مَجلس ../ موآليد شهر »• رجبْ 1434_ مآيو "يونيو 2013

[ذكرى الحنين]

اهلن وسهلن كوب كيك

الظاهر انك معاي اخر دوره في رمضان يوم 15
و بالميلادي تاريخ ولادتي 14 مايو يعني 3 رجب
واعمارنا متقاربه انا عيد ميلادي 2 رجب ادخل 17 سنه
من المدينه في الاسبوع29 من حملي وحقيقه انا مرتين قالوا بنت ومرتين قالو ولد
وواعتقد انه ولد لانهم وروني اعضاءه بس لما قالو بنت كان جهاز مو واضح وقديم
ومااكدو لي ولا وروني
ومايخالف بنت او ولد كلهم حبايبي وكلهم ابيهم اذا بنت بسميها ابرار واذا ولد محمد


بس ماقلتي وش بتسمينها بنوتتكي






والله يسهل حملك يارب ياكريم وسهل ع الجميع

[حِلمْ الأُمـوُمَـهـْ]

آهليين كوب كيك منوورة حبيبتي (:

ربي يتمملك بخيير وتشوفي عروستك وهي بصحه وسلآمه

ٱحم ٱحم انآ ولله الحمد حآمل بنص السآدس وفيني بنوته ربي يجيبهآ بالسلآمه

وولآدتي المفروض نهآية رجب بس بإذن الله على كلآم دكتورتي بتولدني نص رجب والله يتمم لي بخير

[Razan19]

ااهلين كوب كيك
انا حامل فبدايه السابع كل يوم 10ادخل شهر جديد
وانا حامل بولد وعمري 19
ومن المدينه .
ولادتي 10رجب ..

[cup cake]

اهلن حبيباتي

ذكرى الحنين : انا اخر دوره كانت7 من رمضان بس تاريخ ولادتى مثلج تشرفت فيج حبيبتي من المدينة السعوديه ؟ جيرانا يعنى والعمر كله حبيبتي وعمري مقارب الى عمرج ^_^ اذا جفتي اعضاء الولد يعنى تاكدى حبيبتي ان فيج ولدج باذن الله بس ثنينهم نعمة من الله اهم شي السلامه يارب وربي يسهل عليج وراح اسمي بنتي ماريا


حلم الامومه : اهلين حبيبتي والنعم فيج وربي يتمم حملج على خير بس ليش تادكتوره راح تولدج نص رجب تعانين من شي معين ؟

رزان : اهلين حبيبتي العمر كله وعمري مقارب لج وانتى ف بداية السابع مثلي ^_^ متى راح تكون ولادتج تاريخ جم ؟ وشنو راح تسمين ولدج



تشرفت فيكم ^_^

[cup cake]

بنات بديتو تجهيزااات ؟

[Hamsat.3eshq]

كووووووب كيك نفس اسم بنتي ان شااء الله انا ولادتي 10 رجب ههههههههههه الله يسهل عليك وتقر عينك بشوفتها

حلووومة ... هلا يالبطة لاتقولين انتي بعد عندك ارتفاع بالسكر 😥
والله يجمعك بزوجك قريب

ريووونة ... تم التصويت فالك الفووز ي رب

اذا نسيت حد اعذروني من رجعت من المستشفى وانا فيني بلا هههههههههههه

اليوم رحت الموعد

واعطتني الجلوكوز وشربته باقي فيه شوووي مرا

فقدت السيطرة ورجعت 😷😖

نقابي تغرق وعبايتي والارض من الانتظار للحمام خربت لهم المختبر هههههههههه 😣

وحسيت بتطلع روحي منه بعدها قالت لي ماينفع اليوم ياتجي بكرا ترجعي تشربين ولا تكلمي دكتورتك وشكلي كسرت خاطرهم هههههههههه

بس دكتورتي اجازة اسبوعين

قررت اتبع الحمية وهو اصلا هالشراب كرهني بكل شي حالي هع

[Hamsat.3eshq]

تقريبا انا خلصت من الملابس بعد المحامل واغراض الحمام والصيدلية وتجهيز النفاس

اخترت السرير والدولاب الاسبوع الجاي بشتريهم

والمفرش للسرير حق ماريا باخذه من بورتري بان مررا عجبوني

[cup cake]

اهلن اختي همسه : ههههههه والله شي حلو ثنينا نولد مع بعض ومثل اسم بنتي ^_^
وانتى شكلج مثل عندج ارتفاع السكري وتعانين من عصير الجلكوز
انا مثلج سولي اول مره وتعبت وايد و استفرغت الجلكوز كامل وحسيت بدوخه وتعب وطلعت النتيجه للسكر 8.9 ومرتفعه طبعا واللحين عطوني موعد اعاده بس طبعا يسحبون منى دم 4 مرات وانا قلت مابروح لهم لاان ماتحمل عصير الجلكوز متعب وايد قلت بحاسب حق اكلي ^_^

وانا بعد خلصت تجهيزاتى باقي الدولاب

[cup cake]

انزين اخواتى انا اعانا من ارتفاع السكر وشلون اخففه لاان مابي اروح المستشفى لاان لوعو جبدي كل مره اعادة الفحص وعصير جلكوز وسحب دممم لى متى يعنى
ونسبتي 8.9 تجوفون انها مرتفعه وايد يعنى تاثر على البيبي؟

[كبرياءه طوره]

صباح الخير كروشات
اخباركم
الي معي بالسابع تحسون بثقل و الم بالظهر والا بس انا