تجمع الحوامل من الشهر الرابع الى الشهر السادس

[يغار الحلى]

مااعتقد انه صح الذكااء من الله سبحان الله

بس انتبهوووا ﻻ تأخذو حبوب بدون وصفة ..

[Tala0123]

بنات من شوي رجعت من عند الدكتورة ركبولي مغذي واعطتني ابرة زنتاك علشان المعدة عندي هايجة
قمت الفجر من الحرقه صليت وجلست خفت شوي وع الساعة 9 جعت قلت قومي يابنت اكلي لك شي
بالاخص بسونتي ماهديت بسم الله عليها ترفس هههههههههههههه وه بس فديتها شكلها جوعانه مثلي
اكلت خبزة توست مع لبنه شوي مافيه ربع ساعة واذ حريقه صارت بحلقي ومعدتي
اجلس اركي شوي انسدح لاحياة لمن تنادي قلت ماراح ادق ع زوحي اخوفه شوي تهدى اخدت حبة موسكال
وعشر دقايق صار فوران تغلي معدتي من الحرقة طلع لحلقي وجلست استفرغ طلع من انفي ماعاد اتحمل طلعت مصاريني
وصار اسفل بطني يعورني من الشد دقيت ع زوجي وطيارن جى
هو كان خايف قبل يطلع الدوام لانه شافني اتقلب وصحيت الفحر وقبل يطلع قالي ها تبين الدكتورة قلت لا شوية حرقة تروح بعد شوي
ورحت قالت لازم الابرة اول رفضت وجلست تهاوش تقول انها ماتضر وانتي خلاص دخلتي الثامن ولازم مغدي شوفي كيف نازل وزنك مره واستودعتها ربي واتكلت ع الله واخدتها وهي تعطيني الابرة اقول بقلبي بسم الله الذي لايضر مع اسمه شي تضحك الدكتورة وهي واقفه علي قالت لي وقفي حبوب الحديد والكالسيوم هاليومين بس لين تهدى المعدة عندك وارجعيلهم بس يومين

بس من جيت وانا متخوفه منها قد احد منكم اخد حبوب زنتاك او ابر منها ؟

قريت ان فيه حوامل كثير تاخد الحبوب منها للحرقه

[wdo]

معرفش ياتومي بس
الله يهون عليك ويقومك بالسلامه
وماتشوفين شر

[العبير الدائم]

الف سلامه عليك يا تالا يالله هانت فتره بسيطه وتشوفي بنتك بين ايديك وراح تنسي كل هالتعب
ربي يعطيك العافيه..
بنات رجعت من عند الدكتوره والحمدلله فحوصاتي كلها كويسه والبيبي طيييب ولله الحمد..
بس زعلت قالتلي مو مبين جنسه وظعيته كانت ما موظحه ︶︿︶
يالله مو مشكله راح احاول الشهر الجاي واهم شي صحته واشوفه بخير

[عيون امها]

تالا
الف سلامه عليك ياقلبي ماتشوفين شر

[هدووش]

حياتي تالا سلامتك ماتشوفي شر
وعن الابره مااعرف ان شاءالله البنات يفيدونك

العبير الدائم يلا مو مشكله اهم شي انو بخير

[بنِت النوُر]

تالا ياقلبي ماتشوفين شرر ربي يعينك ...

العبير الدائم اهم شي انه بخير

[كتكووته]

ماتشووفين شر تالا
العبير الدائم .. ان شااء الله الموعد الجاي يبين

[العبير الدائم]

الحمدلله انو بخير وعافيه مشكورات حبيباتي
وان شاءالله يبين الموعد الجاي لاني مقرره ع نص الشهر الجاي ابدآ اجهز واشتري اغراضه
واذا ما بين راح اخذ اشياء والوان محايده تناسب الجنسين لاني اريد اخلص قبل عن ادخل الثامن

[عاشقة زوجي الى الابد]

مرحبا حبيباتي كيفكم ووالله مشتاقة لكم انشاء الله تكونوا بخير انتوا وبيبهات تبعكم اختي تالا ما تشوفي شر الله يشوف من حالتك يا حبيبتي