دردشة بنات ليبيا , دردشة حوامل ليبيا , تجمع بنات ليبيا

[أم ورد]

المشاركة الأصلية كتبت بواسطة عيون زوجي

مش قصدي نزعلك او نتدخل في خصوصياتك ام ورد
بس كل البنات هنا يحكوا مشاكلهم عادي واسفه لو جرحت مشاعرك
وربي يسخرلك الحال يارب

لالا بالعكس عيون سؤالك عادي ممكن أي وحدة تسأله ماعنديكش مشكلة لكن أني ما نحبش نحكي لحد عن السبب من ناحية ثانية هذي أسرار بيت وإنتي عارفة إن لايجوز إفشاء الأسرار.

[عيون زوجي]

يابنات بنسالكم شوية أسئلة جابوا علي السريع
1-هل يجيكم احساس بانكم اشتقتوا لحوش اهاليكم او لا

اكيد ديمه نستاحش في حوش بوي لتوا

2-وهل لما تمشي تزوري اهلك تستعجلي ترجعي لحوشك او لأ

لا ما نستعجلش لان دوتي ما تكملش مع خواتي ونساوين خوتي ولاني مانمشيش الا يوم الجمعه بس

3-لما تختلفي انتي وزوجك وحتي لو كان معاك الحق هل تتنازلي

ياسلام لازم نتنازل ومرات حتى هو يتنازل مع ان الحق معاه ولهذا يستاهل

4- مشاعرك اتجاه زوجك لما تكونوا متزاعلين نفس لما تكونوا متصالحين

الغضب ريح تتطفأ سراج العقول والغضب من الشيطان وكل شي ينطمس وقت الزعل بس ولله الحمد وماشاءالله لاقوة الا بالله عمري ما صارلي هكي وديمة نفس المشاعر ربي يدومها

5- هل تحبي اهل زوجك اكثر من اهلك ومن اقرب اليك ؟

لا لا لا اهلي ثم اهلي ثم اهلي ثم اهل زوجي هكي الحق بس حتى هم كويسين شهاده لله

6- هل احيانا تسايري في اهل زوجك من اجل ارضاء زوجك

اكيد وخصوصا لما انكون مريضه ولا تعب العيد الوحدة شن تتمنى غير الراحه لكن لعيون زوجي نساير ونمشي ونهدرز ونطلع معاهم وانعول كرمال عين تكرم مرج عيون

7- هل زوجك نفسه احيانا تسايري فيه تفاديا للمشاكل

لازم نسايره لانه مرات يكون تعبان ومزاجه مش حلو ما انحاولش انزيده اعليه حتى ولو على حساب بعض الرغبات في الطلوع او اي شي تاني

8- هل وجدتي في زوجك كل شي كل تتمنيه قبل الزواج هدا جاوبوه بصراحة

ولله الحمد والحمدلله الذي بنعمته تتم الصالحات مافيش انسان كامل بس اهم خصله ان يكون على دين وخلق وولد عيله وناس

[عيون زوجي]

نستأذنكم وتصبحوا على الف خير
والسلام عليكم ورحمة الله وبركاته

[ام روفيدة]

توا كيف تميت كتيبة الرسالة لأم أجنادين مسكينة كتبتلها تقرير جريدة هههههههههههههههه ربي يعينك على قرائتها يا أم أجنادين

[أم أجنادين 80]

نسيتي سؤال ياعيون
الباين قعده في الطريق رسالتك أم روفيدة ماوصلتنيش

[أم أجنادين 80]

المشكلة الشحن علي الأخير

[أم أجنادين 80]

وانتي بألف خير عيون

[أم أجنادين 80]

ام رغوده وام ورد الباين رقدتوا

[أم أجنادين 80]

هيا سلامات نتلاقوا علي خير
بيفصل عليا الجهاز

[أم ورد]

لالا مازال ما رقدتيش أم أجنادين