{موضوع متميز}مسابقه اشهى الأكلات }تنافس بين البلدان

ملكة الغربة · 05-21-2011, 04:23 PM

بنـــــــــــــات ان شاء الله ألي رجعة

واي وحدة بدها طريقة المخلل انا جاهزة............شاطرة بالمخللات......احم احم

رونق الروح · 05-21-2011, 04:53 PM

اممممممممممممم مشاء الله عليكي ياملكه انا حابة طريقة تخليل الفاصوليا وكمان اللبنه نفسي اتعلمهم وكمان طريقة الزعتر شو هي مكوناته وشكرا مسبقاااا

~~سموةالجرح~~ · 05-21-2011, 11:16 PM

ياعمري ابي بعد إذنك مخلل الخيار كيف

ومخلل الفاصوليا هباش ادوخني

وووووووووووووووابي مممم مخلل الفلفل الحار

وأبي مربئ التين هذا داخل غلط بس ابيه

قطرات المطر · 05-22-2011, 04:08 AM

ماشاء الله يارونق الروح اكلات مرره تشهي وحلوه كثير..
تسلم ايديك إن شاء الله الوسام من نصيبك..

ملكة الغربة · 05-22-2011, 07:39 AM

هههههههههههههه

الطلبات كترت........ولا يهمكم بس انا بحب انزل كل شي بالتفصيل

يعني الشرح بالصور انتظروني

ملكة الغربة · 05-22-2011, 08:11 AM

حبيباتي خلينا نبدأ بمخلل الفاصوليا بالزيت اوك

نحتاج

فاصوليا مقطعة

وجزر مقطع.....بس اصغر من هيك مكعبات صغيرة

جوز قلب "عين جمل"

وفلفل"حسب الرغبة"

4 فصوص ثوم

2 ملعقتين ملح

وخل ابيض

وليمونة مقطع ارباع صغيرة

وزيت زيتون

اوك وهلأ نيجي للطريقة

*نقطع الجزر والفاصولياء الخضراء ونفورهم عالنار "يعني مجرد ما تغلي الماء نخليهم بس دقيقة ونطفي عالنار"
نصفيهم ونتركهم يبردوا

*جهزي المرتبان اللي بدك تحطي فيه المخلل......نضع الفاصوليا والجزر ونضع عليهم 4 فصوص ثوم مقطع شرائح وقطع الليمون وفلفل وجوز القلب مقطع

*ثم نضع ملعقتين خل....وملعقتين ملح ونعصر 1\2 ليمونة ونحركهم جيدا جيدا

ثم نغمرهم بالزيت......ونسكر المرتبان وننتظر اسبوع او اكتر حسب الجو"درجة الحرارة"

وصحتين وعافية

ملكة الغربة · 05-22-2011, 08:55 AM

وهلأ الزعتر لعيون رونق

كيلو زعتر اخضر

ربع كيلو سماق

نص اوقية سمسم محمص

وقية قضامة ....." اذا ما في بصير تحطي قمح مطحون"

كزبرة ناشفة مطحونة

ملعقة كبيرة ملح

ربع ملعقة ملح ليمون

كمون "اذا بتحبي"......انا ما بحبه

تنشفي الزعتر وبعدها تطحنيه "خليه ناعم"
وتطحني القضامة او القمح

يعني رونق كل شي مطحون ناعم

بعدين بتحطي الزعتر والسماق والقضامة والكزبرة والكمون على نار هادئة وتحميصها جيداً

وبس يتحمص بتحطي الملح وملح الليمون والسمسم المحمص وتخلطيهم...........ويمممم ما ازكاه مع الزيت وصحتين وهنا

بس ملاحظة: ما تحطي ملح الليمون غير لما تخلصي كل شي وتتذوقيه......وشوفي اذا كان بحاجة
لأنو يمكن يكون السماق حامض اوك يا قلبي

على فكرة الزعتر منيح للحوامل .....بيحكوا انو البيبي بيطلع ذكي.......

ملكة الغربة · 05-22-2011, 09:37 AM

حبيباتي اجى دور المخللات

شوفوا مخلل الخيار متل مخلل الجزر ومتل مخلل الفلفل

وبتقدري تخلطيهم مع بعض يعني مخلل مشكل

متل هالتشكيلة

انا بصراحة يا بنات بحب اشكل يعني خيار+جزر+لفت ابيض+فلفل+زهرة "قرنبيط"

+

+

+

نقطعهم ونغسلهم.......

بسم الله نبدأ
*نجيب المرتبان وبنعبيه ماء 3\4 .......ونضيف ملح.....تقريبأ 4 ملاعق كبيرة......او اكثر او اقل حسب الكمية.......يعني لما تحسي انو طعم الملح ظاهر جدا جدا جدا "لاذع" فهمتوني.....ونضع ملعقتين خل+وليمون مقطع+ وفلفل.....ونعصر 1\2 ليمونة............
*وبعدها نضع الخيار او الفلفل او الجزر بالمرتبان حتى ينضغط.......ونسكر جيداً ونتركه اسبوع او اكتر "حسب درجة حرارة الجو"

*ملاحظة:اذا بتحبي تحطي 3 فصوص ثوم...........انا من جهتي بحط ثوم وانتو عراحتكم......حسب رغبتكم

وهي النتيجة يا حلوين

ملكة الغربة · 05-22-2011, 09:58 AM

حبيباتي بالنسبة للفت الاحمر نفس طريق المخلل بس الفرق انو بنحط حبة شمندر مقطعة مع اللفت

الشمندر

ونكبسهم بالمرتبان

شوفو هيك لونه بيتغير من ابيض لزهري فاتح ثم زهري غامق

ملكة الغربة · 05-22-2011, 10:12 AM

والان الي المربيات

مربى التين

مربى التفاح

مربى الفراولة

مربى الكرز

مربى التوت البري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بنات اليوم لي 14 من الابرة التفجيرية وسويت تحليل ...دخلوا..	إباء الروح	منتدى علاج العقم و تأخر الحمل	15	03-09-2013 03:28 AM
بنات تكفون ابي مشورتكم اليوم ضروري جدا	ميار حسن	إستفسارات مرحلة الولادة	17	04-29-2011 11:31 PM
بنات جده تعالوا ساعدوني بسرعه اليوم بس	زوجي سعدحياتي	منتدى علاج العقم و تأخر الحمل	10	04-29-2011 05:12 PM
اليوم اجهضت يا بنات	سوسو _232	منتدى الولادة المبكرة والإجهاض	11	03-18-2011 06:40 PM
بنات شوفو ايش حصلي اليوم نزول دم بالاسبوع السادس	متفائلة دائما	إستفسارات حوامل من الشهر السابع إلى الشهر التاسع	30	12-17-2010 11:41 PM