ديوانية البحرين - دردشة حوامل البحرين - البحرينيات

[شمس الصباح]

المشاركة الأصلية كتبت بواسطة الفتاة الذهبية

ههههههههههههههههههههههه

عادي عادي
ما نتعلم الا من اخطائنا
كل مرة سوي تجربة وبتجوفين روحج احسن طباخه خخخ

اي والله من غير التجارب الوحده ما تتعلم

حروف من زمااااااااان ما دخلت وخصوصا الصبح كلش ما في احد ادخل المنتدى واطلع من غير ما اكتب شي

وحنونه اعتقد هي قالت انها مشغوله بتجهيزات البيبي

اليوم شكلي برد اروح عياده الأسنان ضرسي فيه الم اكره عيادة الأسنان من اذكرها بطني يعورني

[فلونة]

مررحبااا

شمس الصبااح // بشري شخبار الطبخة ؟

انا اليوم مجربة شي يديد بعد والله يستر بانطر الحجي باجوف شنو رايه

وايد ناس مو امبينة هاليومين ام خليل / روز سول / حروف / وغيررهم الي ما ذكرتهم ؟

[شمس الصباح]

هلا فلونة

الديوانية كلش صخه ما في احد ام خليل واحلام ام وام عائشة وفجورة ومممممممممم وايد اسامي كلهم محد

المهم فلونة مشكورة وايد على الطبخه اليوم اول شي نظفت الروبيان وبعدين الماش قصتي قصة فحت الماش ونسيته وصار لين قمت من جديد طلعت ماش وحطيته ورحت لزوجي اهدر معاه توه قاعد من النوم وما رحت المطبخ الا خخخخخخ عجين صاير ثالث مره حرمت اني اتحرك من المطبخ ونجحت والحمد لله الطبخه عجيبه ونثري العيش بس لو اشوي خليته على النار يكون افضل المهم نجحت وطلعت السالفه نفس المجبوس زوجي يقول وايد حلو بس العيش نثري وايد وولدي الصغير يقول حااار انه حاطه فيه ابهار حار متعمده خخخخخخ

ما قلتين شنو طبختش اليوم علميني احب الطبخات والتجارب الجديده

[فلونة]

هلا شموسة

ترى انا اول مرة صادني نفس الشي ويا الماش ذاب واهو يغلي :P

انا اليوم طبختي ربيان بعد وعجبت الحجي يقول قووية

سويت العيش بروحه وحطيت فيه ماجي

والربيان سويته نفس طريقة الباستا بس بروحه ينأكل ويا العيش

الطريقة الله يسلمج /// خذيت الملفوف قطعته شرايح طويلة وحمسته شوي لين ذبل تقريبن دقيقة او اقل حطيت فوقه كوسا مقطع دوائر صغار ومشروم مقطع وخلطته شوي ،، وبعدين حطيت فوقه الربيان طبعا الربيان طازج

وحطيت فوقه البهارات (( فلفل اسود، كمون، كزبرة، بزار احمر، ملح ، بهارات مخلوطة)) وتخلينه شوي على ما يذوب البهار وآخر شي تحطين قوطي قيمر وقليل صلصل و4 مكعبات جبن كيري وتغطينه بالماي

لازم يكون كمية القيمر ضعف كمية الصلصل عشان يعطيج اللون البرتقالي

وبس تخلينه يغلي لين يصير السوس متماسك شوي بس مو ناشف حده

بالعافية ،، ترى سريعة و وايد لذيذة

[rose soul]

سلام عليكم
انا هوووون

[rose soul]

مـــــــــــــــــــــــــــــلل

[بنت الأياويد]

عليكم السلام حيالله روز وينج مالج بيانه حتى حنين الماضي وحروف عاشقة كلش مالهم بيانه ، بس حبيت اقولكم روحوا مجمع الرفاع مسويين تخفيضات عدله خذيت سبع بدلات طقم حق بنتي ب27 دينار كلش ماتوقعت هالسعر توقعت يوصل خمسين دينار بس الحمدلله ربج كريم لحقوا على التنزيلات الي اهناك

[rose soul]

هلا هلا بنت الاياويد..وحروف مو جنه حددو لها موعد لعملية ولا شلون؟؟
انتي شخبارج؟
لمتى التخفيضات؟؟

[بنت الأياويد]

انا تعبانه والله مع الثقل والجامعة ، ماعرف لي متى التخفيضات وبالعادة مايقولون اهمه لي متى

[بنت الأياويد]

انا استاذن الحين بروح ارقد قعدتي من سبع الصبح وللحين مانبطحت ولا رقدت ان شاء الله باجر الصبح بكون متواجدة باذن الله لان ماعندي دوام