دردشة بنات فلسطين , دردشة حوامل فلسطين , تجمع بنات فلسطين

~~وردة سورية~~ · 04-21-2013, 07:15 AM

حلا الماس · 04-21-2013, 08:44 AM

صباااااااااااااااااااااااااااااااااااح الخير

انا اول وحدة جيت .. نشيطة بعز البرد .. احوووووووو شو برد الدنيا حاسة حالي بشهر 1

وانا رح اصف اول وحدة بالطابور .. خخخخخخخخخ

يلا مين وراي ؟؟

حلا الماس · 04-21-2013, 08:59 AM

ما شاء الله سهرتكم كانت مميزة كتير مبارح .. ربي يسعدكم .. كنت متابعتكم من الموبايل .. بس ما كنت قادرة ادخل لاني بنتي مريضة كتير .. ومتنكدة وبالليل صارت الكهربا تفصل من كتر الشتا .. الحمد لله

بسم الله نبدأ

احساس .. الف الف الف مبروك البيبي ... ربي بتمملك على خير حبيبتي ♥

جارة .. بسم الله ما شاء الله .. ابنك موووووووووووووز ومتل القمر ربي يحميه ويحرسو يا رب

حواء .. هههههههه انا ما عندي طولة بال لاحكي قصص كل شهر بحكيلهم قصة خخخخخخ مع انو عندي مجموعة قصص للاطفال انا بودي بناتي على تخوتهم وبحكيلهم تصبحوا على خير وانا طالعة من الغرفة بقلهم معكوا 5 دقايق تناموا بدي ارجع الاقيكوا نايميين ههههههههههه وعلى طول بيناموا ... ومبروك عليكي الشهر السادس عقبال نهنيكي بقومتك بالسلامة انتي وعزوز

لولو الفلسطينية .. يا رب باعلى العلامات .. وعقبال التخرج يا رب

سما .. هلا حبيبتي منور .. يسعد كل ايامك .. انا اول مرة بسمع باسمعك بس واضح انك هون من بدايات التجمع .. فرصة سعيدة وان شاء الله بنكون خوات

ام عبد الله .. هيني هون يا مس .. وينك انتي ؟؟ تعي
اليوم اجا المطر والبرد عنا

عيون المها . منورة كتير كتير يا حلوة .. ربي يكون بعونك على سفرتك وعقبال توصلي بالسلامة

غمووووووض .. مشتاقتلك برشا برشا .. كل يوم تعي نوري الدردشة

بيبو .. انبثاقة .. طلتكم ولا نور القمر من زمان ما طليتو علينا .. شو اخباركم ؟؟

دودو ام عمر .. انا بضم صوتي لعيون المها بجد انتي اميرة الدردشة ولما تجي بيصيرلها طعم تاني .. الك طلة مميزة هون

دموع .. كيفك يا امورة ؟؟

نور العمر .. شو صار بموعد الدكتور .. البيبي غير وضعو ؟؟ شو حكالك الدكتور طمنينا

حيفا .. حبيبتي شو صار بموعدك ؟؟ وشو حكالك الدكتور ؟؟
ما طليتي امبارح

يا رب ما اكون نسيت حدا فيكم .. ولو نسيت سامحوني .. لانو ما شاء الله صرنا كتار ويا دوب الواحد يقدر يلحق

حلا الماس · 04-21-2013, 09:05 AM

فوفو .. يا ام رزان يسعد صباحك حبيبتي .... سلامتك هاد الوجع بيكون بداية تقل واحتمال يكون تزرير
ريحي حالك وما تشتغلي كتير .. ولما تقعدي اسندي رجليكي بمخدة عشان التقل يخف شوي

انا لما يصير معي هيك بنام وبحط مخدة بين رجليي .. كتير برتاح لانو طريقة النوم هادي بتخفف الضغط عن عضلات الفخد والحوض كمان ..

ام عبدالله لولو · 04-21-2013, 09:17 AM

صباح الخير يا صبايا
يسعدو النشيط الحلو شو اخبارك عنا مش شهر و1 عندنا المربيعانية ماشاء الله

نور العمر · 04-21-2013, 09:17 AM

صباح النور للجميع .... كيفكم وكيف اصبحتم مع البرد كانو شهر واحد رجع من تاني ...

كيفك حلا ما شاء الله جايه نشيطه هههههه كتير حكيتي خخخخ ...

والله الوضع كما هو عليه لسى راس لفوق وبتاريخ 30-4 بدهم يعملولي تحويل ع المستشفى ازا ما تغير الوضع الله كريم ...

ان شاء الله بتغيير الحال في يوم وليله مافي شي بعيد عن ربنا ...

انا بدي روح شيك ع البيت والطبخ وبرجع ان شاء الله ... بطل عليكم من وقت لوقت اشوف شو برمتو ههههه ...

نور العمر · 04-21-2013, 09:20 AM

اه صحيح الف مبروووووووووك احساس والله يتمملك على خير ياااارب ...

صباح النور ام عبد الله كيفك ..؟؟

مسك السنين · 04-21-2013, 09:23 AM

مرحبا صبايا عسولة اكرام بتسلم عليكم هيا عملت العملية وامورها تمام ﻻتنسوها من دعواتكم

حلا الماس · 04-21-2013, 09:26 AM

ام عبد الله .. يسعد هالصباح
والله انك صادقة .. بجد كانها المربعانية .. شو هاد انا من يوميين نزلت الاواعي الصيفي ههههههه

كيفك اليوم وكيفو عبود ؟؟ فطرتيه ولا لسه ؟؟

نور .. الله يجيب الي فيه الخير .. يا رب البيبي بتغير وضغو وتولدي بالسلامة بس انتي ضلك ازحفي وطولي بسجودك للصلاة وان شاء الله بيلف
معك حق حكيت كتيييييييييير ... يس مهو ما شاء الله الصبايا كتار ولازم ارد عالجميع :)
شو عم تطبخي اليوم ؟؟

ام عبدالله لولو · 04-21-2013, 09:26 AM

اهلا صباح الخير نور الله يكرمك ان شاء الله وتقومي بالسلامة
منورة مسك شو اخبارك الحمد لله ع سلامتها لعسولة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات فلسطين, دردشة حوامل فلسطين, تجمع بنات فلسطين	سماسم	إستفسارات حوامل من الشهر السابع إلى الشهر التاسع	22928	03-27-2013 08:07 PM
السياحة في فلسطين قمة من الجمال 2012 , صور من مدينة نابلس في فلسطين الرائعة 2013	خليجية وافتخر	المـنـتـدى الـعـام	0	06-10-2012 07:46 PM
فلسطين الحبيبة نابلس المتميزة 2013 - صور سياحية من فلسطين 2012 - السياحة فى فلسطين 20	خليجية وافتخر	المـنـتـدى الـعـام	0	06-04-2012 06:17 PM
فلسطين الجميلة 2013 - صور فلسطين الحبيبة 2012 - معالم سياحية فى فلسطين الحبيبة 2013	خليجية وافتخر	المـنـتـدى الـعـام	0	06-01-2012 09:00 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM