تجمع حوامل ليبيا

[saly.me.91]

بالنسبة للي مانشدوش عليا انا مش زعلانة منكم هع هع هع
كيف حالك ياعيون وكيف حال سارة وحمودة وقربت السفرة وتيتي الشناطي ولا مزال وشن خديتي هدية للمراة اللبنانية

تمورة مبروك على ووخيك وانشالله تكونن بنت حلال تسعده وتهنيه

اية تبيديه بالهنى البالطو والتوت وكيف حالك انتي واسيل

ام وسن كيف حالك وحال وسن انشالله تمااام


يقيـــــــــــــــن كيف حالك وحال فروتي استاحشتك هللللللللللللللللللللللللللللللللللللللللللللللللل للللللللللللللللللللللللللللللللللللللبا وياما فتحت الياهو واستنيتك والسفنقري يضرب فيا على جنابي وانتي ولا قيتي

[COLOR="Red"]ام نوزة وام قصي وراية والاء وام اجنادين... كيف حاااالكم مع ان مانشد عليا حد اهئ اهئ .....وحدة ولت ف كلامها

ام رفيدة وينك معاش خشيتي ان شاء الله امورك تمام

متفــــــــــــــــــــــــائلة ان شاء الله خير وماكش زعلانة مني انا بس والله الا ركبني الوسواس وقلت اكيدة اناا السبب والله انا سألتك هذاكا اليوم بس ومشت بجوها وانتي حرة في خصوصياتك وماحد زعل منك يااااااااااااااااااارب ماتكونش مني انا ولو انا السبب حقك عليا وانا ااااااااااااسفة والله مانقصد حاجة وقرار انسحابك من التجمع هذا امر يعودلك انتي بس والله اضايقت هللللللللللللبا لما قريت الخبر هذا وياااااااااااااااااااااااربي يارزاق ياكريم يارب العرش العظيم يرزقك بتوأم وتجي وتبشرينا يااااااااااارب

[saly.me.91]

اهلييييييييين زهرة كيف حالك وشن اخر اخبارك


هاتو كيف حالك ويسلمو ايديك عالحلويات انتي وكل المبدعات اللي هنايا ماشاءالله


يقووووووووووونة عندي طلبببببببببب

ارجووكي حطي صورة التورتة عشان خاطري

[ღॐ آية ღॐ]

ام وسونة ردك جي في محلة وانتي مش غالطة
بس فية بعض الرجالة هكي طبعهم ومتفائلة في بدايت حياتها الزوجية
والرجالة في البداية يكونو صعبين حبتين بس متزعليش حبابة
احني كلنا وخياتك وصديقاتك والمواقف هادي ياااااااااااامة تصير
تصدقي فية الي راجلها ما نعهآ حتي
اضيف وحدة من التجمع في ايميلها. حالة وخلاص ...ربي يهدي
كيف حال وسونة وشن مديرين في الصقع تطلعي
ولا محبوسة زيني في الحوش؟؟؟

[ღॐ آية ღॐ]

سالي حبابة شن حالك وكيف حال النونوات
وكيف حال اميمتك دفي عمرك باهي في هدا الصقع
وننصحك غلفي بطنك بزيت الزيتون من توة
باش ما تتشققش مدافيشي خليه في ايدك شوية
باش يا خد حرارة ايدك وادهني بية ولا قولي لي اميمتك
تغلفلك جنابك كل لليلة .

[ღॐ آية ღॐ]

عيون حبيبتي كيف حالك اليوم وخشي قولينا شن درتي غداك
المستعجل خلي نستفيدو لان الرجالة مزاجين مرات يخطرلهم في اخر لحضة يفركسولك
برنامجك انا غداي مقلوبة وصورتها على شان عنوناتكم الحلوة
طبعا طنجرة مقلوبتي مدايرة شقلوبة على الصنية فاجت روعة
والصورة خير برهان >ويستمر مسلسل تواضعهآ سلمها^ ^"



اعترفي يقين مقلوبت مني احلا
عاتي عاتي لو مقلوبتي ما تزعليش

[ღॐ آية ღॐ]

معراج شن اخبارك ووينك مختفية وشن صارفيك
من لما حملتي اختافيتي !!!
واكيد جبتي ؟؟؟؟

[زهرة2000]

ما شاء الله عليك يايه شكلها تهبل وتفتح النفس حطيتيها فى بالى بكرى تو نديرها هههههههههههه
سالى كيف حالك وحال البيبيز ان شاء الله تمام انت فى الكم تو وكيف حال الربط
ام وسونه كيف حالك
عيون صحباتى اجلو الجيه للاسبوع الجاى

[saly.me.91]

تمام يازهرةوانتي كيف حالك انتي والبيبي انا توا ف الرابع

[saly.me.91]

من امداير هالمقلوبة اللي تهبل حسني جعت بجديات

[ميمونة]

ايوته سلم هاليدين اللي دارت هالمقلوبه تبارك الرحمن مش عاديه غلبتي يقين

سالي شن حالك وحال حملك

عيون كيف حالك اليوم وشن درتي غداك