تجمع اللي بيولدون في شهر ذو الحجه

عسله · 09-17-2011, 08:25 PM

ان شاءالله بجربها واسويها
الفلبينيات اللي عند زوجي في المستشفى قالوله
خليها تمشي مرا استغربت

قلبيــ مدينهــ · 09-17-2011, 08:34 PM

عسله الله يسهلك والله لي شهر ما كشفت اتخيلواااااا
ومرره خايفه ...مشيتي صارت تقيله وبدا التعب يبين عليا ...دعواتكم ليا يابنات الله يسعدكم ...

عسله · 09-17-2011, 09:12 PM

قلبو اتوكلي ع الرحمن الرحيم واكشفي عشان تطمني
الله يريح قلبك وقلب كل حامل

يارب يتمم فرحتنا ع خير ومايضيع تعبنا

حلا جدة · 09-17-2011, 10:28 PM

مساء الخير
وحشتوني
انا مره ثقلت لو بس امشي انكتم وادوخ
ابرة الظهر انا خايفه منها مررره اما الكمامة احسها افضل واامن أنا اخذتها على بنتي
الله ييسرلنا يارب

أم ســـــامر... · 09-17-2011, 10:52 PM

عسله حبيبتي ابداي في التاسع اذا ماتغير وضعه
بس باذن الله معاك وقت يتغير ربي ييسر لك قلبووو...

Dado · 09-17-2011, 11:03 PM

حسبي الله عليها عشان كدا اكره الشغالات من قلبي خاصه حقون اندونيسيا
رحتو شفتو شيخ او استشرتوه؟؟

الابره هنا بامريكا يقولو احسن شي ومتعودين عليها الناس بس الكمام مايرضو يعطوه يقولو يأثر عالبيبي فخفت منها بصراحه

حاسه ماني قادره اقرر شي ابدا مرات يجيني مغص اقول خلاااااص قررت اخد الابره ازا هدا المغص وماقدرت اتحملو كيف حق الولاده
وبس اكون طيبه اقول بلاش اخد الابره

مدري متى اوصل لقرار

قلبي مدينه ليش ماتروحي الدكتور
بالشهور الاخيره لازم تروحي كل اسبوعين عشان يتابعو معاكي مزبوط.. الله يسهلك يارب

انا ماحسوي توزيعات ولا شي ياحسره من عندي كلهم كم بنت من اللي يدرسو معايا
اليوم سويت اوراق الفيزا لحماتي انشالله بس يقبلولها وتطلع فيزتها لحسن حضيع لو ماجات
بس متى نولد ونرتااااح

عطر المكان · 09-18-2011, 03:37 AM

هلا يا عسولااااااااات
عسله حبيبتي
لا تخافي تراني اخس منك اليوم روحت وراجعت قالتلي البنوته راسها في جهة اليمين ولمن دحين مانزلت لتحت وانا خلااااااااااص لا جاني نوووووم وقلق وخوف

ياااااااااارب ادعولي ليه ولعسله انو نوناتنا تتغير وضعيتهم ونولد طبيعي ولاده سهله ميسرة

GhoOosha · 09-18-2011, 03:40 AM

عسله لا تقلقي ان شاء الله يتعدل لسا في وقت

قلبي مدينه..انا من قبل رمضان ما راجعت ولا باخد حديد ولا كالسيوم الله يستر بس الاربعاء دا عندي موعد

تعرفو اكتر شي راعبني في الولاده انو زوجي يكون عنده رحله وما يكون معايا ..ودي اول ولاده ليا من غير امي الله يرحمها..واختي الصغيره حتجيني من المدينه بس خايفه ما تلقا حجز لانو انا قلتلها تعالي لما اقلك رايحه اولد ..وانواع القلق انو اكون لوحدي

جووررية · 09-18-2011, 05:10 AM

الله يهون عليكم جميعا حبيباتي انا الحمد لله ولدت وجبت احلى قمر وربي يسرها ترى لدكاترة يخوفون الوحده وانو حيصير ويمكن ماادري ايش وماهم حاسين بنفسية الحامل وخصوصا البكريه زيي ياحررررررررررررررررررررراااااااام جنوني انو عند الجنين ماادري ايش ويمكن ماتولدي طبيعي ومن هذي الخرابيط وانا قلبي خاااااااااااايفه مرره من الولادة ومافي احد عندي وحالتي حاله بس بالدعاء والاستغفار ربي يسرها

جووررية · 09-18-2011, 05:14 AM

حبيبتي GhoOosha لاتخافي ان شاء الله تتيسر امورك بس انتي خلي اختك تجي قبل ماتقوليلها لان يمكن تولدي قبل موعدك ماتدرين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الحوامل اللاتي سيلدن بشهر رجب 1432	يالبيه ياانا	إستفسارات مرحلة الولادة	13690	07-03-2011 03:39 AM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM
تجمع الحوامل الاتي سيلدن في ذو الحجة	بيوني	إستفسارات مرحلة الولادة	3806	01-09-2011 10:00 PM
تجمع الحوامل الاتي سيلدن شهر 5 (صحبه طيبه )	مرمر احمد	إستفسارات حوامل من الشهر السابع إلى الشهر التاسع	1	11-29-2009 02:27 AM