دردشة بنات ليبيا , دردشة حوامل ليبيا , تجمع بنات ليبيا

[أم أجنادين 80]

صحتين امولة
حتي انا كان خاطري انسجل فيها
لاحظتي كل المواضيع تكتب شوية منهم وبعدين توقف
وهيا دورات اون لاين والخاصة بالمتزوجات اسمها سبايسي والله اكثر من روعة

[أم أجنادين 80]

كيكة نسكافيه تعتبر بسيطة مكوناتها وسريعة بس حلوة حتي للضيوف كويسة

[أمل ليبيا]

جنوده موجوده توا؟؟

[أم أجنادين 80]

ايه موجودة

[أم أجنادين 80]

اتفضلي امولة

[أمل ليبيا]

ايزيد فضلك ان شاء الله

[أمل ليبيا]

عندك صغار جنوده؟؟

[أثري في مدادي]

المشاركة الأصلية كتبت بواسطة أمل ليبيا

استمعت بعيدكم اختي اثري في مدادي و ان شاء الله ربي يقومك بالسلامه يارب من وين انتي حبيبتي؟؟

الله يبارك فيك ،،،، أنا ترهونية الأصل من سكان طرابلس " حي الأندلس " متزوجة من غرياني ،،

المشاركة الأصلية كتبت بواسطة حنين88

السلام عليكم وكل سنة وكلكم كلكم بالف خير

اتري هدرزة حلوة عالعيد ربي ديمة يجمعكم حتى اني لما انخش مانلقى في حد ندوي بروحي ونطلع

شكرا على الدعوات الحلووووووووووة

المشاركة الأصلية كتبت بواسطة أم أجنادين 80

اثري في مدادي وحنين ان شاء الله ربي يسهل ولادتكم

عقبال ما نفرحوووووووووا بيك

المشاركة الأصلية كتبت بواسطة sosolibya

السلام عليكم ورحمة الله وبركاته

والله مانحصل نخش لبستين حكمة

معادش فاضية نحك راسى حرت الصغار سلامتهم

من واحد لوتحد

حمود مريشض شوية نهارها درناله اكسجسين

لاباس علي حمودي ،،، أصلا الوقت يمرض وخصوصا مع غياب المطر ،،، اللهم أغثنا بالغيث النافع

المشاركة الأصلية كتبت بواسطة sosolibya

اثرى مافهمتش

هههههههههههههههههههههههههههههههههههههههههه

كيف ليك 11 سنة جايبة يعنى ولدك عمره 11
اكيد لااااااااا

الولادة هاذي اللي نحكي عليها ولادة طبيعية وأنجبت فيها بنوتة ،، وكانت ولادة في الثامن فعاشت عشرة ايام وتوفت ،،،، وحملي بها كان أول ما تزوجت يعني قبل ما نصكر عام كنت جايبة ،،،

ومش قلتى انك جبتى بعد 7 سنوات زواج

لا مش 7 وإنما تاسع سنة زواج أنجبت قرة عيني " وليدي الغالي" والفترة اللي مابين ولادة بنتي وولدي لم يحصل فيها أي حمل ~~~

المعنى ان ليك 17 شنة وكمان هذا مش صح

أكييييييييييييييييد

وانت ليك 10 سنين متزوجة يعنى ولدك عمره 3 سنوات

أنا لي 12 عام متزوجة ،،، وصح وليدي عمره ثلاث سنوات

ااااااااااااااا الكلام ملخبط ومش راكب

حلوة منك خخخخخخخخخخخخخ

بعد اذنك فهمينا

فهمت ولا مازال شوية ؟؟؟؟
2000 تزوجت
2001 جبت بنوتتي
2009 جبت وليدي
2012 حامل للمرة الثالثة ~~~~ العاقبة للمشتاقات للأمومة ~~~ أكيد إنت مش منهم خخخخخخخ

المشاركة الأصلية كتبت بواسطة أم أجنادين 80

درت مكرونة شعيرية بالصلصة ولحم مقلي وزبيب زي رز بلاو درتها طلعت اتجنن

نعرف الشعيرية باللوز واللحم والزبيب ،،، بس من غير صلصة ،،، ونحمر فيها في الفرن وهي نيئة باش تجي علي ثلاثة ألوان ،،،، بني غمق وذهبي وأصفر ،،، وبعدين نبوخها تبويخ بعد ما نبتبتها بالزيت ،،،، قوليلي كيف الصلصة هاذي ؟؟؟

المشاركة الأصلية كتبت بواسطة أم أجنادين 80

كيكة نسكافيه تعتبر بسيطة مكوناتها وسريعة بس حلوة حتي للضيوف كويسة

الله يبارك ربة بيت ممتازة ،،، وافينا بالطريقة ياااااااااااااااااااحلوووووووووووووة

[أثري في مدادي]

معلومة إضافية لـ " سوسو الزاويّــــــــة "على نفس القافية
الدكتورة قتلي وإنت ليك 11 سنة جايبة ،،، تشير إلى ولادتي ببنتي ،،، ونقزت ولادتي بولدي لأنها قيصري ~~~~
مش طبيعي علي خاطر كان وضعه فارسي ،،،،

[أثري في مدادي]

مشيت أمس للعيادة الجديدة """ نور الإسلام """
عجبتني الحق وحسيت برااااااااااااحة فيها ،،،
وخشيت على الدكتورة وقتلي أول ما شافت بطني : البيبي مش فاخم بطنك صغيرة
وأني نحس فيها جبل قدااااااااااامي ////
وقتلي :: تمشي وأشربي قرفة واجلسي في ماء دافئ وكتبتلي " بسكوبان " قالت يساعد على فتح الرحم بلا ألم ،،،،
ومراجعة الأحد القادم ،،،
أمس مشيت حوالي ساعة
واليوم حوالي ساعة إلا ربع ،،،، ومغلية شاي خفيف بهلبة قرفة ومقعمزة نشرب ونعاود ،،،
دعواتكم وخياتي ،،، بالولادة السهلة الميسرة