تجمع اللي بيولدون في شهر ذو الحجه

[حبيبة موني]

ام عبدالله ياقلبي الله يبعد الشيطان عنكم ويهدي سركم ويصلح امووووركم


بناااات لاتفكرو في الطفش ،، خلاص ماباقي شي هااااانت ،، اللي صبرنا 8 شهووور يصبرنا الاسابيع اللي باااقيه ان شاء الله


داااادوو طمنينا كيف صار البيبي ؟؟؟؟

عسله ان شاء الله امووورك تكون تمااام يارب

[حبيبة موني]

اجوان الحمدلله ع سلامتك وحلو انك بداتي تجهزي للاستقبال ،، انا ان شاء الله في الويك اند برضو ناويه اروح اشوفلي توزيعات



عطر المكان

سلامتك ماتشوفي شر ،، والله حتى انا عظامي مررره متعبتني ،، حتى اسناني قامت عليا ،، الحمدلله بس ،، وان شاء الله النونو يكون قلب ونوناتنا كمان يكونو قلبو يااارب

[GhoOosha]

مره صار التجمع نااااااايم...بنات دا اكتر شهر محتاجين نعرف اخبار بعض عشان ما نقلق اكتر..الله يخليكم لا تغيبو فجاءه..تعالو اكتبو كلمتين طمنونا بس..دادو وعسله وقلبي مدينه عسى المانع خير يارب

ام عبدالله..طبيعي حبيبي الشهر الاخير كلنا اعصابنا تعبانه بس انتي لا تشدي معا ابو العيال عشان ما راح يفهمو نفسياتنا..انا ابو الشباب اللي عندي نازله عليه طلبات واوامر ولاااااااا تقولي تعبانه..صرتي مو اول وحده تحملي وبلاش دلع ومدري ايش والله يعلم اللي فيا بس..ودحين التلوت رجلي وصرت اعرج كمان واقوم واطبخ وروحي طاالعه ..بس والله راح ارفع شعار( الحوامل يرودون اسقاط تسلط الرجال) ههههههههههههههه يبغالهم عين حمرا من وقت لوقت..الله يعين بس ويسهل علينا

[الصمت عشقي]

السلام عليكم ورحمة الله وبركاته
اخباركم حبيباتي...؟
ربي يكون بعوننا ان شاء الله ويسهل علينا
اللهمـ آآآآمين

[غيبتك تنهي حضوري]

السلام عليكم
اخباركم كروشاااااااااااات
انا كنت عند اهلي ولمن جيت انشغلت بالبيت
دادو كيف صرتي وكيف البيبي؟؟؟؟

الله يعينا يابنات ويسهل الامور احس اني صرت انسى كثير ومااركز ..
اما رجالنا الله يعين يوم متخانقين ويوم نضحك هع الله يسهل الامور بس شكل لازم نتدلع وقت النفاااااس من قلب هههههههههههه...

[Dado]

كيف حالكم .. انشالله الكل بخير وصحه وعافيه يارب

انا الحمدلله كويسه والآم الغرز خفت بكتير
والبيبي الحمدلله بيتحسن ياعمري عليه وزنه بيزيد وانشالله اليوم يشيلو من الاكسجين ولو قدر يكمل بدونو ماحيرجعو تاني ويخلوه يتنفس طبيعي
وعملو لو اشعه لراسو امس واليوم قالولي النتيحه
طبعا انا ماعرفت انام وطول الوقت بكى.. ومابدي ابين لزوجي عشان مايقلق بزياده وابغاه يركز بدراستو
قعدت اعمل سيرتش بالنت واشوف ايش ممكن يطلع وايش الاحتمالات لحد ماوصلت لدرجة الجناااااااااااااااااااااااااان
عنجد صابني انهيار عصبي ماحسبت زوجي يروح الجامعه عشان اطلع كل اللي بقلبي

بس الحمدلله اتصلو عليا اليوم وطمنوني انو بيتحسن كتير والاشعه بينت انو عندو تجلطات خفيفه ومع الوقت حتروح وماحتأثر عليه بالمستقبل

الله يسهلكم يابنات صح اني ارتحت من هم الولاده لكن والله انو رحمه بمليون مره عن هم البيبي
بعيد عني وكل يوم ارحلو ويادوب اشوفو شوي وامشي وكل يوم على اعصابي
يتصلو عليا الصباح عشان يقولولي اخر الابدايت وانا كل صباح اموت مية مره عشان دا الاتصال اخاف اسمع شي مو حلو

الله يريح بالكم ويرزقكم اطفال سليمين معافيين من غير زياده او نقصان يااااااارب ياكريم

[GhoOosha]

الله يطمن قلبك يا دادو وماتشوفي شر ويرجع ولدك بالسلامه ويهنيكي فيه يارب

[الصمت عشقي]

دادو
ربي يطمن قلبك وان شاء الله تفرحي بشوفة ولدك واهو بصحة وسلامه ويكون بين يدينك
اللهم امين

[عنقودالعنب]

كيفكم حوامل على الازواج كلهم كذا مايقدروا لا وفي فترت النفاسه اكثر بس ربي يعين كيفك دادو الحمدلله على سلامتك لاتقلقين اختي صار لها كذا والحين ولدها كبير وماشاء الله والله يخليه لك يارب

[حلا جدة]

صباح الخير ياحلوات
كيف الثقل معاكم الله يعيننا يارب
دادو ان شالله ربي يطمنك عليه