دردشة بنات مصر , دردشة حوامل مصر , تجمع بنات مصر

[somia]

اااااااااااااااااااااامين ... انا اهلي في حلوان بس انا في المرج

[somia]

[somia]

انتوا رحتوا فيييييييييييييييين

[somia]

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!!
الزوج: "فيه ايه يا بنت الحلال؟ ليه كدا ؟؟؟"
الزوجة : "ايه الورقه اللي في جيب بدلتك ومكتوب عليها "سوسو"؟؟"
الزوج: "يا بنت الحلال، ده اسم الحصان اللى بنشجعه في السباق!"
الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان،
وفجأة جت مراته وضربته بغطا الحلة على راسه !!
الزوج: "خير يابنت الحلال في ايه تاني؟؟"
الزوجه:"حصانك على التليفون"

[somia]

مرة واحد ماشى مع خطيبته واخر انسجام فقالها "عارفة اية هو الحب واية الجواز؟" قالته "لا" قالها: "الحب زى النجوم الجميلة اللى فى السماء" قالتله"طب والجواز؟" قالها:"دى البلاعة اللى واحنا بنبص على النجوم بنقع فيها.."

[MALAK2010]

المشاركة الأصلية كتبت بواسطة رنا خالد

ماهي المشكله انا الناس دي ياسما هي اللي بتزن علي خراب عشها
بيروحوا لحد عندهم يضربوا بطوب وعصيان وتكسير في وزارة الداخليه ده غير سفارة اسرائيل اللي كانت من كام شهر ومحلات وبيوت واقسام شرطه ومتاحف فطبيعي ان الجيش يتصرف
ماهو مش هايقعد يتفرج عليهم
شوية بلطجيه وقطاعين طرق وعاملين نفسهم ليهم هدف وشوية من بتوع مبارك واعوانه ناويين علي الخراب طبعا
لو الشعب يتلم في بيته ويستني الكام شهر دول بس
يعني اللي صبرنا 30 سنه خلاص مش قادرين يصبروا
هما استحلوا اللعبه لقوا الوقفه في التحرير بتجيب نتيجه راحوا مبلطين
ناس لوراها شغله ولا مشغله
ده بقي كل من معندوش صابونه في بيته بقي يعتصم في التحرير ويشل حركة السير ويكسر ويخرب ويقوله بيموتونا ليه
قال ايه مش عايزين حكومة شرف ومن كام شهر كانوا بيهتفوا عايزين يشيلوا شفيق عشان يحطوا شرف
حاجه تأرف
شعب معفن مابيمشيش غير بالكرباج

بصى يا رنا عاوزة ارد على كلامك بس مش تدخلى تزعلى وتعملى زى المرة اللى فاتت بس بصراحه مش قادرة ماردتش
انا بس عاوزة الفت نظرك لحاجه صغيره عن الشعب المعفن اللى مش بيمشى غير بالكرباج
كل الحكايه انه من البدايه نزل اقل من 200 معتصم من مصابى الثورة اللى راحت عينه واللى حصله عاهه من ايام الثورة ومش لاقى حق العلاج ولا لاقى حد يعالجه على نفقه الدوله
وعلشان يفضوا اعتصامهم ضربوهم والناس تعاطفت معاهم ونزلوا معاهم
الشعب المعفن ده هو اللى شايف الرئيس المخلوع اللى نهب البلد عايش ومترفهه فى مستشفى المصابين دول بيتمنوا يتعالجوا بعشر تمنها واقل كمان
ياريت نتخيل ان انا ولا اخويا ولا جوزى ولا ابنى حصله كده وساعتها هعرف اقرر هكون مع مين ولا هستعمل الكرباج مع مين

وبالنسبه لباقى كلامك انا عارفه ان فى بلطجيه وفى اتباع حسنى مبارك بيندسوا فى وسطهم وهم اللى بيعملوا القلق كله
بس بتهيالى احنا خلاص فهمنا الموضوع لانه اتكرر كتيييير

وبالنسبه للى ماعندوش صابونه وبيعتصم
اه صحيح المفروض الناس مايكونش فى مطالب فئويه بس الناس طهقت حرااااام الناس مش عارفه تعيش الناس تحت خط الفقر يعنى احنا نسيب الحراميه ونتلكع فى محاكمتهم ونيجى على الغلابه ونقولهم استحملوا مش عارفين نجيب فلوسنا اللى نهبها حسنى مبارك ونقول الناس اصبروا انا شفت حلقه عن ناس مش لاقين حنفيه ميه فى بيتهم عندهم حنفييه مياه عمومى بيستعملها 10000 فرد تخيلى ابسط الحقوق الواحد يصحى يلاقى شويه ميه يغسل بيها وشه مش يقف فى طوابير علشان يجيب الميه تخيلى عيشتهم شكلها ايه

[MALAK2010]

احنا قاعدين فى بيوتنا ومدفييين تحت البطانيه وقاعدين نتفرج على التلفزيون وناس بتموت وتنصاب وبتتسحل وبتعتقل
كل د علشان يحسنوا من البلد ويشيلوا القرف والفساد اللى معشش فى البلد اكتر من 50 سنه
فطالما مش قادرين نساعدهم يبقى على الاقل مانكلمش عليهم كده
دى ثورة لفتت نظر العالم كله وجديره بالاحترام مش معقوله ده يبقى راينا فيهم

[ام انس المصريه]

الله يكرمك ياملك كلامك جميل ونا بوافقك فى رايك

يعنى يارنا البلطجيه دول اندفع لهم فلوس وقالو لهم ان عينك تروح هتاخد اد كده واللى عمره يروح ويموت هياخد اد كده

البلطجيه بقى هما اللى واقفين مع الامن المركزى ومع ظباط الجيش

قال الجيش والشعب ايد واحده قال

ده طلع ان الجيش والشرطه ايد واحده على الشعب

حسبنا الله ونعم الوكيل فيهم الظلمه المفترين من الجيش ومن الشرطه

[ام انس المصريه]

ياابن الكلب ياللى بتضرب على عين الشباب وتصيب عينهم الهى تنصاب فى عينك وتتعمى

[ام انس المصريه]

بثينه كامل العساكر البصمجيه بتوع الامن تحرشو بيها بتقول مافيش حته فى جسمها الا حطو ايديهم عليها

البصمجيه المتخلفين بتوع الامن