دردشة حوامل مصر - دردشة بنات مصر - تجمع حوامل مصر ‏

[malak ahmed]

ما شاءالله .. مانا بقولك اللي يسيبها لربنا بتعدي ف الاخر والله

انا بقي جوزي مكانش بييجي اجازته غير ف امتحانات الترم بتاعتي وقبليها طبعا امتحانات اورال وكده .. وهو يادوب بيقعد شهرين ف البلد بس .. ده كان بيقولي كلام اقوله وانا اعمل ايه مش انت اللي مستعجل عالجواز اوي .. بس ربنا يكون ف عونهم بجد

اصل ماما وافقت علي جوازي ف الكليه علي شرط انه يخليني اكمل بعد الجواز ..

[حنين الجنة]

ان شاء الله يا قمر ربنا يثبت حملك وتجيبي احلى بيبي

اومال نورا راحت تدى احمد الحقنه ولا ايه

[malak ahmed]

شكلها كده اصلها اختفت فجأه

[حنين الجنة]

نفسسسسسسسسسس اللى بابا قاله برضه انا اتخطبت الاول وبعدها بشهرين اتشبكت واتكتب كتابي وبعد 6 شهور اتجوزت

[ام انس المصريه]

السلام عليكم


ازيكم يا بطابيط يا وظاويظ
ازيك ياحنين

ازيك يانهااااااااااااد

كلكو وحشتونى بقالى كتيييييييييييييير مش لاقيه حد منكم ارغى معاه

[malak ahmed]

ازيك يا شيماء عامله ايه وانس اخبارو ايه

روحتي للدكتور تاني ؟؟

[ام انس المصريه]

ازيك يانهااد الحمد لله انا بخير وننوس عين امه بخير

روحت للدكتور ياستى وطلع الاستتقال اللى كنت حاسه بيه وان المثانه عندى مش مستحمله ولا نقطة ميه

الاستاذ حاطت رجله على المثانه وبيزنق عليها فده اللى عاملى الاستتقال وانى مش بستحمل الميه

وعملت تحليل بول والدكتور ادانى علاج والحمد لله

انا عادى استحمل التعب كله علشان عيون الكتكوت

وانتى نونتك عامله ايه ادتك بالشلوت والبوكس وخربشت ولا لسه

نفسى بقى يدينى بالشلوت والبوكس ويخربشنى بظوافره هههههههههههههههههههههه

[ام انس المصريه]

بقولك يانهاد الحركه بتاع النونو بسيطه اوووووووووووووووووووووى لسه لحد الان بحس بيها كاانها نبض

هحس بالترفيس امتى انتى حسيتى ان الحركه زادت شويه ولا لسه زى ماهى........

انا فاضلى 3 ايام واخلص الخامس بااذن الله

[ام انس المصريه]

حد يدخل بقىىىىىىىىىىىى

كل مااكون موجوده محدش يدخل

يادى النحسسسسسسسسس

[malak ahmed]

لسه يا شيماء الحركه مجرد نبض بس بيروح وبييجي .. متهيالي الرفس والحاجات دي بتكون في السابع والشهور الاخيره

ياستي ان شاءالله بكره تحسي وتزهقي .. ربنا يكملك ويكملي علي خير ويرزق كل محرومه يارب