتزيني بيهم الرز لما يطيب مع بصل شرايح مقلي

عادية .. زي الرز بلاو الفرق تكثيرة البهارات والرز الطويل

اقتباس:

المشاركة الأصلية كتبت بواسطة هدية الخالق

هي السلام عليكم ورحمة الله وبركاته
في أمان الله والى الملتقي

تربحي ياحبيبة احلام سعيدة استودعناك الرحمن

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM