دردشة حوامل أهل الخرج - دردشة بنات الخرج - تجمع حوامل الخرج

[ام علاوي99]

اوف تطورات بعدي انتي وشله وين شفتيهم يالخايسه اجتمعتو وين
وش فيها عادي ضعف المبايض تعطيك منشطات واحملي خلي شهود تحط حرتها بالولود
الله يكتب لك الصالح
شهوده المصانع مره الولاده مريحه فيه صح المبني مش ولا بد وبس وش عليك منه منتيب ساكنتن فيه ههههههههههههه
المهم يالحبيبيه تطمني سهالات ليت اسوم قيذا تسدح تجربتها بحمود لانها حديثه ولاده فيه لان ولادتي الاخيره عندنا في الدلم والحمد الله بس ترا المصانع يهتمون بالبكريه توكلي ع الله والله يسهل عليك وعلى جميع الحوامل

معليش اتاخر مدخل نت بسبب كل الكرف فوق راسي الله يعيني ولابه فرغ

[اسومه القموره]

مرحبا حبوباااااااااااااااات.... ادري حووول اسمي غبار لانو من زمااااااان ماخشيت بس وربي ماادري كيف يمر يووومي مع حمودي الله يصلحه
كيفكم ؟ شخباركم ؟؟ الله يطعني عنك الف طعنه ياام علاوي وحشتيني مووووووت موووت مووووت
وش اخبارك ؟؟ عطيني عومك؟؟ وكيف النونو.. برسلك رقمي الجديد
حبيباتي الحوامل الله ييسر لكم ولادتكم يااااااااااارب ويجعلها بردا وسلاما كما جعلت النار على ابراهيم عليه السلام بردا وسلامااا ويهونها عليكم ويجعلها بساعه ميسوووره ااااااااااااه ماصدقت اولد من الخوف اللي فيني والتوتر كنت اخش وبس تهديني ام علاوي ولين والحمدلله ربي سهلها من سااااااابع سماه بفضل الدعاء والاستغفار
شهوووده عيوني انا ولدت بشهر رمضان المصانع رووووووعه لاتخافين اهتمام وعنايه وربي يطلع النونو وماتحسي فيه يعطوك مسكنات لاتخافي بالمره والممرضات عسووولات واحب اقولك خذي معاك بسسس جوالك لما تدخلي الولاده واغراضك الباقيه يجيبها زوجك لك بعدين بالتنويم
والنونو يلبسوونه ويسبحونه ومايجيبوه لك الا اذا طلبتيه واي استفسار ثاني انا حاضره

[شهودهـ]

ياصباح الرضى على احلى بنوتات

تسلمين ورود وجوري وام علاوي واسومه

يالله شكلي بقضي من الرياض للحين احوس :)

والا اختصرها من سربال والبطاح مشكله اللي مايعرفون ههههههههه

اسومه ربي يخلي لك حمود ريحتيني شوي والله شايله هم المستشفى زين يعني ماخذ الاجوالي وشنطة يد بس وملابسي وملابس البيبي اخليهم بعد ماولد يجيبهم زوجي زين لاولدت وهو تاخر وش اسوي < خوافه ومعقده ياربي :(

يارب تسعدهن وتوفقهن < دعوة صباحيه لااحلى تجمع

[●|ڄ۫۫ۅريےّْْْ|●]

هههههههههههههه


يطعني عنك ها

ما اسمع هرجك ذا بالقروووووب

شهوده الهرم حلووو و رخيص. تقدرين تروحين له تراه اوكيه مع اني ما ادري عنه هالفتره

و سنتر بوينت . . هم ملابسهم حلوه و اسعارهم معقوله

ربي يعينكك حبيبتي

لاإ ام علاووي من قال سهل ضعف عن ضعف يفرق هههههههههه

يجلسون بالسنين ما حملوا من ضعف المبايض الله لا يحرمنا هذي اختي 9سنين و الحمدلله بفضل ربي حمملت

ربببي يعين

[ورود المحبه]

مساء معطر بالكادي ياحلواااااات شهوده ذبحني الوحم يابنات وش اسوي استفرغ كل شي اكله والله امس كان لي موعد عند المصانع واكلت هواء اول ماجيت قالت لي الممرضه انتي حامل مدام والله بغيت استخف كيف وانا داخله الثالث طلع لزم اسوي تحليل الدم عندهم وبعدين جيت ادخل على د منال الا قالو لا راح تدخلين على د رجل وزوجي مومعي وارفض ويخلون العالم تدخل وانا جالسه استنا الا مخليني بدون رقم رغم اني اخذه رقم وبطلعت الروح ادخل ع د منال الحوشاني وترفض تقول لزم يشوفك د الرجل تخيلو جلست ابكي من القهر بعدين يدخلوني ع د هنديه مافهم عليها
امس ماساه غثيتكم بقصتي سووووووووووووووووووووري كنت ابفضفض
بنات متحمسه متى يبدا يكبر بطني باي شهر مستعجله بالحيل انا بالثالث الله يتمم لي ع خير

[بناتي كل حياتي]

http://forum.hwaml.com/t87601.html#post1773246

ادعولي فديتكم ..

[ورود المحبه]

صباح الخــــــــــــــــــــــــــــــــير فيه احد متواجد والا اروح انام

[s(لطوف)s]

الله يهون عالحوامل ويسهل عليهم يارب

[اغلى البشر]

بنات. انا حامل بالشهر الثامن. وبولد. بمستشفي الخالديه المللك خالد. كيف الولاده فيه كثيرين مدحوا لي بس قلت أسألكم. مين منكم ولدت فيه. لا تقولون لي المصانع. زوجي. مو. عسكري. يعني مااقدر اولد فيه مالي. الا الخالديه.

طمنوني يابنات الله يجزاكم الخير مين ولدت فيه او تعرف احد من اقاربها ولدت فيه. الممرضه. تبقي عندك وقت الولاده. والا تروح وماتجيك الا وقت وقت ولادتك. طمنوني الله يجزاكم الخير. البيبي. بعد الولاده في التنويم. ياخذونه للحضانه. والا يتركونه عندك وانتي تعبانه
وبعد سمعت انه عندهم غرف خاصه بفلوووووس الليله علي 200 ريال صدق والا كذب. وهل يقدرو ينامو معاك زوجك وطفللك. لو اخذت غرفه خاصه.



أإلله يجزاكم الخير طمنوني. لان ماعندي الا هووووو. ولا لي غيره

[حنان 1985]

اهلين حبيباتي من زمان عن المنتدى
لله يهون عليكم