تجمع الجزائريات الغاليات المتأخرات في الحمل ‏

[bassouma]

تصبحي بخير حنونة عيت غدوة إن شاء الله

[مريم13]

المشاركة الأصلية كتبت بواسطة nourelhouda

ام نهى هذاك النهار مانيش خابة نتفكرو،،،،اخنخخ اسوء يوم في حياتي،،،،
كي راح دار عملية الخزعة،،،، يحوسو على الحيوانات في الخصية،،،، اديناهم ل لانابات باش يديرولهم تحاليل و يجمدو الحيوانات المليح،،،،
امالا اسبوع او اكثر باش تخرج التحاليل ،،،، جوزتاهم على نار حتى جا النهار اللي نروحو نجيبوهم،،،،
غير لحقنا قالي اهبطي انت حيبيهم ما قدرتش،،،
اهبطت و اعطاتني الرسالة مي حليتها مافهمت تالو سقسيت الطفلة تماك قالتلي مالقيناش ماكانش عندو حيوانات انا قريب هبلت،،، و قالتلي لازم تروحي للطبيب،،، هو يفهمكم،،، الطبيب اللي كان راح يدرلنا اطفال الانابيب
انالا شديت روحي باش نا نبكيش طلعت في الطوموبيل و انا نضحك قالي بشري قولتلو ماعلاباليش ماعرفتش نقرا التحاليل و الللي تخدم الداخل ما عرفتش قالي تتمسخري بيا حاول يقراهم فهم و ما فهمش،،، ككي روحنا لعند الطبيب تاع الانابيب قالننا الله غالب ماماش خلوها على ربي،،، راجلي قرسب بكا و انا اكثر، و سقسينا الطبيب اذا كاشما نقدرو نديرو قاللنا خلوها على ربي كلش بيدو ،،،،،
غير خرجنا هو مانطق انا مانطقت و قعد غير يتمسف وحد مور خوه و من بعد نطق قاللي نديك عند جداك تقعدي و راني نعطيك قرار تديه خمي فيه اذا راكي حابة تعيشي معايا الله يبارك و اذا راكي حابة تتطلقي نعطيك الحرية نطلقك ،،، انا قولتلو ابدا والو نقعد معاك،،، قالي خمي مليح نخليك في دار جدك تخمي ،قولتلو لالا اديني معاك لدارنا قالي راني حاب نقعد وحدي هذ الايام،، بديتت نبكي قولتلو رانا فيها مع بعض اديني،،،، والو خلاني عند جداتي و راح ،،، غلق التيليفون و ذيسبارا واحد الاسبوع او اكثر و انا هبلت قريب طلعت لبويرة نحوس عليه و جداتي تصبر فيا تقولي خليه،،، انا خفت غير كاشما يدير في روحو ،،، و ماعييت نبعثلو ميساج والو،،،، حتى ربي هداهو حل البورطابل و لقا ميساجات تاعي و عيطلي ،،،، قالي نجي نديك قولتلو بلا ما تسقسي ،،، و قالي راكي سور تعيشي معاياقولتلو ايه،،،،، قالي خلاص،،، كي جينا للدار قعدنا كي الزوافرة مورال هابط هو همل الخدمة و انا وقتها كانالعطلة الشتوية و قريب عيد ميلاد زواجنا الثاني،،،، و كيما قعدت نحوس في الانترنت ياش نروحو لتاغيت للصحراء ماكاش و من بعد جا عيد زواجنا و هو 31 ديسمبر قولتلو ايا نوض قالي وين قولتلو نروحو نتعاشاو قالي وين هنا في بويرة كلش غالق قولتلو نروحو للعاصمة امالا لبسنا و هبطنا خرجنا على السبعة تاع الليل و حوسنا تعشينا في ريستورون هندي و من بعد روحنا سهرنا في كافي و حوسنا و شفنا الالعاب النارية و طلعنا للدار على الثلاثة و نص تاع الصباح و كملنا السهروة في دارنا و موراها بدينا بلاعقل نطلعو المورال،،، يعني ماطلعش مليح بصح رانا الحمد لله،،،، و ربي يرزقنا ،،،،
قولليلي راجلك واش دار باش تعالجً،،،،، انا صفر ماكاش و هو كان عندوو راحو وين راحو الله اعلم،،، واقيلا راحو يحوسو و يرجعو هههههه

[color="rgb(255, 0, 255)"]نور حبيبتي الله يرزقك
يا رب[/color]

[أم نهى الجزائرية]

و انت بخير يا عمري ربي يعاونك حنونتي

[عبير الحرية]

بسومة ربي ياجرك في مصيبتك و يخلفك خيرا منها الخير في ما اختاره الله

ان شاء الله الشهر الجاي و لكامل لبنات

تصبحي بالف خير

ام نهى رانا كامل والفنا التجمع راهو ساحرنا يا اختي

[أم نهى الجزائرية]

بقيت غير انا وانت خيتي مريم كما اسم اختي ههههه

اذاتقدري تقوللي على توقيع تعيشي راه دوخني

[أم نهى الجزائرية]

اهلين عبير حسبتك رحتي ههههههههه

راكي تشوفي والله غير جا في وقتو كنت غير وحدي مع التوسويس و التخمام ربي يجازيك يا صبورة حنونتي على الي دليتيني على التجمع

[عبير الحرية]

و الله انا ثاني ينحيلي على بالي

[مريم13]

عبير عجبتني الصورة الرمزية

[Nourelhouda]

ام نهى قوليلي وقتاش اخر دورة و نديرلك واحد

[عبير الحرية]

مريومة عينيك الملاح