دردشة بنات ليبيا , دردشة حوامل ليبيا , تجمع بنات ليبيا

[يقين]

حنين
كيف حال وحال البنوته شني وين ناويه تجيبي ان شالله

[يقين]

وينكم خيركم ما فيش حدد
ام معاذ يا بت وحشتيني

[ميرنا]

بنات ايش اخباركم كلكم ان شالله بخير ومبروك ما زاد عليك يا اثرى فى مدادى

[أم أجنادين 80]

الــــــــسلام علــــــيكم
شني الصقع هدا
وزيادة كساد
رغم اني مشيت لحوش عمي من 7:30 الصبح وقعدت الي قبل العصر بشوية ورقدت
ونضت وتفرجت علي التلفزيون ومع هدا مزال الوقت بكري وكساااااااااااااااااااااااااااااااااااد

[يقين]

السلام عليكم
وينكم خير مافي حد
ام اجنادين تعرفي هنا الوقت ما فيه بركه بكل نفطروا من هنا نلقوا المغرب ياذن من هنا والله قصر رهييييييب
وان شالله يارب تجيبي بيبي يعبي عليك حياتك

[يقين]

وينكم ني مكسسسسسسسسسده عالخر

[أم أجنادين 80]

حتي عندنا الوقت يجري جري
بس اليوم حسيته طويل هلبة وخصوصا توا مكسدة
اتفجرت لين مليت فتحت النت لين مليت
وشكلي بنرجع للتلفزيون
حتي التجمع كساد

[يقين]

يا ناااااااااااااااااااااااااري ما قوتلكم
عندي جارتي كبيره عمرها 60 سنه عندها بنتها وولدها متزوجين وبعاد
وبنتها التانيه تشتغل من الصبح ل الليل تروح
المهم مشيتلها بالصدفه امبكري رافعتلها حاجه خبطت فتحتلي قرييييييييب تموت مسكينه النفس صعب ومش قادره حتي تتكلم المهم كلمت بنتها المتزوجه وجو ورفعوها للستشفي لتوا ما جت شوي ونتصل نطمن عليها تسخف والله ربي يشفيها يارب

[أم أجنادين 80]

إن شاء الله يقين
والمشكلة تعرفي من بعد الغرب الشوارع تفضي
آذان العشاء المحلات كلها اتسكر
وحتي انقول لراجلي هيا نطلعوا يقولي وين بتطليع في هالليل

[أم أجنادين 80]

ان شاء الله لاباس عليها
المفروض البنت امدايرة ممرضة لأمها