دردشة حوامل مصر - دردشة بنات مصر - تجمع حوامل مصر ‏

malak ahmed · 08-13-2011, 05:18 PM

هههههههههههه انا بردو اللي ابطل رغي يا ام لسانين انتي

تفاءلي خير في الحلم وان شاءالله الدكتور هيطمنك اوى المره دي ويتقلب عكسه بس انتي عشانك خايفه وبتفكري كتير حلمتي بكده ..

انا بقي حلمت النهارده اني دخلت احمي الواد ابن اختي تحت الدش مع اني ولا هفكر اعملها اصلا ههههههههه وياساتر عالرخامه وانا بحميه بس كان حاضني كده ولبسته البرنس وكان عسل فيه

قومي يلا صلي وانا كمان قايمه اهو ومش ترغي تاني انتي بقي

dr.princess · 08-13-2011, 05:18 PM

طيب وبالنسبة لكلامى مفيش حد شافه ولا ايه ؟؟؟؟؟؟؟؟؟

malak ahmed · 08-13-2011, 05:22 PM

لوووولووووووو ازيك

انا كنت هرد عليكي والله حتي محضره كلامك وكنت هعملو رد دلوقتي بس البت ام لسانين دي خدتني في دوكه وانتي عارفه رغيها بقي يا سااااااااااتر عليها

بصي يا ستي بخصوص موضوع شغلك ده

هو الشغل مهم جدا ليكي ولزوجك طبعا وخصوصا في الظروف المعيشيه اللي بقت اليومين دول .. بس هي المشكله الوحيده هتبقي في محمد ... ياتري هتبقي مطمنه عليك ومامنه تسبيه ؟؟؟؟ بس معتقدش هتقدري وف نفس الوقت مش هينفع تشتغلي وهو معاكي ..

بصي يا حبيبتي اعملي استخاره زي ما قولتي ولو انتي من جواكي تقدري توديه الحضانه دي وديه بس اهم حاجه تسالي عليها كويس وكده

بس انا عن نفسي مقدرش ابداااااااااااا ومش هيجيني قلب اسيبه مع حد غريب غير مع امي

malak ahmed · 08-13-2011, 05:27 PM

تعرفي يا لولو اختي خريجه هندسه اتجوزت علطول بعد التخرج وحملت وخلفت وكانت هتموت وتشتغل وكانت هتشتغل في قبرص لما سافرت بس موضوع الحمل ده منعها

لما جت البلد هنا بقي بعد ما عرفت انها حامل تاني باسبوع جت لها فرصه شغل كويسه جدا في مكتب انشاءات هندسيه وقررت انها تسيب الولد عن ماما بس بردو كانت حاسه انها هتكون مقصره من نحيته بس للاسف مشتغلتش لان ظروف الشغل كانت هتضطرها تنزل مواقع تعاينها وتعب وارهاق وهي حامل واكيد كلها كام شهر وكانت هتاجز عشان الولاده

بس انتي بتقولي ان مامتك عملت معاكي كده فانتي لو هتكوني مطمنه علي محمد اووووووك لان بردو حرام الواحده تقعد من غير شغل
... وربنا ييسرلك الحال ويسهلك اللي فيه الصواب والصح

malak ahmed · 08-13-2011, 05:28 PM

فاصل مؤقت بقي للصلاه

om arwa · 08-13-2011, 05:50 PM

لولو هو محمد عنده اد ايه بالظبط ؟؟
بصى ل هتسبية اتاكدى ان المكان كويس وفى اهتمام بالاطفال واسالى حد يكن مجربة لو لقيتى فعلا مكان كويس وعدد ساعات الشغل مش كتير خلاص استخيرى روحى
بصراحة معادلة صعبة بس الايام بتعدى وهتلاقية كبر على طول وتطمنى علية اكتر
انا اصحابى بيسيبوا اولادهم من شهر ونص
انا نزلت وسبت اروى عشان الامتحانات بس كنت بسيبها مع جدتى
النونو الجاى ان شاء الله اعتقد هاخد اجازة من الشغل لان جدتى تعبانة مش هتقدر تقعد بيه وانا الشغل ابالنسبة لى مش اعتماد مادى بالعكس المرتبات قليلة اوى لكن عشان اكمل مشوارى و اتخصص ليس الا
فانتى الموضوع بالنسبة لك مختلف حتى هقولك جربى شهر ان مستريحتيش سيبى الشغل
وربنا يعملك الخير

dr.princess · 08-13-2011, 06:03 PM

والله مش عارفة يا بنات الاول كنت متحمسة للشغل ولما جوزى قالى المواعيد بقيت مش طايقة اسمع سيرة الشغل دى
بيقولى المندوبين هنا بيشتغلوا من 8 : 2 دى فترة الصبح وبالليل من 5 : 10 يعنى عذاااااااب وانا قلبى هيبقى واكلنى على محمد
وكمان مين اللى هترضى توقف حياتها بالنهار وبالليل مهما كانت هتاخد ايه
جوزى بيقولى المندوبين اصحابى زمايلهم البنات بيودوهم حضانة وهسئلك عليها

اروى محمد عنده 3 شهور و 10 ايام

والله من شوية وانا قاعدة مع نفسى كده قلت هاقوله لو المصاريف مش متظبطه انزل انا ومحمد

om arwa · 08-13-2011, 06:09 PM

يعنى ايه هتشتغلى فترتين
ماينفعش فترة واحدة الصبح بس او بليل بس

om arwa · 08-13-2011, 06:12 PM

طيب ماتدورى على شغل فى صيدلية مستشفى صحبتى بتشتغل كدة هى فى السعودية فى الرياض الصبح بس بتسيب بنتها فى حضانة بس بنتها كبيرة عن محمد
ماتدورى فى المستشفيات

ام انس المصريه · 08-13-2011, 06:13 PM

معلش يانهاد اتاخرت عليكى كنت بكلم ماما فى الفلفون

ولسه معملتش الفطار خالص

هعمل فضلة خيرك لحمه وبسله ورز

يلا اشوفكم بعد الفطار ان شاء الله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالوا شوفوا ازواج منتدى حوامل جبتها لكم وانا قدهاا	فداك عمري يازوجي	ملتقى عضوات حوامل	22	10-19-2011 10:02 PM
مشدات حوامل,ازياء حوامل,احذية حوامل موضة 2010	ايلاف	الموضة و الجمال	12	05-19-2011 11:50 PM
لكل حوامل التوائم ضرووووووري تعالوا هنا	أم الحلوات	منتدى أنواع الحمل	8	12-01-2010 01:31 AM
حوامل الشهر التاسع تعالوا حبايبي	الأمل الساطع	إستفسارات حوامل من الشهر السابع إلى الشهر التاسع	1	09-22-2010 08:12 PM