السلام عليكم و رحمة الله و بركاتة
موضوع حلو
لما كنت في بيت أهلي
كنت مسئوله عن نفسي ملابسي اغسلها لوحدي غرفتي أنظفها
اللهم الخدامه تجيب لي الفحم و تكوي الملابس
أما في البيت كا كل
كنت مسؤله فتره طويله عن البيت ما كانت عندنا خدامه
لمدة 3 سنين فا شغل البيت على رأسي
طبعا محد يجبرني بس ما أقدر أخلي أمي تكرف بلبيت لوحدها
فا أنا اللي كنت أرتب و أنظف و أصحيهم الصباح
أمي ماكنت ترضى بس أنا أصحى قبل صلاة الفجر
أنظف المطبخ و الصاله و الممرات
والحمامات اللي بلدور الأرضي و أخر شي أسوي الشاي حق أبوي
و بعدها أروح أصلي (( بعض الأحيان أمي تصيدني و تقولي روحي نامي ههههههه))
أنا أقولها نزلت أشرب ماي و شفت الحوسه قلت خل أرتب طبعا أمي تدري أني كذابه
بس في نفس الوقت كنت تفرح فيني لما أريحه هيك
لما أرجع من المدرسه قبل لا أنام أغسل الملابس كلها و أنشرها
وأنام من بعد صلاة العصر الى صلاة المغرب و بعد هيك
أشوف الجدول حق المدرسه و ارتب كتبي و ادرس و احل واجباتي
و بعد صلاة العشاء أروح أجيب الغسيل و أرتب الدور الثاني
غرفة الوالده و اخواني
و بعدها أنزل يا ألقاء العشاء جاهز اللهم أني أحطه مع أمي أو
أني أسوي العشاء مع الوالد
هههههههههههههههه
و بعد العشاء أنظف المطبخ و أطلع الدور الثاني
أكوي ملابس المدرسه للأخوان الكرام و ملابس البيت
اللي محتاجينها ضروري و الباقي أكويه بيوم الجمعه
يالله وحشتني تلك الأيام
عاد شوفو الكرم بأخر سنة ثانوي لي أمي جابت خدامتين مو وحده للبيت
لان بيتنا 3 أدوارو كبير يالله على أيام الغبار لما يغبر بيتنا كنت أتعب
فا أم الطفش من بعد ماتعودت على الشغل صار في حد يسد مكاني
فكنت أروح المطبخ أغسل الصحون و الخدامه تقولي
أنا بغسلهم أقولها اليوم كيفي أبيي اغسل عاد
لا تدري أمي أني غسلت الصحوون و أنا بأخر سنه لي
هههههههههههههه
تصارخ تقولي ذلفي أدرسي أبرك لك
و بعد الثانوي درست بلمعهد
فاكانت حياتي كلها من بعد الثانوي طلعات بشكل كبير
يعني من الساعه 4 الفجر أقوم أو بعد الصلاة بشوي
و أطلع من البيت الساعة 7 الصباح و ماأرجع اله 3 العصر و ساعات
6 المغرب
قعدت سنتين على هذي الحاله
بين معاهد و بين أعمال تطوعية و أروح كل يوم للممشى أسوي رياضه ساعه أو ساعتين بليوم و بين أبحاث فضااوه و أدور على شغل ماألقاء
المهم
بعدها هنا التغير
لما تزوجت رحت لمنطقة ثانية ماأعرف أحد فيها
و سكنت بشقة و مافيها شي المنطقه
من اللي كنت أسويه يعني أخاف أطلع أروح للمشى و أنا
ماأعرف شنو نظام التحرش عندهم كيف
و صار الشغل في البيت أقل المسؤليه قليله و طلعاتي أقل من القليل
مو لان زوجي معترض بلعكس بس لاني مااعرف احد و لا أثق بلسواقين اللي بلمنطقه
و مافي معاهد كثيره و لا أماكن تجمع للبنات و الشباب
و وزني زاد 5 كيلو و بعدها حملت و زاد الحين 13 كيلو عن وزني الاساسي
و يا الله
بس بعد الولادة و على بداية السنة الجديدة لازم أرجع أدرس
لاني متعودة على الحركة و الشغل و مليت من القعدة عمال على بطال هيك
أنشالله بس اولد بلسلامة و بعدها بحاول أرجع شي من الماضي الأليم
أول شي بسويه رجيم قاسي لازم أرجع لوزني الاساسي 65 هههههههههههههه
أهم شي وزني يرجع
و الله يعين يا أخوات
عاد المفروض الحين
تنزلون موضوع أسمه ماذا تغير فيك بعد الحمل..؟
عاد من ناحية الولاده و الوزن و النوم و طريقة التفكير و الخ
فككروو بلموضوع و لازم يتثبت بعد
عشان نشووف التغير
على مر السنين..
الله يسهل على الجميع و يرزقهم بلطفل السليم المعافى يارب
و يكون لهم خير بلدنيا و بلأخره..
10-03-2011, 08:20 AM
رد: ماذا تغير فيك بعد الزواج.؟؟؟
مشاعل الدوسري 
ربي لاتذرني فردا وانت خير الوارثين
جديد منتدى منتدى الحياة الأسرية والزوجية
العرض العادي
