تكفون سااااااااعدوني ... الله يفرح قلبها الا تساعدني ...

[hnen]

نصيحتي لك أنك تستخسري قبل ما تروحي عند هذا الدكتور
وأنك لا تكشفين عنده أبدا أولا حفاظا على حشمتك ثانيا عشان زوجك لا تحاولي تناقشيه لأن الرجال يكرهون هذا الشيء
زوجي فيه غيرة خيالية قال لي ماراح أوديك عند دكتور لو ما حملتي طول عمرك
وأنا أصلا ما أبغى أروح عند دكتور بس مجرد تفكير

روحي عند الدكتورة السودانية إلي في أبها الخاص في كثير يمدحوها
بصراحة أنا ماجربتها لأني أسكن في الرياض بس أسمع بنات يمدحوها

[لن أيئس]

تسلمين ياقلبي .. على ردك العطر..
بس انا الصراحه كرهت الدكتورات تحسين انهم مايخلصون معك ..
لكن الرجال يخلصون معك .. صح ولا لا ياحنان ..
كثيرين ينصحوني اروح للدكتورممدوح أسكندر مجرب على نساء عانين العقم من سنين طويله .. حتى زميلات أختي باالجامعه نصحوني عليه ..
وكمان زميلات بنت خالتي هن مدرسات وعندهن خبره ..
وكمان كثيرات جربو هذا الدكتور .. ممتاز للعقم ..
والله اني محتاره .. يااااارب تكون عنده مساعده طبيبه هي الا تكشف ..
واذا كان هو الا يكشف ماراح أخليه يشوف مني شيء ..
بس يحرك السونار ويذلف وجهه ..
وعلى الله وش نسوي .. خلااااص ماصرت أثق بدكتورات ..
بعد ماسوته فيني الدكتوره السابقه .. الله لايسامحها فيني ..
دفعت لها أكثر من 10,000 ريال .. حسبي الله ونعم الوكيل ..
والمصيبه ان هذي الفلوس جلسنا ننتظرها تقريبا سنه ..
وفي الاخير كأن احنا كبيناها بزباله وانتي بكرامه .. يعني راحت هباء منثورا ..
يااااااااربي عوضني ..
سبحان الله الانسان مايعلم الغيب .. لوكنت ادري والله مااروح عندها ..
قدر الله وماشاء فعل ..ياااااارب عوضني خير واكتب لي الا فيه الخير ..

[سموة الشوق]

الله يعوض صبرنا خير يارب

دامه زين توكلي على الله ياشيخه

بس ان شاء الله تكون في مساعده

أغلب الدكاترة الرجال

يكونون معهم مساعدات وقت الكشف

وزوجك يكون معك بعد

الله يسهلك غلاتو

انتي عملتي أطفال أنابيب؟؟

[لن أيئس]

تسلمين ياطيف .. اللهم اااااااااااااامين ..وياك ياااارب.. الله يرزقك ماتتمنين ويسعدك..
الدكتور ممتاز .. ماعليه كلام .. الكل ينصحني اتعالج عنده ..
حتى اني بحثت عنه بقوقل .. وماشاءالله الكل ينصح بيه ..
لا ياطيف .. ماقد عملت اطفال انابيب .. الله يستر من الجاي ..
أخاف في يوم من الايام تطور حالتي .. حتى يقولولي الدكاتره مافي أمل الا الاطفال الانابيب ..
الله يوفقنا ويرزقنا من حيث لا نحتسب .. اللهم ااااااااااااامين ياارحم الراحمين ..