السلام عليكم اليوم خرجت من المشفى اشكر اختي الغالية ام التوينز على ابلاغكم الله يحفظ الحلوات اها اللمهم امين واني سالتها كم سؤال بالنسبة لبناتها كيف تعاملت معاهم في بداية الامر
واشكركم بنات على دعواتكم لابني
اني ولدت قبل 6 ايام طبعا حملي كاة عذاب لحين اخر ايام تنومت بالمشفى وكل دكتور يقولي شكل والدم صار ما يوصل للجنين وبقى ما زاد وزنة في الفترة الاخيرة
واني كنت خايفة يصير شي لابني يوم الثلاثاء كنت نايمة بالمشفى وكان عندي فحص سونار والاطباء جنننوني والله وصرت ابكي وزوجي يمي الحمدالحمدالله اولادي وديتهم قبل اسوبعين لبيت امي
المهم قاي الدكتور انتي هسة في الخط الاصفر يعني ابنج بحالة سيئة بس مو جدا وانا تعاركت معاهم كلت الهم وليش تردون تموتون ابني يعني من يصير بالخط الاحمر يلا تطلعو اذا الدم ما يوصل شنو هذا الغباء تبعت جدا قلت لهم خلاص هسة اريد تدخلوني العمليات تعبت ونفسيتي خلاص
الله العالم بحالتي الشهور مرت علية عذاب بعذاب
قالو ميصير بنج نصفي نخاف عليج من النزيف لان تاخذين حبوب الاسبرين لحد الان قلت ما اريد بنج كامل اريد اشوف ابني وزوجي يكون معاي قالو مو بكيفج قلت اريد اتكلم مع دكتور التخدير
المهم حجيت وطمني قالو ان شاء الله مافي خطورة
دخلت للعمليات وابجي وخايفة وزوجي راحيبدل وحضروني على ما يلبس زوجي دخلت للعمليات وكنت ميتة تعب
والابرة كانت مؤلمة جدا
اني سبق لي قبلها قيصريتين كانو اسهل قالو لان هاي الثالثة المفروش تطول العملية نص ساعة
دخلت الساعه 3 الظهر وطلعت 4 ونص تخيلو اخر شي زوجي اختنك وان كل شوية اقول الهم طلع البيبي يقولون لا ياربي شنو السالفة
اخر شي كمت احس بالخياط والالم وصرت ابجي حطولي مخدر مرة ثانية لان العملية طولو طلع البيبي اصلا ملتزق بالرحم وصارو يجرون وانا ميتة الم وهاي قيصرية الله المستعان
المهم طلعو البيبي سمعت بجي بس خفيف وعاد اني دخت واعتقد اني نمت وطلع زوجي بعدها راح اخذو ابليبي للحاضنات واحنا منعرف اي شي عن ابني وقلبي يحترق نار وابجي ياربي شلون اريد اعرف
عاد بعد دخت اخذوني لغرفة الملاحظة بعد نص ساعة رجع زوجي وكلت بشرني شلونة احمد حبيبي قلبي
قال ان شاء الله زين لاتخافين احتاج تنفس اول ما طلع للدنيا وزنة صغير حيل قلبي يقطعني علية وصرت ابجي كيلو و700
خلو بالحاضنة العملية متعبة جدا يا بنات تعبت لحد الان واني الم قوي عندي وامشي لابني بس اريد اشوفة واشم ريحتة ما شفتة عدل بس اليوم كدرت اشوفة زين حبيبي سبحانك ربي مخلوق صغير والله اخاف احملة من صغرة
وزنة نزل صار اسبوع ووزنة ينزل وينطونة مغذيات ويرضعو 5 ملي وشوي شوي يزيد وكل 4 ساعات دعواتكم لابني يا بنات عندة اللتهاب بالدم لان ولادة مبكرة بنهاية الشهر الثامن
يارب يشفي ويطلعة بسلامة ان شاء الله واشوفة كبير يارب يكبر ويزيد وزنة اللهم امين