طردني ابوي بفتره النفاس وحلفت ما اكلمه

[بوكاهنتس]

السلام عليكم ورحمة الله وبركاته
سؤال اهلك حالتهم المادية مرتاحين؟ولا على قد الحال؟
واتمنى تسامحي والدك لانى رضى الله من رضى الوالدين
في بعض الاهل اذا اتزوجت البنت يعاملونها كانها غريبة ويحسبون شنو يصرفون عليها في القرش كان العريس اشتراها وما عادت بنتهم
الله يكون في العون

[يازين الصبر]

ياعمري مفرررررررررروض انتي مخلصه اغراضك هذا شي معرووف وكيف اقولي لابوك وهو كبير روح هات اغراضي اخسها صعبه وش عرفه بالاغراض كان وصيتي امك او اختك

[يارا يامن]

مبرووووووووووووووووووووووووك البيبي حبيبتي
وبالبنسبة للمشاكل انا بحكيلك انسي وما تاخدي ببالك لانو هاي المشاكل ما بتخلص
انسي هلأ واهتمي للبيبي ربي يخلي الكو

[غصن البان]

حبيبتي الف الحمد لله على سلامتك ومبرووووك ع المولود...
بدابة انتي غلطانة كتيييروزوجك غلطان انو تركك في فترة الولادة وسافر وابوكي كمان غلطان كيف عاملك وامك كماااان!!
انتي المفروض حضرتي لولادتك من قبل شهر او اكتر ومش لازم تتركي هالامر لاهلك حتى ولو عطتيهم فلوس مدام هما هيك..
ويبدو انه فيه خلافات وتراكمات من قبل تانو ابوكي عمل هيك معك بس والله لو شووو مكان ما لازم هيك عملوا معك انا مستغربة كتيير من موقفهم خااااصة االام والاب الله يسامحهم..
وانتي لا تنسي انهم والديكي ومن اعز الناس ومهما عملو فيكي لازم تتحملي وما تسيئ اليهم وما تقطعيهم وصدقيني لو شوووو ما عملوا والله بستاهلوا السماح..فانتي سامحيهم ولا تقطعيهم ..ازعلي منهم لفترة بس ما طوليها وبعدين رجعي علاقتك معم عااادي ...
والله يصلحلك امرك ياااارب..

[مشاعل الدوسري]

أنتي عطيتيه حق شنو بلضبط حق ذبيحه حق أغراض البيت
لشنو بلضبط حددي
مو مهم الحين
أولا الأغراض حق البيبي أنتي مع زوجك و مع أمك أو أحد من خواتك اللي تجهزينها من قبل
ثانيا اللي أعرفه أن الوحده لما تولد
زوجها يجيب الذبيحه و الخضره و الفواكه و الشوكلت على قد مايقدر
يعني الذبيحه تكلف 1100
الخضار و الفواكه ماتجي 400
و مصاريفك هذا اللي أعرفه و مصاريف البيبي بيدك أنتي مو بيد أبوك
في ناس لا تعطي أبو البنت أقلها 2000 عشان أغراض للبيت و البنت لما تتنفس محتاج لاكلات معينه هذي معتقدات أهلنا
المهم اللي صار صار

أنتي طبيعي تتأثرين و تزعلين و أذا على حلفك صومي 3 أيام
و بعد النفاس روحي زوريه بس قبلها جسي النبض
من ناحية امك
المهم الحين زوجك
مو أبوك
أبوك هو غلطان
مهما كان وضعه على قد الحال وله غني وله فقير
المفروض مايحكي هيك
أنتي الحين أهم شي زوجك الصراحه فشيلة
حاولي تحكين مع زوجك و تهدينه و تقولين له أبوي عقليته قديمه و هيك شغلات
يعني و قولي أدري أنه غلطان و غلط عليك و علي
بس المسامح كريم حاليا أنا مارح أحكي معاها
و قولي حق زوجك أنك بعد النفاس تفكرين تزورين اهلك
أذا هو حاب يجي معاك وله لا
و قولي له خل الزين يجي منا نروح نزوره و حتى أذا طردنا ماعليه يظل هو الكبير
و احنا الصغار و نسوي اللي علينا

و ربك يهديه انشالله

ترى أنتي أرحم من غيرك وحده من البنات اللي أعرفه

أبوه عنده فلوس مو فقير أو مو قادر يأكل و يشرب اله على القد
لا
يعني وضعه أوكي أم البنت بعد سخيف و أبوها أسخف من الأم
داقين عليها يقولون لها عطينا فلوس عشان نجهزلك أغارض حق النفاس قالت لهم لا تتعبون انفسكم و لا تحاتون زوجي بيجيب الاغراض كلها حق البيبي و التوزيعات و الذبيحه و الماي و العصيرات و الخضره و الفواكه
تقول حق أمها لا تشيلين هم أنا قلت حق زوجي و نبهته و هو بعد ماقصر قالي أنه مستعد و حاط مبلغ 3000على الجنب حق الاغراض اللي بيجيبها لبيتنا عشان الناس اللي بتيجي و هيك
قالت لها الام و البخور و الجاوي ومدري شنو هااي السوالف و الحسو و مدري شنو أغراض هيك ماأعرفها حق نفاس قالت لها بنتها أكتبي الاغراض اللي محتاجه لها و نروح أنا و أنتي السوق و نشتري بنهاية الاسبوع قالت لها الأم قولي ماتبين تعطيني الفلوس بيدي
و أنتي بخيله و و و و و الخ
هذا كلام من زوجك مو منك و سوالف وواجد
نكدت عليها بأول فررحه لها
البنت عطت ابوها 1000
و امها 1000
و زوجها جاب الاغراض كلها و ماتنفست 40 يوم عند اهلها لانها تضايقت من طريقة تفكيرهم و طريقة ماديتهم لهدرجه مستبخلين على بنتهم و حفيدتهم


الواحد يقول الحمدالله

[أم أصيـــل]

الله يهديك يابنت الحلال,,أبوك مقهور من زوجك وبس عشان كذا حط حرته فيك,,
إنت الله يهديك ليش ماخليتي زوجك يشتري أغراضكم كلها,,
أصلآ إنت ملزومة منه وأكيد أبوك قال هذا مابيسوي لبنتنا شي ولابيقضي,,
راعي وضعه ومعليش هدي نفسك وكلها أيام وتعدي
وتنسون إللي صار,,
زوجك كان لازم ياخذ إجازة طارئه الله يهدية مو عارف طلبات النافس ومقاضيها..؟؟؟
ومبارك عليك ماجاك وعساه ذخر لكم يارب.........

[بوكاهنتس]

up up up up up

[وسناء]

حبيبتي يمكن ابوك عنده صعوبة مادية وتراكمات وانتي ماتدرين
ع العموم صار الي صار وهذا ابوك الله يخليه لكم
وغيرك يتمنى طيف أبوك

[كل الحلى]

خلاص صار اللي صار كلمي امك خليها تحاول تجي عندك في البيت
وأذا ماقدر مو لازم ياقلبي ياكثر اللي يولدون ويقعدون ببيوتهم لحالهم
وهذا غير اللي بغربة
والنونو مايبي له شيء بتعلمك الايام كلنا كنا مثلك والنت عندك ماخلى شيء
اما من ناحية ابوك الله يسامحه
مهما سوا يبقى ابوووووك
وكلش إلا أنك تقطعين صلتك فيه
عشان بكرا لاينرد عليك اللي سويتيه
صليه وحبي على راسه ولا كانه سوا شيء
وصدقيني هالشيء بيأثر فيه حتى لو مابين لك
والايام بتنسيك اللي صار

[دافئة المشاعر]

الف الحمدلله ع سلامتك ومبروك ماجاك جعله ربي من الصالحين

بنسبه للمشكله ماعندي تعليق عليها غير اني اقول:
ابوك لاتقطعينه مهما كان
هذي عقليته وهو رجال كبير ع قد حاله
والله يعينك يارب