دردشة حوامل اهل فلسطين الغاليات ^_^

حواء مثالية · 12-20-2011, 12:20 PM

الف سلامة عليكي ياقلبي انتي خدي علاج للالتهابات لانه مو كويسه وتاثر على حملك

الافرازات البيضة ببداية الحمل كانت كثير معي خصوصا اول شهر

انتي هلا بالاسبوع الخامس عمر حملك 35 يوم ببداية الاسبوع الخامس

ما تشوفي شر ياقمر اشربي زهورات بتخف الالتهابات وابعدي عن المخللات والبهارات

بينك روز · 12-20-2011, 01:05 PM

الله يسعدك حواء
كلامك ريحني شوي
ادعيلي ربنا يكون معي
لاني قبل 7 شهور نزلت والحمد لله حملت بعد فتره من العلاج
هلا بحكي لزوجي يجيبلي زهورات

حواء مثالية · 12-20-2011, 02:11 PM

ما تشوفي شر ياقمر بس كمان انتبهي ما تشربيهم سخنين كثير

بينك روز · 12-20-2011, 02:26 PM

ولا يهمك حواء
انا اليوم ان شاء الله هروح على الدكتوره
لاني قبل شوي رحت على الحمام الله يعزكم ومسحت بالفاينه طلع خطوط بسيطه جدا لونها زهر
ادعولي الله يثبت حملي الله يخليكم

سما الدنيا · 12-20-2011, 02:34 PM

صباحو يا كروشاتي الحلوات,,,ولكل البنات.....كيفكم يا رب اتكونو بصحة وعافية و بالف خير يا رب.
بدي اسلم عكل الصبايا من حواء يلي بتجري البحث عني ههههههههه بس عطول بينت كيفك والف مبروك خطبة بنت حماكي عقبال بنات حمايه يا رب...وكيف حملك يلا ديري بالك عحالك والوحام شهرين وبتخلصي وبتصيري تاكلي مني..الله يثبتلك حملك واتشوفي ابنك على خير..
احساس كيفك وكيف النونو ..حبيبتي ما تاكلي كتير مخللات بتخافي يصير معك التهابات بالحمل, والله مشتاقه كتير لالكم الكم وحشه والله..
وعسولة وجارة ولولو والف عافيه عابنك ربنا يقومك بالسلامه..
وغموض والله حبيبتي ادايقت عليكي لانو هون ما بحب اسمع الا الاخبار الطيبه عنكم ..يلا معلش يا عمري انتي ديري بالك عحالك وما اتعبي حالك كتير وان شاء الله تطمني عالبيبي.
والبنات هون ما شاء الله كترانات يلا الله يزيد ويكتر..
المهم انا رحت السبت عالمختبر عملت فحص السكري وشربوني مغ كبير مي مع سكر وحكولي بعد ساعه ارجعي المشكله انو ارجعتلهم بعد ساعتين بس عملولي الفحص وحكولي لازم انعيدو لانو ما كان دقيق بسبب تاخري بس غصب عني انشغلت بالمحلات وانا الفلف..بس رحت عالدكتورة واطمنت عالبيبي وشفتو ما شاء الله عنو وزنو 900 غرام حكتلي ممتاز وزنو الحمد لله وبطني ما شاء الله كبرت بهاد الشهر وبانت كتير وصاحباتي الي صدفتهم برام الله والكل بيحكيلي الحمل بين عليكي الحمد لله ووزني من اول حملي زاد 6 كيلو يا رب اللله يتمملي عخير والكل يا ربي..مبارح رجعت عملت فحص السكري واخدو مني اربع عينات دم خلال تلت ساعات متت من الجوع لانو كمان كانو مصيميني ودوخت بس الحمد لله الفحص طلع كويس وما معي اي سكري ولا شي لك الحمد يا رب...
طولت عليكم بالحكي يلا معلشي اتحملوني هدول تعويض عن تلت ايام ما حكيت فيهم هون ...
الله يطمن الجميع ...طمنونا عنكم يا حلوات

جارة القمر · 12-20-2011, 03:15 PM

هلا بنات كيفكم

غموض ربي يثبتلك حملك يارب وتقر عينك برؤيته

بينك روز الله يطمن قلبك ....بعد ما تروحي للدكتورة طمنينا

سما ,,,,,,,,,,,اشتقنالك............شريتي للبيبي .؟؟؟

مدااااااااااااااااااااااااااااااااااايقه

سما الدنيا · 12-20-2011, 03:25 PM

هلا جارة منورة والله حبيبتي ..احنا مشتاقين اكتر..
اها الحمد لله شريت للبيبي اشياء حلوة وبجنن بدي اصورهم ليوم وانزلهم هون تعطوني رايكم ...من شو مضايقه يا جاره بتعرفي ما في شي مستاهل بهالدنيا ...اتوكلي عاالله الحياه كلها هيك

لولو حمادة · 12-20-2011, 04:14 PM

مرحبا يا بنات كيفكم اليوم
ليش مدايقة ياجارة مافي شئ مستاهل
كويس انك طمنتي على البيبي سما خلص ورينا الصور علشان انا باخر السادس ولسا ماجهزت علشان مش عارفة وين حولد بغزة ولا الامارات ابني الاول مانبسطت في الاجهاز
كيفك حواء
ابني صار احسن راحت السخونة واللوز بس صار معاه اسهال من تخفيف الملابس والكمادات

عسولة فلسطين · 12-20-2011, 04:15 PM

مساااااااااا الخيرات والليرات
كيفكم يا بنات
حواااااااااااء كيفك حبيبتي يارب تكوني بخير
بينك روز الله يطمن بالك ياااااااااااااارب ويثبتلك حملك ،،، انتي بتقولي بعد رحلة من العلاج ايش كان مالك >>>> مش حشورة انا هههههه بس لأني حبدأ علاجي ان شاء الله حابة اتونس
سمااااااااااااااااا>> والله نورتي يا شيخة بتختفي وبتطلي زي القمر هههههه
الحمدلله الله يقيمك بالسلامة انتي والبيبي ولازم نشوف اواعي ابن اختنا والا ايش رأيكم صبايا
احساااااااااااااااس>> وينها مالها لا حس ولا خبر
جاااااااااااارة >>> الله يكون لك معين يا رب قولي يااااارب
غموووووووووووووووض>> والله بالي عندك طمنينا عنك يااااااااااااااااااااااااااااااااااااااارب تكوني بخير انتي والبيبي
لولو >>> وينك مختفية؟؟
وأهلا وسهلا باللي انضموا لنا جديد

سما الدنيا · 12-20-2011, 04:26 PM

هلا فيكي عسولة تسلمي يا عمري والله انتو متل معزة الخوات الله يخلينا لبعض شو اخبارك يا قمرايه.انا كنت مختفيه عند اهلي وما فضيت اقعد عالنت كان عندهم شغل بالبيت وعمال كانت عقدة بيت اخوي عقبال ما نبني لاولادنا ان شاء الله ..
شو بتعملي هلاء يا عسولة شو بلشتي بالعلاج ولا لسا ...انا اختي دكتورة نسائيه ازا عندك اي سؤال بالنسبه للعلاج اسالي وانا بسالها وان شاء الله عن قريب اتكوني حامل ...
شو طابخين اليوم انا مبارح اجيت عالبيت وجبت معي اكل من المطعم لانو روحت متاخره من عند اهلي واليوم عاملة مجدرة مكسلة اعمل شي بيطول عالغاز ...

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الرياض - دردشة بنات الرياض - تجمع حوامل الرياض	angel_nanour	إستفسارات حوامل من الشهر السابع إلى الشهر التاسع	4598	01-02-2012 07:29 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM