تجمع الكروشات اللي موعد ولادتهم شهر * رمضآآن * 1432

قطرات المطر · 06-04-2011, 11:00 PM

بنات ليش مافيه أحد؟؟؟؟؟

قطرات المطر · 06-04-2011, 11:08 PM

ماتشوفين شر يا أرنوبة ,ويقومك بالسلامة وبنتك بين يديك بأكمل صحة وعافية,
ولاتشيلين هم لكلام المستشفيات كل شوي حاطين فيني مرض واول شهر في حملي توي محللة تحليل حمل قالوا فيك سكر حمل قبل يقولوا مبروك وحميات وتعب نفسي آخر شي طنشتهم ورفضت اسوي تحليل طلع مافيني شي..
يعني مانصدقهم إلا لما نتأكد ومن أكثر من دكتور...

أرنوبة · 06-04-2011, 11:21 PM

الشر ما يجيك حيبتي قطرات المطر ولك مثله يارب
ايه والله انك صادقة
انا قلت اليوم اخر مره اروح لهم هالشهر
اصلا الشهر الثامن كله تعب ومشاكل
باشتري راسي واتوكل ع ربي واحصن بنتي واقرا عليها وبس
والحمد لله انك بخير الله يتمم لك يارب وكل الحوامل

قطرات المطر · 06-04-2011, 11:26 PM

آمين يارب ويسهل علينا ولادتنا......

deme · 06-04-2011, 11:34 PM

اهلين بنات كيفكم و كيف التقل ؟

deme · 06-04-2011, 11:44 PM

رونق دا ليكي
http://forum.hwaml.com/t60466.html

كنت بالفلف في التجمعات و شفت نداااء ليكي

أم ح ــنونـہ · 06-04-2011, 11:51 PM

هلا كروشات
اخ تعبت اليوم كتير
من العصر للساعه 10 وانا في المركز
طبعا دخلت عند الدكتوره هناء بدران
وعملت لي تصوير وقالت البيبي زي الفل
وانها بنوته ووزنها 1 كيلو الا 100 جرام
بس قالت انها ماخذه الوضع المقعدي
بس قالت عادي مو مشكله
صراحه عسوله وطيبه وريحتني ربنا يوفقها
حتى الممرضه تبعتها عسوله مثلها
المهم طلبت مني تحاليل عشان تطمن
ورحنا على مكتب التأمين لأن لازم يرسلوا لشركة التأمين فاكس
عشان يوافقوا ونبدأ نتابع على التامين
وقعدنا نستنى الموافقه ساعتين وفي الآخر قالوا يمكن بكره تيجي
بصراحه مره انقهرت منهم خلونا ننتظر على الفاضي
وزوجي قال خلاص لما تيجي الموافقه نرجع تاني
ورجعنا البيت على الساعه 10
بس كنت مررره تعبانه الله يعين
بس المركز الطبي الدولي ما شاء الله
جناااااااان والخدمه فيه زي الفل
الله يتمم حملي على خير وأولد بالسلامه
قولوا آمين

deme · 06-04-2011, 11:56 PM

اهلين سوسو يعني سرتي زي نفس الدكتوره
ما شالله عليها حبوبه و النيرس كمان
لا المستشفى ما عليها كلام
بس دايما كدا التامين خليها اليوم التاني اديهم الورق و امشوا نصيحه من مجربه
بس انتي ايش تامينك ؟
و دايما راح تلاقي زحمه في المواعيد انا قلتلها ما اقدر على المواعيد دي قالتلي تعالي الصباح من غير موعد تلاقيه فاضي و بالفعل مرره كان فاضي و بسرعه دخلت
الله يتمم حملنا على خير ان شالله

فروووحـــــه · 06-04-2011, 11:56 PM

هلا بقطرات ..
منورة deme .. زمااااااااان عنك ,, وليه غيرتي DeCheesecake ..
قالولي انت من جدة .. وين راح تولدي ان شاء الله ..

deme · 06-05-2011, 12:00 AM

نسيت الباسورد حق الاول ههههههه
قمت سويت دا الجديد
ايوه من جده ان شالله في المركز الطبي الدولي و بدايه حملي كنت في غسان فرعون بس غيرتوا
وانت بتراجعي فين ؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع ما بعد الولادة	طبيبة القلوب	إستفسارات مرحلة الولادة	13745	06-19-2014 09:03 AM
تجمع الكروشات الينبعاويات حياكم	تاج الحورية	إستفسارات حوامل من الشهر السابع إلى الشهر التاسع	19	04-16-2012 05:03 AM
تجمع الحوامل اللاتي سيلدن بشهر شعبان 1432	ام لبنى 666	إستفسارات مرحلة الولادة	3560	08-02-2011 02:58 PM
تجمع الحوامل اللاتي سيلدن بشهر رجب 1432	يالبيه ياانا	إستفسارات مرحلة الولادة	13690	07-03-2011 03:39 AM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM